- 3_ أفضل مياه الشرب بمصر . نستله + الحياه .
1_ إحفظ جوزاك بمكان آمن , وأثناء الخروج إحرص على أن تكون معك صورة من الجواز .
2 _ إذا بغيت تحاسب أحد / تدفع / لا تطلع فلوسك كلها من جيبك تطمع الناس فيك . لازم واحد من جيوبك يكون فيه مبلغ بسيط + صرف عمله صغيره .
3_ أفضل مياه الشرب بمصر . نستله + الحياه .
4 _ ربعنا أهل الفول والتميز والمعصوب الصباحي . عندكم مطعم العامودي بالمهندسين بالجهه المقابله لعصيرات فرغلي على كيف كيفكم . وأنواع الكبسات وإذا جاك أحد من الربع وبغيت تعزمه ترا عندهم / مفطح مندي / خابره ب 800 جنيه شامل سلطاته والتوصيل ( لا تنسونا من وصله من الشاكله ) .
5_ إذا بغيت تستأجر مركب من النيل في رحله نهاريه للقناطر الخيريه , لا تتفق معاه بالساعه . إتفق على الرحله كامله. لا تتجاوز 300 جنيه بأي حال من الأحوال رايح جاي . وخذ معك عصير وماء .
6_ ربعنا هواة السهر بالحسين . قبل لا تجلس على كرسي القهاوي . أول شيء تسأل إيش النظام يعني بكم . وإذا جاك أحد يشحد لا تهرج معه ولا تعكر مزاجك / اسفهه / ترتاح طول الجلسه سوي إنك أبكم .
7_ إذا مشاويرك كثيره إستأجر سيارة بسواقها ببنزينها تبدأ من 100 إلى 250 جنيه باليوم حسب موديل السياره .
8_ في تمشياتك بمختلف الأماكن يجونك مندوبين شركات سياحه . أنواع العروض وكلام معسول والخدمه دي فري وإحنا مش عاوزين منك أي فلوس . لكن لازم تشرفونا بكره بالشركه ...... إلخ عطهم أشكل بقوه وريح بالك .
9_ أنصحكم ونفسي بالفاكهه هناك . إبدأ يومك فيه وإختمه فيه . ورخيصه جداً وبكل مكان لاكن غسلها زين.
0- إذا كانت أول زياره لمصر لا تقلق ولا تخاف إذا أُصبت بنزله معويه حاده هناك في اليوم الأول أو الثاني . الوضع طبيعي جداً أقرب / صيدليه / وإشرحله الموضوع ويعطيك حبوب وتنتهي المشكله بعدها بكم ساعه. وبسفراتك الجايه إنشالله ماتجيك لأن هذي ضريبة الزياره الأولى
1- الله الله بالمعامله الزينه . وسع صدرك ع الأخير . لا أحد يستفزك ترى الدعوى كلها هرج بهرج ما بالخرج أحد لكن الأهم ياغريب خلك أديب.
2- إذا إتفقت على أجار شقه لا تستأجر أكثر من 5 أيام و3 أيام أفضل بعد. وفهم المؤجر إنك راح تجدد بنفس السعر إذا ناسبتك وكانت أمورها تمام . بكذا تظمن إنك مرتاح وبعد هم حريصين عليك عشان تجدد . وإنتبه بالعقد الشقه لازم تكون شامله الكهرباء . لأن بعضهم إذا جيت طالع يحسب عليك استخدام الكهرباء. فريّح دماغك من بدري .
العلوم والنصايح كثيره هذا ألي طلع معي الحين ولا تذكرت شيء أبشرو .
و أنا معكم بقوة على هذه النصائح .
تحياتي ،،،