السلام عليكم
اقدم لكم تقريري البسيط
لفندق هوليدي فيلا المدينه
فندق من الفنادق الحديثه
تم الحجز عن طريق موقع بوكنق
وكان بسعر مغري جدا 345 للغرفه مع الافطار
قبل الحجز قمت بي الاتصال على نفس الاوتيل
لي المقارنه بين الاسعار ووجودت سعر الغرفه 550
طبعا فرق حجزت وتوكلت
في المدينه المنوره
وفي اخر التقرير راح اذكر ايجبيات الاوتيل والسلبيات
تمر وقهوه
وفيه واحد لابس لبس مكاوي ويستقبل النزلاء الجدد
بس طبعا ماقدرت اصور للاحراج
ودا الجانب الثاني من اللوبي
فيه كوفي شوب
كان تعامل الاستقبال جدا راقي
طلبنا تكون الغرفه في الادوار الاخير
واطلالتها ع الشارع الرئيسي
وماقصرو
يلا نطلع للغرفه
بسم الله
دا اول مانخرج من المصعد
يلا نروح للغرفه حقتنا
نشوف ايش هذا من قريب
فيه اريح من هيك
طبعا هذا جهاز تحكم للغررفه كلها
ماتتخيلو قد ايش حلو
ترا هما حلفو عليا اخذو معايا البيت
بس انا رفضت ههه
نسيت ما اقلكم ع شي ثاني في الغرفه
شوفو ....
طبعا لازم تحطو البطاقه فيه عشان تشتغل الانوار والتكيف وكل شي في الغرفه
فكره حلوه لتقليل في استهلاك الكهرباء
بس الصراحه نحنا من جنبها
هما يعطو بطاقتين من اول مادخلنا خلينا وحده في الغرفه عشان الانوار والتكيف والثانيه هيا الي معانا لما نخرج ههه مافي امل
وفي شي ثاني حلو
في الممرات برا لما يكون مافي حركه
الانوار الصفره تنقفل وتبقى اضاءه مره بسيطه وبمجرد
انو ينفتح باب غرفه او المصعد او فيه اي حركه تشتغل الانوار
يلا اتفضلو
يلا نروح ع البوفيه
بس اعذروني ماقدرت اصور كثير
لانو مره زحمه
باقي صور
بس ماني عارفه اشبو المنتدى مو راضي يحمل تعبني
راح اذكر لكم الايجبيات والسلبيات للفندق
الفندق فخم حبيتو كثير
معامله الموظفين فيه مره ممتازه
طبعا احلى شي واكثر شي حبيتو جهاز التحكم ابغى اسوي عند سريري زيو ههه
قرات في بوكنق انو ماينظفو الغرف الا بعد طلعت الروحه
بس الحمدالله ركزت ع النقطه هذي ولقيتهم مره متعاونين
هما ما يجو ينظفو الا اذا انت طلبت عن طريق الضغط ع الزرار في لوحة التحكم
ويكون فيه نور صغير برا اخضر اذا اشتغل النور هذا معناتو تبغو احد ينظف
فا يجي العامل وينظف ويارب تكون المعلومه وصلت
البوفيه بسيط ولكن مودي للغرض
السلبيات
المواقف مره صغيره يعني في المواسم
مستحيل تلاقي مواقف
واكثر شي مستغربتو انو مافي عازل صوت ع الشبابيك
يعني نحنا في الدور ال 13
ونسمع اصوات السيارات حتى لما نقفل الشباك
حجم الغرف صغير بس مو سيئ انا حسيتو عادي
المخدات حقتهم مي مريحه ابدا ابدا
جاني شد عضلي فرقبتي بسببها
تقيمي للفندق بشكل عام رائع
ويارب تستفيدو من تقريري البسيط
وليا رجعه مع تكملة الصور لو انحلت المشكله
وياليت المشرفين يساعدوني
واعتذر كثير لو الصور مي واضحه
ولا هيا بي المستوى المطلوب
لانو تصوير الجوال
تقديري لكم
اختكم
جنون انثى
والحمد لله انه اعجبك , أذكر كنتي خايفه من الفندق