السلام عليكم ورحمة الله وبركاته
سامحوني على التاخير اليوم راح اكمل لكم تقريري عن لندن وباريس
مع اول جزء في باريس
وللي ماتابعني من البداية وحاب يشوف التقرير من اوله
راح احطله رابط تقريري الاول في البوابة البريطانة
https://artravelers.com/p/re/680937
والحين راح انكمل التقرير
ومثل ما انتو عارفين رحلتنا كانت من تاريخ 9 يناير الى تاريخ 19 يناير مابين لندن وباريس
واليوم هو يوم الاحد 15 يناير والحين وصلنا في تقريرنا الى محطة القطار لان كنا تونا واصلين
ولكم بعض الصور وقت وصولنا
ولو بتلاحظون ان مافي تفتيش جوازات وهشي وايد حلو فيهم تطلع من القطار وعلى طول على التكاسي
واحنا بطريقنا لطابور التكاسي كلمتني وحده وقالت لي اذا محتاج تكسي طبعا رفضت وشكرتها
ولاكني التفت ولقيتها اتكلم صاحبي وقالي هذي تكسي وبتودينا طبعا قلت له على السريع خلها اتروح مومحتاجينها
ولاكنه للاسف ما فهم علي بسرعه وقالي ليش وخل اروح معها بس انا بعدها شرحت له ان هناس
لو لا سمح الله صار شي المحطة ما اتكون مسؤوله عنا لانهم مب معتمدين عندها
فخلنا على الناس المعتمدين افضل واامن خصوصا ان هناس بيطلبون اسعار عاليه وحتى شكل وهيئة المراة كان يشككنا كانت وايد مبهدله وماتتكلم انجلش وهشي خوفني منها
والحين احنا واقفين بطابور التكاسي
المبنى الي مشاهد المحطة
وبعدها اخذنا تكسي وبصدفه طلع فرنسي من اصل مغربي بس مايعرف عربي وايد
وكان التكسي طيب وايد وودانا الى الفندق
وبهلمناسبة حاب اشكر فيصل المراقب العام على ترشيحه لنا للفندق
وفعلا كان رائع خصوصا الموقع شي خيال احلى مافيه موقعهم
وخدمتهم كانت ولا اروع
الفندق هو
Hôtel Cristal Champs Elysées
وهذا رابط الفندق من موقع بوكنق للي حاب يشوفه
https://www.booking.com/hotel/fr/cristal-champs-elysees.ar.html?aid=1300939
وسعر الليله لشخصين كان ب 760 رياال قطري
وانا اشوف السعر افضل من مناسب
ولكم بعض الصور اول ما وصلنا
وراح اكتبلكم ريي بلفندق بكل صراحه
الموقع 10/10
المعامله 10/10
حجم الغرفه 6/10
الاكل والشرب ماجربناه
الكونسيرج مافي للاسف
وفي مشكله عانيناها وايد وهي مشكلة الفت
لان عندهم لفتين واحد كبير وواحد صغير
وللاسف غرفتنا كانت بلمبنى الي اللفت ماله صغير
تخيلو لفت مايكفي الا لشخص واحد بس هشي وايد مللنا في الروحه والرده
وحتى في الشنط كنت اركب ويا الشنط شنطه شنطه واوديها فوق
بس بشكل عام انا كنت متخوف وايد من اختيار الفندق
لان صاحبي اول مره يزور اوربا وهو الي متكفل بسكن ولاكن اوكل الاختيار لي
ضمن ميزانية محدده وهي مايتعدى الفندق ال 800 رياال بليلة لهشي حاولة احصل
فندق حلوة وموقعه بشانز وسعره مناسبه للاسف ما حصلت شي عدل ونصحني مراقبنا فيصل
بهلفندق ترددت بس يوم شفت الريت عالي بموقع بوكنق توكل على الله خصوصا ما كان باقي الا غرفه وحده بس
حجزتها بلفيزة ولاكن صار مشكله بلفيزة وغيرتها الى فيزه ثانيه وظبط الموضع مع اني اتصلت بوحده بلفندق وتعاملها كان مش ولا بد
بس يوم وصلنا عندهم تعاملهم جدا راقي وكنت كل اشوي اخذ خرايط واسالهم ويجاوبون بصدر رحب
انصحى انكم اتجربون الفندق
وانا عطيت الغرفه 6/10 لان الحجم صغير
