هلا بك ياعريس
ابشر بما طلبت لكن إش رأيك لو تخلي لنكاوي 3 وبينانج 3 ؟ هذا هو التوزيع الأمثل خاصة للعرسان
إش قلت؟

والله ياطويل العمر ... ولد عمي اشار علي ان يكون يومين لنكاوي وكثير عليها على حسب كلامه انها جزيره صغيره ومايحتاج تجلس فيها كثير يومين كثير عليها .. وبالنسبه لبينانج قال لي خلك 5 ايام وماراح تمل لان النشاطات البحريه حلوه وراح يمضي الوقت بسرعه وماراح تمل منها بس انا خليتها 4 ايام احسها كثير .. والصراحه انا مدري عن ماليزيا ولا اعرف شي ابد
وداخلين ندور مشورتكم ونبي نستخير ان شاء الله

على راحتك بس أنا أشوف أنه 3 أيام مناسبة لكل من لنكاوي أو بينانج لكن على راحتك
تفضل هذا البرنامج والفنادق:
2 سلانقور : فندق صن وي بيرميد غرفة سوبيريور
2 لنكاوي : فندق ويستن لنكاوي غرفة ديلوكس مطلة على البحر
4 بينانج : فندق بارك رويال غرفة ديلوكس مطلة على البحر
3 كوالا : فندق تردرز غرفة ديلوكس مطلة على البحرالمجموع = 11 ليلة

المواصلات:
من _____ إلى
مطار كوالالمبور - سلانقور : تاكسي (45 دقيقة)
سلانقور - لنكاوي (عبر مطار كوالا) : طيران (55 دقيقة)
لنكاوي - بينانج : طيران (30 دقيقة) أو بحر (فيري) ساعتين و 45 دقيقة
بينانج - كوالا : طيران (45 دقيقة) أو باص (4 ساعات)
الميزانية التقريبة:
الفنادق = 8800 ريال
طيران داخلي = 1200 ريال (شخصين)
مصروف يومي = 550 * 11 يوم = 6050 ريال (مطاعم - تكاسي - تذاكر دخول حدائق وملاهي . الخ)المجموع = 16050 ريال شامل كل شيء ماعدا التذاكر الدولية
رحلة سعيدة إن شاء الله