1. ونبدا


2. أولاً بشارع الشيخ زايد

السلام عليكم ورحمة الله وبركاته
واسعد الله جميع اوقاتكم
اكيد فيه ناس وايد بتعيد في دبي
ومحتارين وين بيصلون صلاة العيد
انا يبت موقع مصلى جميرا وحددت في الاتجاهات على 3 طرق
المصلى مظلل باللون الاحمر

ونبدا

أولاً بشارع الشيخ زايد

للناس اللي بيسكون في منطقة برج خليفه عليهم يتجهون لشارع الشيخ زايد ويسلكون بأتجاه ابوظبي وجبل علي مثل ما هو مكتوب على اللوحات بيمرون على 3 جسور الجسر الاول هو اللي عند دبي مول ,, يكملون سيده وبيمرون على جسر حديقة الصفا وبعد سيده قبل الجسر الثالث مثل ما هو طالع في الصوره باللون البنفسجي يلفون يمين ( شارع المناره)ويكملون شوي سيده بحصلون اشاره وعقب يمين (لشارع الوصل) يمشون شوي سيده وعلى ايدهم اليسار بيلقون كفاتريا اسمه عنتر ومسيد كبير وبعده لفه يسار يلفون ويمشون شوي سيده وبيلقون المصلى على الجهه اليسار..
للاخوان اللي بيطلعون من البرشاء عندهم حلين يا انهم يطلعون من جسر البرشاء على طول باتجاه شارع ام الشيف اللي يودي لشارع الوصل وبيمرون على كلية الشرطه ويمشون شوي سيده وبعد الاشاره يلفون يمين وياخذون شارع الوصل اللي هو باللون الازرق يمشون سيده لين ما يشوفون كفاتريا عنتر
أو يطلعون على شارع الشيخ زايد كأنهم متجهين لدبي مول (مب بأتجاه جبل علي وأبوظبي) بس يمشون سيده بيحصلون هالجسر المدور جسر رقم 3 (شارع المنارة) ويتبعون الطريق اللي باللون البنفسجي ..
اما الاخوان اللي طالعين من النخلة وبرج العرب و المرسى والجي بي آر
عليهم ان يأخذون شارع جميرا بأتجاه أم سقيم رقم 1 أو (شارع المنارة ) يمين بعدين يمشون سيده للأشاره وبعد الاشاره يسار لشارع الوصل ..
ملاحظة (الشارع اللي مظلل باللون البنفسجي والبرتقالي هو شارع المناره ,, واللي باللون البنفسجي والازرق والبرتقالي هو شارع الوصل)
اتمنى ان الخريطه واضحه وسهلة لكم
وتقبلوا تحيتي