السلام عليكم ورحمة الله وبركاته
كيف الحال ان شاءالله كلكم بخير وبصحه ومبارك عليكم ماتبقى من شهر الخير جميعا
انا متابعه للمنتدى من 7 شهور تقريبا وماشاءالله الكل موفي ومكفي
قررنا ان شاءالله في شهر اكتوبر السفر الى فرنسا بالتحديد باريس لوحدها فقط
بس قريت كثير يستكثرون عليها اسبوع جاني تحطيم
لان هالسفره اول سفره لنا في اوربا بس حسيت بالاحباط مع ان باريس معروفه ماعليها كلام
ابي مساعده منكم ولا عليكم امر
من ناحية السكن ابي يكون على الشانزلزيه شقه مفروشه نظيفه وسعرها يكون معقول احنا عددنا 6
وش تنصحوني فيه ؟؟ لما راح الوالد لمكتب سياحي قال له تقريبا بتلاقي بحدود 1800 معليش سعر مبالغ فيه والا ؟
وحسيت ان صاحب المكتب يلعب شوي لان يقول لنا هناك مكتب بباريس تبعنا فشكله لعب بالسعر لو فنطق ممكن بس شقه مااظن كذا
وان شاءالله بنخصص ثلاث ايام او يومين لدزني لاند وش السكن المناسب هناك ؟ وهل لما اسكن يكون الدخول مجانا لكل شي ؟
لاني قريت لما نسكن في احد الفنادق حقاتها يكون الدخول لكل شي مجانا الاستوديو وهالاشياء
قريت عن حقول الافيندر صراحه عجبني قريب من باريس اقدر اوصله ؟
الوالد حاب نخصص 3 ايام تقريبا بالريف ويبيه قريب من باريس مو بعيد وش يصلح ؟
والاجواء في اكتوبر 17 ايش بتكون بارد الجو مطر ثلج او حار ههه عاد احنا نحب الاجواء مايله للبروده
وابي منكم ترتبون لي جدول انا جاهله جدا لاني متحطمه من الجميع ويقولون كثيره على باريس اسبوع
ابي الاماكن السياحيه والمعالم والحدائق وايضا الاسواق الماركات العالميه
واخر شي ، هل فيه تأجير سياره مع سائق بالمشوار يكون ؟ يعني مثلا نبيه يودينا بس للريف او لدزني بعدين خلاص مايكون معانا
وشكررا مقدما واسفه على الاطاله وتكثير الكلام
واله يوفق الجميع