السلام عليكم ورحمة الله وبركاته
بعد مرور عام رجعت لكم برحلتي الثانيه وبحلة جديده لمدينة مومباي
التخطيط للرحله بدء من شهر 6 وماكان السفر على البال
لكن السبب الرئيسي للسفر هو علاج + تسوق + سياحه
الناقل الرسمي للرحله طيران الامارات
سعر التذكره 2100 درهم اعلى من السنه الماضيه بوايد
علماً السنه الماضيه كان سعر التذكره 1700 درهم
مدة السفر كانت من 10 يوليو 2011
حتى 19 يوليو 2011
عدد المسافرين 6
وصلنا لمطار دبي الدولي على الساعه
11:00 صباحاً لان الاقلاع كان على الساعه 13:15 ظهراً
سوق الحره اللي لازم الف فيه
ولابد من ماركة ماك
اتخبل عليها واشتريت ثلاث اروااج
كنا نتريا وقت البوردنج بفارغ الصبر ويلسنا في كوستا كافيه
عسب نضيع الوقت
اماراتي وراسي فالسما مرفوع
اماراتي واسمي بالفخر مطبوع
ومثل ما قلنا الناقل الرسمي للرحله طيران الامارات الطائرة كانت من طراز البوينج
فتحت الدريشه اتأمل دبي وجوها قبل الاقلاع وكنت اقول في خاطري برب يا دار الحي
اوب اوب شفت طياره خاصه اكيد حد من الشيوخ مسافر وجان اصور الطياره
واشتلت الطياره وطارت
صورة لمطار دبي الدولي جواً
صورة لمدينة دبي جواً
صورة جويه لميناء الحمريه التجاري
اللي احبه في طيران الامارات رغم وجود السلبيات البسيطه فيها الا ان وسائل الترفيه متعدده
فتحت التلفزيون وتميت اتابع البرنامج الكرتوني شعبية الكرتون
يتميز منيوو طيران الامارات بوجود وجبات عديده منها
االلحوم والدجاج
والوجبات النباتيه للجماعه الهندوسيين
اهم شي خبز البراتاا موجوود
يخرب عقلاتكم صدق سايرين بمبي
وبدأ الفيلم الهندي وصلنا للاجواء الهنديه
وبلشت الغيووم
وتبدأ المطبات الجويه اللي تعور قلبي
خلص حنانك يالطيار
مابقى الا قسوتك
بدينا نطلع من المطبات عقب ما قحصنا وشلينا على تايرين فالجو
والطيار شكله سواا حبتين خ
اتضحت مومباي جواً
كان الهبووط ولا اروع نزلت الطياره بهدوء
وصلنا الساعه 6 العصر بتوقيت مومباي
وصلنا وخلصنا ختم الجوازات واستلمنا الشنط
من العادات والتقاليد في كل سفر لازم ستيكر البنق على شنطتي
ياجماعه البلاك بيري لاعب في حسبتي ههه
عند المطار من برع حصلت كشك الورد يا جماعه الشعب دا رومانسي حبتين
كان السايق يتريا برع دققوا فاللوحه
من ميثا صارت ميتها
مشووا مشوا عادي احنا في بمبي
سعر الاجره كنا حاجزين موترين كبار بمكيف ب 2200 روبيز
وفي الدرب ليلة علينا ومن تدخلون منطقة كولابه تشوفون مبنى البلديه والكهربا
طبعا مبانيهم من ايام الاستعمار البريطاني
ترقبوا فالاجزاء القادمه
فلم الاكشن مع فندق دبلومات
والفلم الرومانسي مع فندق تاج محل برزدنت
والاجزاء القادمه تتكلم
التسوق في مومباي
المطاعم والدلفري للفندق
رحلة الطبيعه الخلابه الى منطقة كندالا ولونفالا
انتظرونا