أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
سلام يالغالين
سؤالي انا ان شاء الله رايح بعد شهر الى نيوزلاندا على طيران الامارات ابي ادرس لغة لكن ابغى كيف اطلع الفيزا الترانزيت الاسترالية او فيه مكتب يضبطها بصراحه متوهق فيها .. يعطيكم العافية
الله يوفقك ويكتب لك ما هو خير
اذا كنت من اهل الرياض فهي انك تدق على السفارة الاسترالية وتاخذ موعد والاغلب يقولون لك تعال بعد يومين الساعة الفلانية, وتاخذ معك الجواز و صورة الجواز وصور لخشت (بدون شماغ ان كاني ما ني غلطان) و صوره الحجز تاخذها من خطوط الطيران الاماراتي او صوره من التذكره ان كنت طلعت تذكره و نموذج الترانزيت تاخذه من موقع السفارة الاستراليه وتطبعه وتعبيه وتجيبه معك.
واذا رحت لهم 3 دقائق وانت مخلص
والجواز ما ياخذونه لانها ترانزيت, وبيقولون لك بعد اربع ايام بتجيك رساله على اميلك وما يحتاج تجينا.
تنبية مهم جدا: اذا جتك الرساله اطبعها وخذها معك اذا جيت تسافر.
اما الفيزه عن طريق الانترنت ما ادري عنها الا انني اعرف انها ليست ترانزيت و تدفع مبلغ وقدره .
الله يوفق.
yousef_a_
احيانا تاخذ 20 يوم
واحيانا اقل واحيانا اكثر
خذ احتياطك وخلص امورك بدري .
بالنسبة للتكلفة 500 ريال كويسة ....
لكن شيك على البوابة الاسترالية تلقى الخبر الاكيد هناك
بالتوفيق .
ليث1
شكرا على الافادة أخوي .
شيكت على موقع السفارة الاسترالية وتبين انها مجانية بالنسبة للسفارة .
كن المكاتب خصوصا من خارج الرياض تاخذ رسوم لها + رسوم الارسال عبر الفيدكس او الارامكس + اتعاب المكتب اللي في الرياض اللي يخلصها .
فلو جمعت التكلفة هذي ممكن تطلع حول 300 ريال تقريبا والله اعلم .
تحية .
اطلع عليه
موفّق
يُنقل لقسم الاستفسارات