ولاني ما احب الغرف الضيقه
بس مع ذالك ما حسينا وايد انها ضيقه بلعكس كانت نظيفه وايد والوانها وشكلها الغريب عجبنا
خصوصا صاحبي اعجبته الغرفه وايد وقالي احلى من فندق لندن وهشي صدمني بس ريحني لاني كنت متخوف مايعجبه
واشكر مراقبنا فيصل على اختياره لنا للفندق
وبعد ما وصلنا وريحنا قررنا انتمشى بشانزليزية واندور لنا محل يبيع كروت تلفون لان نبي انفعل خدمة البلاك بري
وهذي صورنا بشانزليزية
والصراحه من جمال الجو والبراد والشارع والحياة نسينا الي كنا اندور عنه وبدينا انتمشى وانقرب من برج ايفل
وبعد ما اتمشينا حواليه تذكرنا ان لازم نرجع اندور على محل تلفونات لان الوقت تاخر واليوم الاحد والمحلات بداة اتصكر
وحاولة ادور ومشينا بشانزليزية اكثر من 5 او 6 مرات وماحصلت ولا محل
كانو يقولون لنا عن محل فنك بس ماحصلته ولاكني اكتشفت ليش ما حصلته لانه طلع بطابق الارضي من سيفورا وانا كنت امر عليه ولا اشوفه
وبعد طول عنا حصلته ودخلت وطلبت منهم كرت مع خدمة بلاك بري وقالولي ماعندنا الخدمة وبتحصلها بمحل اورنج في وال الشانزليزية
قلت لهم مب مشكله ورحت على السريع لاورنج ولاكن للاسف اول ما وصلت الا هو مصكر ويوم حاولة بس اسالهم نزلو الشبك على الباب الصراحه عصبت من حركتهم بعدين قعدت اضحك ههه
وشفتلي كشك تلفونات واخذت منه كرت ليبارا بس علشان اكلم الاهل واطمنهم علينا
لان البلاك بري ما اشتغل ولا التلفون من دخلنا الحدود الفرنسيه وقلت اكيد هم يحاتونا
وبعدها كان البرد ذابحنا خصوصا ان مشينا وايد وقررنا انشوف اي مطعم ناكل فيه واول شي شفناه كان ماكدونالز فقررنا ندخل وناكل اي شي على السريع
وهذا عشانا
وبتلاحظون على اليمين كرت الليبارا لاني كنت امبطله وافعله
وهشي ما حبيته لان بلندن مايحتاج تتصل واتفعل
بس في شغله اعجبتني ان عندهم لغة عربيه سوان بلكتلوج او بخيارات التلفون
واتصلت فيهم لان كان مكتوب بلكتلوج لازم اتصل واعطيهم بياناتي وبعدين ارسل لهم صوره من الجواز
بس بعد ما اتصلت اخذة هي البيانات وعطيتها العنوان وان احنا بلفندق
وعطيتها رقم الجواز وبعدها تفعل وما طلبت اني ارسل لها الاوراق ولا شي وكانت متعاونه وايد معانا
وبعدمافعلة التلفون وخلصت عشى قررنا نرجع الفندق ومن حظنا ان مشاهد الفندق فيه مطعم ايراني وفيه شيشة على داخل فقررنا انروح له
وحصلناه زحمه فقعدنا بطاولات الي برا اشوي وطلبنا لنا شاي لين ما تفضى لنا طاوله
صورة شاينا
شايهم حلو وايراني اصلي معاه ماي ورد وزعفران ذكرني بشاي بيتنا
لان بلعاده او بلندن مايجيبون لك الا ماي حار ولبتون حتى النعناع مب دايم
وانتظرنا الين فضت طاوله ودخلنا داخل بس يعيب المكان انه ضيق والطاوله على الطاوله بس اهم شي يقضي حاجه ههه
وبصدفه حاول اشبك على الواير لس فشبك لي شبكة فندقنا من كثر ماهو قريب
وبصدفه ماسنجر البلاك بري اشتغل وهشي صدمني
لاني بدبي مره جربت وماشتغل بس الي استنتجته يمكن لان الكرت البريطاني اساسا فيه الخدمة
لهشي اشتغل فقلنا انقزرها اليوم لين بكرا وانفعل الخدمة عند اورنج
ولين هنا وينتهي يومنا وان شاءالله اكمل لكم اليوم الثاني في باريس بكرا
واتمنى تقريري المتواضع ينال على استحسانكم
اخوكم
alma3ani