بوشكاش
06-10-2022 - 11:34 am
الى خبراء اوربا ابيكم تساعدوي في بعض الاشكاليات عندي رح يكون مخطط رحلتي بعد قضاء عشرة ايام في لندن وباريس الى ايطاليا فصار مخططنا الوصول من كان الفرنسيه الى ميلانو طيران ورح نجلس فيها ثلاث ايام رح نطلع يوم للقانو السويسريه واليوم الثاني كوموواليوم الثالث نبقى في ميلانو هل يكفي يوم في ميلانو وبعدها رح نطلع لفينيسيانجلس فيها يومين كويس ك\اولالااناقرات كثير واحترت البعض يقول يوم واحد يكفي والبعض الاخر ثلاث ايام وقرات ان ماحلوالسكن فيها يعني فنادقها موحلوه فاتمنى من اللي عندهم خبره يفيدوني في السكن وين اسكن فيه وبعدها رح اطلع روما فقالولي المسافه بعيده تنصحوني اروح ع القطارمع العلم اني اكره الطيران ا لااذاكان الطريق موحلو وشاق الله يعيني ورح اجلس فيها يومين تكفي في روما ولالا ابيكم تفيدوني اذاكان جدولي مومرتب انتظر ردكم ولكم مني جزيل الشكر والعرفان
ما حددت عدد الايام في ايطاليا؟؟
ولاحددت اذا بتستأجر سيارة او بتطلع بقطار ..
عموماً اقترح عليك زيارة كومو ولوقانو في يوم واحد كونهم قريبات من بعض تقريباً مسافة ربع او نص ساعة بينهم ..
ميلان عندك ساحة الدومو, الغاليريا وبعض شوارع التسوق قريبة منها تخلصها بيوم,
يوم لزيارة اوت لت وفيه مواضيع ومشاركات لمشرفنا ابو طلال باسمائها وترتيبها وعناوينها.
يوم لاستكشاف ميلان والتمشي فيها بدون هدف خاصة في المنطقة المحيطة بالفندق
فينيسيا مو حلو السكن فيها.. اقترح عليكم:
السكن في فيرونا ,, مميزاتها: بالنص بين ميلان, فينيسا وجاردا ,,
منطقة جميلة وقديمة فيها ساحة الارينا وبيت جولييت والفنادق امام الارينا والكوفيهات رائعة لو الواحد بس يجلس فيها..
ومنها زيارة فينيسيا حيث ارى ان يوم واحد كافي فيها الا اذا كنتم ترغبون برؤيتها ليلاً فالافضل حجز ليلة واحدة فيها وتجربة الجندولا بالليل
روما بعيدة اقترح تكون زيارتكم لها في زيارة ثانية لايطاليا وتزور فلورنس وبيزا معاها
موفقين