الحجز أونلاين من موقع الطيران الإماراتية http://www.emirates.com/ae/english/index.aspx
للفترة بين 23-28 ديسمبر
يعني بالضبط معانا 5 أيام
والسبب إننا نبغى نرجع لدبي ونحتفل ونحضر إحتفالات
رأس السنة الجديدة
يعني المفرقعات النارية والفاير ووركز وكدة
مو حفلة حفلة عشان الإحتفال حرام
يعني نبغى نكون في طرادنا لما الفاير وورك يبدأ عند برج العرب
اللي صار إني أنزنقت بالوقت
الحجز مو راضي يتغير فولي بووكد في الإماراتية
الشي الثاني أنزقنا بالمنتجعات
كلهم عندهم
7 nights minimum stay restriction
يعني أقل شي 7 أيام في المنتجع الواحد
وأكيد عارفين له ، عشان الكريسماس وليلة عيد الميلاد
لما أنزقت وخلالالالاص بدأ الوقت ينفذ مننا
مالقيت غير الإمارات للعطلات
تجربتي مع الحجز مع الإمارات للعطلات
موقعهم الإلكتروني http://www.emiratesholidays.com/english/
تتصلوا من داخل الإمارات بهذا الرقم
2(طبعاً أنا ما لقيت غير منتجع أنانتارا وهيلتون الوحيدين
اللي عندهم 5 أيام أقل شي والباقيين كلهم 7 أيام)
عندكم خيارين إما تحجزوا معاهم الطيران
أو إذا عندكم حجز (زينا) تعطوهم رقم الرحلة
لما تحددوا معاهم يرسلولكم بالإيميل تفاصيل الحجز
إذا حجزتم قبل 21 يوم من التشيك إن يعطوهكم 5% تخفيض
ولازم تعبوا هذي الورقة وترسلوها بالإيميل لهم
وفيها معلومات بطاقة الماستر كارد
وهذي فاتورة منهم بمبلغ 35000 ألف درهم
طبعاً تكلفة بس الفندق 35 ألف درهم غير الطيران
وهذا مبلغ جداً كبير بسبب الموسم الناري لهم
نفس الفندق ونفس الغرفة لو حجزتوها غير الكريسماس تكون أقل
تكلفة الطيران تقريباً عشرة ألاف درهم
التكلفة الإجمالية للرحلة
0+ 10000
=
0درهم إماراتي
وهناك كان مصروف الجيب حوالي 5000 ألاف درهم
بس أرجع وأقول ، هذي الفترة كريسماس
عشان كدة غالي ، ولو وقت تاني بيكون نفس المنتجع أرخص
يعني تقريباً تتدبل الأسعار وقت المواسم المعينة
ختاماً لهذه الفقرة : الإمارات للعطلات جداً تجربة ممتازة
بروفشنال لأبعد الحدود ودقيقين وفريندلي ورهيبين
يعني ينفعوا وقت الأزمات
يتبع

