15 يوم بدوله واحدة ... أحسها واجده على دوله مثل تركيا.. وعوض عن التنقل كل يوم لك بلد بها .... أنصحك إسبوع بالكامل تقضيه إسطنبول ويوم تطلع بورصه وترد نفس اليوم ... ثم الإسبوع الثاني دوله ثانيه ....لبنان بطريقك وأنت راد...ومنها كسبت زياره دولتين ووفرت عليك كثرة التنقل بكل ديرة داخل البلد.... وكذلك منعت عن الملل لو بقيت بمكان واحد

اسمح لي اخوي رحال عازب .. ماأوافقك الراي ابدا ابدا ..
حنا زرنا تركيا العام وكانت مدة اقامتنا 28 يوم .. وكانت من امتع الرحلات واحلاها تنقلنا بين مدن تركيا الجميله وماطفشنا ..
وهالسنه جلسنا قرابه ال 18 يوم وايضا استمتعنا فيها ..
و15 يوم ابدا مو كثير على تركيا بالعكس مدة رائعه حتى لو زادت عن كذا ..
والحين لبنان الاوضاع فيها غير مستقره ابدا .. وبيحتاج لطيران دولي وحجوزات وحوسه جديده ..
طبعا كل شخص له رأيه وانا احترم رأيك بكل تأكيداخوي mr. patchi
بالنسبة لطيران OnurAir تقدر تدخل على موقعهم تكتب موعد رحلتك .. واذا كان مكتوب عند الرحله ist معناته مطار اتاتورك .. اما اذا كان مكتوب saw معناته مطار صبيحه ..
وكذلك رحلتك اللي على الخطوط الاماراتيه .. تأكد على اي مطار بتهبط
ام بالنسبة لترتيب الرحله بيكون متعب كثير وانصحك اما توزع رحلتك بين :
( الشمال التركي + اسطنبول + بورصه )
او
( انطاليا + اسطنبول + بورصه )
لان انطاليا تستاهل اكثر من 3 ايام .. ومايسوى تدفع تاليف طيران داخلي على 3 ايام ماراح تشوف فيها الا القليل ..
وانا صراحه انصحك بوقت رحلتك انك تختار الخيار الثاني .. لان معك طفله والشمال بيكون بارد جدا عليكم .. وانطاليا بيكون جوها رائع ,,
ويكون جدولك كالتالي :
6 ايام انطاليا ( وطبعا نها تقدر تزور مدينة كيمر ومرتفعاتها ومدينة قونيه )
3 ايام اسطنبول ( يكون السكن في منطقة قريبه من الاثار والمتاحف ) old city
3 ايام بورصه ( ومنها يوم الى يلوا بالسياره )
3 ايام اسطنبول ( ويكون السكن بمنطقة تختلف عن منطقة السكن الاولى ) مثل منطقة تقسيم
في حالة انتهائك من البرنامج ( في توزيع الايام ) بنساعدك ان شاء الله في مسألأة الفنادق .. وحبذا لو تقولنا وش مستوى الفنادق المطلوب ؟؟ والميزانيه المحدده والاماكن المفضله
وبالتوفيق ان شاء الله ,,,

رحال عازب
والله يا عزيزي اشكرك على ابداء رأيك لكن لبنان مليت منها وحفظت شوارعها من من شمالها إلى جنوبها.. واوروبا زرت فيها المانيا وسويسرا والنمسا وفرنسا وأما شرق آسيا من فتره بسيطة راجع منها..
بس سبحان الله السنة هذي ماكنت ناوي اسافر لكن عملنا ترتيبات سريعة وبميزانية متوسطة وقلت راح أسير لتركيا.. وخصة السنتين اللي مضت ما اعرف ليش الكثير من الناس حاطة عيونها على هالبلاد.. وسبحان الله بعد دخولي في قسم مواضيع تركيا.. لقيت الكثير من المدن والمناطق في تركيا تستحق الزيارة وخاصة جذبتني المناطق الشمالية لأني أهوى الطبيعة اكثر من المدن.. فقلت أخليها في تركيا هالمدة كلها..
طبعا حتى الأن أنا حجزت فقط التذاكر عالإماراتيه ذهاب وعوده فقط..
والله كريم لين ما ارتب الجدول بشكل تام
ويعطيك العافية

