- برضو مش فاهمين اشمعنى وسط البلد ..؟؟
(راح تكون لهجتي تميل للهجة المصرية عشان الكل يفهمها حتى اخواناا المصريين الغالين علينا)
مالقيت أحسن من وسط البلد بصراحة ,, عارفة حتقولولي بس دي زحمة أوي ,, وماله؟.... بس أد أية المزيج الشعبي البسيط بتاعها ده دافي و جميل و ذكريات و لا أروع ...
برضو مش فاهمين اشمعنى وسط البلد ..؟؟
علشان وسط البلد هي روح وقلب البلد .. علشان وسط البلد كل شارع وعمارة وميدان فيها شاهد على تاريخها وعلى أحداثها
لما أقول وسط البلد تبقى وقت لمة الصحاب لما يحبوا يتمشوا ويتفسحوا يقولوا ننزل وسط البلد .. وسط البلد إلى لما بننزل نشتري منها لبس و حجات لإنها أرخص من المولات و اللي نوفره إحنا أولى بيه على رأي جدتي الله يرحمها ..
وسط البلد يعنى السينمات إلى تشوف إعلاناتهم وأنوار أفيشاتهم من وأنت واقف في أي شارع من شوارع وسط البلد سينما اوديون وميامى ومترو وريقولى أو سينما كريم وكوزموس في عماد الدين
وسط البلد يعنى محلات الملابس والأحذية المرصوصة على الجنبين .. وأنوار محلاتهم إلى منورة الشوارع زى ما تكون منصوبة لاستقبال زفة أحلى عروسة
وسط البلد يعنى شارع سليمان باشا أو شارع طلعت حرب وشارع فؤاد وشريف وقصر النيل ومحمد فريد والبستان والتحرير
وسط البلد يعنى فلفة وجاد والشبراوى والتابعى الدمياطي وبابا عبده بتاع المكرونة و العبد وقويدر والأمريكيين والاكسلسيور
وسط البلد يعنى البازارات ومحلات الفضة .. ده غير فرشة الراجل الى بيبع الكتب والقصص الأجنبية القديمة بربع تمنها في شارع سليمان باشا
وسط البلد يعنى ميدان طلعت حرب .. وميدان مصطفى كامل وميدان الأوبرا وميدان التحرير وميدان عبد المنعم رياض وميدان التوفيقية
وسط البلد .. يعنى العمارات البلجيكية التي بنيت من الخمسينيات ذات القباب والأبواب والشبابيك العالية .. عمارات وسط البلد ذات الزخارف والفن المعماري الأصيل
وسط البلد صورة حلوة من شعب جميل بيلف ويدور في الزحمة بس مهما تاه هيرجع تاني ويعرف طريقة ... شوارعها محفورة فينا .. شوارعها ذكرياتنا ..
طبعا الكلام الحلو عن وسط البلد منقول من مدونه اسمها وسط البلد ...... و منها جاتني فكرة اني اعمل الموضوع ده ....
آآآآه يا ما إنتي واحشاني يا مصر
تعالو معايا و حتشوفوا أد إية وسط البلد الشعبية دي حتكون أمتع من أكبر مول فخم فيكي يا مصر .. واللي مش مصدق يتابعني و المية تكدب الغطاس ......أوكي
منقول للفائدة وشكراً
ان شاء الله اكون اول واحد من الاعضاء اللي يرد ع موضوعك الرائع الذي يستمد روعهة من محبة مصر وكاتبة بوابة مصر سعوديه تعشق مصر ,,
واللي اعجبني فيه ك الجميل لهذه الكلمات واما نتك في النقل
وسط البلد .. يعنى العمارات البلجيكية التي بنيت من الخمسينيات ذات القباب والأبواب والشبابيك العالية .. عمارات وسط البلد ذات الزخارف والفن المعماري الأصيل
وسط البلد صورة حلوة من شعب جميل بيلف ويدور في الزحمة بس مهما تاه هيرجع تاني ويعرف طريقة ... شوارعها محفورة فينا .. شوارعها ذكرياتنا ..
فعلا كم هو جميل وسط البلد واخلاق اهل البلد والزوار الذين اعجبو بوسط البلد واهل وسط البلد
متابعين اختي
لك المايك
دمتي بخير وتالق دائم