أسمحلوي أعزائي ما اقدر أرد أي رد حتى أنهي التقرير كلو
وبعدها أجيب على كل إستفساراتكم وأسئلتكم
هيلتون إيروفوشي كان مو بإختيارنا المبدأي
حكينالكم قصتنا ، وكنا في البداية خايفين إنو إختيار غير جيد
وأنا عن نفسي قرأت عنو بعد ما حجزتوا
لكن والحمد لله تعالى مخاوفنا كانت خاطئة ، بالعكس المنتجع ممتاز
كل شيء فيه ممتاز ورهيب ماعدا شيء واحد حطمنا
الشعب المرجانية سيئة
في ناس ما يهمهم النشاطات البحرية ويمكن شاطيء نظيف وتراب أبيض
وبحر أزرق يكفيهم ، وأنا أقول نحنا ناس محترفين سنوركلينج وتحت الماء
فرقت معانا كثير
في أول يوم عشنا صدمة شنيعة، كانت صدمة كبيرة لنا إنو مافي كورال ريفز
ولا شعب ملونة وفين فين الدبليو ، إيش تقولوا صحراء جرداء تحت البحر
لكن مثل ما قلتللكم
السعادة إختيار
قررنا نغير خطتنا ونستمتع بالمنتجع
نغير إستراتيجيتنا عشان نتعايش مع الوضع
وفعلاً
ما تتخيلوا قد إيش أنبسطنا
سوينا أشياء ما كنا نسويها أول بسبب كنا مشغولين بالسنوركلينج
صرنا نجمع أصداف رحنا كم مرة سبا
صرنا نقرأ ونسترخي أمام البحر
صرنا بس نسبح من غير زعانف وسنوركلينج
عشنا أجواء الكريسماس مع الناس ( مع إننا ما نحتفل بالكريسماس)
أقصد الأنوار الملونة أعطت جو حلو
المهم كانت تجربة حلوة في النهاية
ومثل ماقال أبو عمار
قدامنا 57 منتجع، هل تتوقعي كلهم رهيبين زي دبليو؟؟؟؟
قلتلله لأ
قال لازم نتأقلم مع كل المنتجعات لأن كل منتجع له ثيمه الخاص
وعلى قول اخواننا السوريين: بتحكي جواهر ابن عمي
يتبع

من وإلى المطار توصيل مجاني
تتذكروا زمان قلتللكم لما يكون معاكم بطاقة البلاتينيوم من NBD
تدخلوا صالة مرحبا بلاش
طيب شوفوا الميزة الحلوة الثانية
لو حجزتم تذكرة الطيران عن طريق البطاقة
يوصولكم من بيتكم من وإلى المطار بلالالالالالالاش
أهم شي الحجز عن طريق البطاقة
تتصلوا عليهم ويرسلولكم هذي الفورم تعبوها وترسلوها
ويصير توصيلكم من وإلى المطار بلاش

إنتبهوا إلى كل الميزات التي تملكوها في بطايقكم، دائماً إستفسروا
قد يكون في حوزتكم شي ممتاز وإنتم ما تعرفوا
يتبع

إستقبال هيلتون إيروفوشي
إستقبالهم لا غبار عليه
كانو منظمين ومرتبين وعلى طول يلاقوكم
إبحثوا عن إسم الفندق وعلى طول كل شيء بيصير مرتب
بيآخذوكم لين المنتجع
بالباص أول لمينائهم وبعدين من الميناء بالطيران
اللي يآخذ تقريباً 45 دقيقة
صالتهم مرتبة ونظيفة لكنها دور ثاني
كونراد وهيلتون نفس الإدارة
صالتهم مرتبه وفيها سناكز وعصيرات وقهوة كلها بلاش
المكان نظيف وما عليه أي خلاف

يتبع

إنطباعي عن الطيران المائي
تعرفوا إنو الطيران المائي من أحلى الأوقات عندي
وكنت متحمسة لها أشد الحماس
لكن خابت توقعاتي
الطيار طار فوق عالي
لدرجة ما كنا نشوف الجزر
وإذا شفناها نشوفها مغبرة او تحت السحب
بصراحة كنت مقهورة إن الطيار عمل كدة
بس لا ننسى إن طبيعة الأتول مختلفة ، المرة الماضية
كنا من مطار مالي للنورث أري أتول
الان بنطلع من مالي إلى الشمال للنونو أتول
(كلمة أتول تطلق على مجموعة جزر)
هذه أفضل الصور التي حصلت عليها

يتبع

إنطباعي عن إستقبالنا في المنتجع
كانوا مرتبين وكالعادة مناشف وعصيرات زيهم زي أي منتجع مالديفي آخر
منظمين ، كل شي مرتب
يآخذوكم لمكان يسمى وواتر إدج وهو بار مفتوح على البحر
وفيلو واي فاي تقدروا تشبكوا الواتزأب
تستمتعوا بصوت الأمواج
وفي نفس الوقت تنتهوا من إجراءات التشيك إن
المفاجأة فرق ساعة بينهم وبين مالي
من بعد المسافة
يعني لو الفرق ساعة عن دبي، فالآن تصير ساعتين عن دبي
العصيرات والإبتسامات وكل شيء كان مرتب وجميل في هيلتون إيروفوشي
Iru
يعني شمس
Fushi
يعني جزيرة
في النهاية يعني: جزيرة الشمس