x- نجلاء -x
اختي نجلا جزاك الله ألف خير واكون أنا محضوض كونك خبيرة تركيا وانتي اللي راده على استفساري..
تسلمين عالنصايح وعلى رأيج.. زعلت لما قلتي الجو يمكن ما يصلح في الشمال على شان معي ولدي عمره سنة.. لأنه هدفي الرئيسي لزيارة تركيا هي رؤية الشمال التركي.. واريد أقارنه بالريف السويسري والنمساوي وخاصة انه بلد مسلم وأكل حلال..
بعد ما فكرت قلت شوفتي للشمال وانطاليا واسطنبول هي اهم من سيرتي لبورصة ويلوا..
فرأيي كان كالتالي:
بما انها السفره 15 ليلة.. قلت راح اقسمها على ثلاث مناطق وهي:
1 الشمال التركي. (5 أو 6 ليالي)
2 انطاليا (5 أو 6 ليالي)
3 اسطنبول (4 أو 5 ليالي)
وموضوع كثرة التنقل بالطائرة فلا اعتقد بتكون في مشكلة إذا كل 5 أيام رحلة بالطائرة..
هذا رأيي وما اعرف شو رأيج يا خبيرتنا..
وبالنسبة للميزانية أنا ما حددتها لكن هالمرة اقنعني صاحبي بأن ما اضيع معظم مبلغ الميزانية على الفنادق بعد ما كنت ادفع 1500 و2000 درهم لليلة الواحده في سفراتي.. ولكن هذي المره قلت راح اخليها بحد أقصى 800 درهم.. واتوقع انه المبلغ جيد جدا بالنسبة إلى تركيا..
واريد رأيك في اختيار الفنادق وخصة في الشمال وانطاليا.. اما اسطنبول بإذن الله بحجز في منطقة تقسيم لأنها قريبة منها المطاعم والمحلات التجارية
تحياتي لج يا اخت نجلا

1. ونسعد بمساعدتكم والرد على استفساراتكم


2. انطاليا :


3. اسطنبول :

اهلا وسهلا اخوي ..
وحنا المحظوظين بتواجد اهل الامارات بيننا .. اهل الطيبه والكرم ماشاء الله

ونسعد بمساعدتكم والرد على استفساراتكم

بما ان نفسك بالشمال .. وماألومك والله .. لانك راح تحبها وتعشقها بعد .. انا زرت النمسا .. صحيح حلوه ورائعه لكنها مو مريحة نفسيا .. ابدا مارتحت فيها .. غير الشمال التركي .. طبيعتها تشبه اوروبا كثير خصوصا منطقة ايدر .. ويزيد عليها انك ببلد مسلم تسمع الاذان وتاكل حلال على راحتك ماتحاسب باللحم والدجاج وماتحس انك منبوذ من نظرات اهل البلد لك .. عالعكس بتلاقي كل الترحيب والابتسامات الجميله
و افضل ترتيب لرحلتك كالاتي :
اول ماتوصلون تتوجهون لانطاليا مباشره يعني تركيا تكون ( ترانزيت )
وتقضون فيها 5 ايام
وبعدها تنطلقون الى الشمال التركي وتحديدا طرابزون طبعا بعد ماتمرون على اسطنبول ( ترانزيت )
وتقضون بالشمال 6 ايام
وبعدها اخر محطه اسطنبول 4 ايام ..
وممكن تطلعون يوم لبورصه او يلوا بالفيري بوت وترجعون بنفس اليوم ..بالنسبة للفنادق ..

انطاليا :

انا جربت فندق مرمره العام وتقدر تطلع عليه بتقريري مثبت بقسم التقارير .. وصراحه ارتحنا فيه كثير واعبره فندق ممتاز من ناحيه ( معاملة الرسيبشن والويترز - مستوى الاكل - المرافق - مستوى الغرف ) واهم شي اطلبوا غرفة مطلع عالبحر ..
اسعارهم بحدود ال 1000 ريال
طرابزون :
فندق النوفتيل .. جربته هالسنه .. صحيح انه 4 نجوم لكن مستواه افضل بكثير من بعض فنادق ال 5 نجوم وبتحس بهالشي اذا سكنت فيه
خدمتهم رائعه - مستوى الاكل ممتاز - الغرف مرتبه وحلوه - والاطلاله جميله جدا
اسعارهم بحدود ال 800 ريال
وماعرف اذا كنت حاب تخلي كل اقامتك ( ال 6 ايام ) في طرابزون او حاب تاخذ منها 3 ايام لاوزنجول والسكن هناك طبعا عباره عن اكواخ ( بنقالو ) والسكن مايتعدى ال 500 او ال 600 ريال

اسطنبول :

فنادق منطقة تقسيم كثيره جدا ومتنوعه وانصحك تدخل على موقع بوكينج : https://www.booking.com
وتختار منه اللي يعجبك بعد الاطلاع عالصور والاسعار والمنطقة المحيطه واراء النزلاء وغيرهواذا باقي عندك اي استفسارات ثانيه .. تفضل وحنا بالخدمه

1. هذا الشي حيرني..

جزاج الله ألف خير على الرد ومتابعة موضوعي وعلى ترحيبج بأهل الإمارات يا اختي الخبيرة.. والإمارات دارج متى ما ييتيها تراها دارج..
انزين.. دام انك أيدتيني.. خلاص راح احجز بنفس البرنامج اللي اتفقنا عليه إن شاء الله
بس عندي استفسارين وان شاء الله ايكونون اخيرين..
لما ادخل موقع طيران onurair يكتب لي اسطنبول وبين قوسين AHL
شو المقصود ب AHL? هل هو مطار آخر..؟ لأنه طيران الإمارات راح توصل الساعة 17:55 في مطار IST.

