.. بسم الله الرحمن الرحيم ..
.. السلام عليكم ورحمة الله وبركاته ..
مساكم و صباحكم هنآء وسعآدة يارب
كنت وعدتكم من قبل ب تقرير ل فندق انبيرا تقسيم ( استنبول - تركيا )
لكن الكسل وما يسوي من اسبوعين الصور جاهزة بس عجزانة اكمل كتابة الموضوع
تاريخ الاقامة من : 3 الى 13 نوفمبر 2011
الغرفة العادية بسعر 104 يورو ( 540 ريال سعودي ) الليلة لشخصين مع بوفيه الفطور .
الغرفة الثلاثية بسعر 130 يورو (676 ريال سعودي ) الليلة لثلاث اشخاص مع بوفيه الفطور .
.. سبب اختيارنا للفندق ..
موقعه ممتاز في منطقة تقسيم مطل على الميدان وشارع الاستقلال قريب جدا ل المسجد
الفندق 4 نجوم خدماته وسعره مناسب جدا مقارنة مع فنادق المنطقة اللي بجنبه من فئة 4 نجوم
ومقابل الفندق وقريب منه : مطاعم صرآف عملة المترو.....والكثير
باختصار وجوده في منطقة تقسيم يعني قريب لكل شيء ويسهل الوصول منه لأي مكان وفي أي وقت
.. تقييمي للفندق ..
نظيف جداا جداا امان
موظفين الريسبشن خدومين وبدّلنا غرفنا وياهم أكثر من مرة وكانوا متعاونين ويانا
يعيبه فقط الصوت اذا فتحت الشباك او البلكون في الغرف المطلة على الشارع وبعض الغرف الصغيرة .
الانترنت وايرلس مجاني في جميع الغرف
القنوات العربية ( MBC , الجزيرة ) انترناشيونال
موقع الفندق هنا http://www.innpera.com/index.asp
لمشاهدة الفندق بصور شبه حقيقية هنا http://www.mekan360.com/360fx_innperaotel,S.html
نبتدي في التقرير المصّور واتمنى يعجبكم وتستفيدون من تجربتنا للفندق
صورة ليلية .. للأسف كل الصور اللي عندي ماتخدم لكن البركة في الموجود
هذا الفندق من ميدان تقسيم .. اللي عليه قلب صغير اورنج ..
وهنا من باداية شارع الإستقلال ..
مدخل الفندق و بشكل عام اللوبي صغير بس مرتب
صورة عكسية من نفس المكان اللي فوق
المطعم اللي فيه بوفيه الفطور
المصعد و اللي على اليمين شاشة تتش لتصفح النت
المصعد لازم تستخدمون بطاقات الغرف حتى يشتغل وياكم في الصعود للغرف ..
اما النزول من الغرف للوبي فقط ممكن بدون بطاقة غير كذا مايتحرك وياكم
غرف الفندق اللي جربنا وسكنا فيها اصنفها الى 4 انواع
ستاندرد صغيرة ديلوكس
لكن للأسف ماعندي صورة للغرفة العائلية ولكنها بتخدم العوائل كثير خصوصا ان الاسرة كبير والغرفة بعد .
بأضيف لكم صور كل نوع من هالغرف ماعدا العائلية
الغرف الكنكتد ارقامها تنتهي ب ( 15 - 16 ) مطلة على الميدان
الغرف الثلاثية او العائلية تنتهي ب ( 17 ) مطلة على الميدان
الغرف الديلوكس تنتهي ب ( 14 - 18 ) ومنها ستايلين مختلفين