حجارة ترمز لجزيرة الشمس

يتبع

الغرفة فوق الماء
Water Villa
الغرفة كانت طيبة يمكن لو تشوفوها تعجبكم لكن بما إني مهندسة معمارية
يعني حسيت إنو في شي غلط ، التصميم المعماري فيه خطأ
الحمامات اتقسمت بطريقة خطأ وصارت صغيرة وضيقة
المسافة بين نهاية السرير وفتحة البكلونة صغيرة
يعني لو اعطوني أنا الديزاين كان عملت شغل واو
حتى زوجي قال : اللي يشوف الغرفة يقول عنها فخمة بس لما يعيشها يتضايق شوية
لكن عدا هذا فالغرفة تجهيزاتها كويسة
والشامبو والصابون فاخر ، النظافة لا يعلى عليها
بس لاحظت شوية رائحة غير مستحبة عند الشاور
وقت الدش ينفتح ، والموية تنزل وتروح الدرينيج
تشموا رائحة غير مستحبة على خفيف ، يمكن أنا خشمي حساس مرة
بس هذي الرائحة ما شميتها في دبليو ولا فيلاسارو
الشيء الحلو البريد البراني اللي برة الغرفة
يحطوا فيها مسجات ليكم
فتحة القزاز على أرضية الغرفة كانت بادرة حلوة في التصميم
غطت على اشياء ثانية مثل ضيق الغرفة (نوعاً ما)

برغم فخامة الهيلتون
وبرغم إنها فقط عمرها 3 سنين ونص
إلا إني حسيت إنها أستهلكت على الآخر

لو أستخدمتم جهاز القهوة ومكعبات القهوة فهي بفلوس
وهذا ضايق زوجي، بيقول دفعنا كثير جات على هذي يحاسبونا
عليها كمان

برغم إن راعي الفندق كان يقول إنو هذي زي الجاكوزي
وتضخ المياه لما جربناها كانت ما تشتغل كويس
والموية اللي تطلع منها كانت مصفرة
برغم إنو ما كان عندنا نية نمليها

يتبع

السلام عليك د معمارية
ولجميع الاخوة والاخوات
هنا في هذا التقرير افتقدت اسلوب الدكتورة
اسلوب مسلسلي رائع وجميل حلقات مشوقة
ومنها التشويقية ولا تخلوا من اجمل الصور والفيديو
ومع مراعاه لك يا دكتورة سامحناك هذه المرة في هذا التقرير
يكون سريع وخفيف
لكن لا تكرري الاسلوب في 57 الفنادق القادمة ههه
طبعا امازحك ونحب التغير في السرد
سجلت حضوري السريع
وسوف اعود لأتمعن في كل كلمة في هذا التقرير

الجزيرة وسيارة البقي
الجزيرة كبيرة كبيرة ، يمكن أكبر جزيرة زرناها حتى الآن في المالديف
يعني لما قلنا دبليو صغيرة جداً وكانت عيب فيها ، تخلص بسرعة
هيلتون كبيرة جداً لدرجة ممكن ما تخلصوها او رجولكم ممكن تتكسر من التعب والمشي
صار طلب سيارة البقي أساسي بالذات لو كنا مرهقين من الرياضات الثانية
الجزيرة حلوة ما عليها أي غبار
لكن من كبرها كنت أدور على أدق التفاصيل اللي احبها
يمكن ضعت شوية ، وممكن مرات كنت أحصلها
لكن ما كانت عادية أبداً
كبيرة كبيرة والناس كثيرة ، فولي بووكد
لكن مع ذلك الناس هم جزء من جمال المكان
الجنة من غير ناس ما تنداس

ما بين الأشجار متعة ركوب سيارة البقي تصبح أكثر إثارة

استمتعوا بجمال الجزيرة سواء بالمشي على أقدامكم
أو على سيارة البقي

يتبع