هذا الشي حيرني..

واستفساري الآخير إن شاء الله وطبعا اذا كان في شي ثاني راح ارجع لج.. بغيت اسأل عن طريقة الحجز في مناطق الشمال.. بالنت دورت وما لقيت إلا في طرابزون فندقين تقريبا.. وريزا فندقين ومستواهم 3 نجوم.. وما ودي اسكن في طرابزون لأني بكون ساير للطبيعة وما اعرف إلا اوزنجول.. وانتي قلتي لي عن ايدر.. طبعا أنا راح احجز سيارة من المطار ولكن كيف طريقة الحجز في اوزنجول وايدر..؟ هل بالنت ام بالتيلفون ام كيف...؟ وياليت ما ايكون اني لازم اوصل لهم وبعدين احجز لأني ابا اظمن الحجز وانا ساير عائلة لو شباب بنبات حتى لو في خيام..
نوريني الله اينور عليج بخصوص الطيران AHL وطريقة الحجز في المناطق الشمالية غير طرابزون.. إلا اذا كان رأيك اسكن في طرابزون وكل يوم اسير مكان..؟!! انتظر شورك وهداية الله..
تحياتي الساخنة لج كسخونة صيفنا يا خبيرتنا.. بس بدون رطوبة

بعد البحث في موقع طيران onurair لاحظت اني ما راح الاقي طيارة إلى طرابزون.. طيران الإمارات بتوصل الساعة 18:00 والطيران الداخلي اخر رحلة الساعة 19:05 فرق ساعة و10 دقائق بس.. اخاف ما الحق لين ما اسوي الفيزا في المطار واشيل الشنط واسوي جك إن مرة ثانية.. وما ابا اضيع يوم في اسطنبول
فقررت اول شي اروح انطاليا بتكون في طيارة بعد اربع ساعات ونص من وصولنا.. بس بغيت أسأل هل يوجد فندق داخل مطار اسطنبول..؟ عشان انريح والبيبي ايريح لين ما تجي وقت الرحلة..
وشكرا

حد يا جماعه يقدر ايفيدنا عن وجود فندق داخل مطار اسطنبول الدولي ist عشان انريح في فترة الترانزيت..؟

1. تفضل هالرابط لاخونا وعندتنا ابو عاصم :

اهلا اخوي ...
ahl هو نفسه مطار اسطنبول ( مطار اتاتورك الدولي ) .. وللتأكد تفضل هالرابط :
منتدى العرب المسافرون https://artravelers.com
بالنسبة للحجز بمناطق الشمال .. اذا انت كنت حاب الطبيعه وماتبي تتنقل كثير فممكن تخلي اقامتك بأوزنجول 4 ايام ( ومنها تطلع لبحيرة السمك يوم .. ومرتفعات سلطان مراد يوم )
وايدر يومين ..
بالنسبة للسكن بأوزنجول :

تفضل هالرابط لاخونا وعندتنا ابو عاصم :

https://artravelers.com/p/re/206591
طبعا قبل الحجز اكيد لازم تطلع عالصور .. انسخ اسم الموتيل واكتب قبله www وبعده com واذا فيه مسافات بين الكلمات احذفها .. ويطلع لك موقع الموتيل ( طبعا مو كلهم بتضبط هالحركه لان البعض ماعندهم مواقع عالنت )
بالنسبة للسكن بآيدر :
http://www.ayderkoruotel.com/
هذا جربناه هالسنه متواضع لكنه نظيف وموقعه رائع جدا .. لكن لاتاخذ معه اي وجبه لان الاكل عندهم مش ولا بد .. يعني المطاعم احلى,,اما بالنسبة لمشكلة الحجز اللي صارت لك مع onurair فأنت مخير بين امرين :
اما انك تخلي انطاليا قبل ( مثل ماذكرت ) وهو الانسب برأيي .. لان 4 ساعات جدا مناسبة لكم ..
او انك تبحث بخطوط داخليه اخرى :
صن اكسبرس :
http://www.sunexpress.com/xq/showSelector.do
اونور :
http://www.onurair.com/
الخطوط التركيه:
http://www.thy.com/
موقع اطلس .. وهو شامل لعدة خطوط تركيه زيادة على اللي ذكرتها
http://www.turkeytravelplanner.com/
وهذا ايضا موقع شامل لخطوط تركيه داخليه وغيرها
http://www.icemtour.com/
وال 4 ساعات مابتحتاج ان شاء الله لفندق .. واصلا احتمال مايكفيكم الوقت ...
فيه فنادق قريبه جدا من المطار مثل :
WOW Airport Hotel
https://www.booking.com/hotel/tr/wow-airport.html?aid=1300939
يبعد 5 دقايق بالسياره من مطار اتاتورك .... 1.5 كلم
واذا ماعجبك وحاب خيارات اكثر .. ادخل على موقع بوكينج .. واختار ان يكون قريب من المطار
وبالتوفيق ,,,