اهلا بالجميع ,,,
الشاليهات بالرياض كثيره خاصه بالثلاث سنوات الماضيه .. منها شاليهات كبيره ممكن تجمع عدة عوائل
وشاليهات صغيره داخل مدن ترفيهيه مثل شاليهات قرية الثمامه او شاليهات الفانتزي لاند او شاليهات
المرسى للعائله الصغيره وممكن يكون الشاليه مخصص للمناسبات ويكون اكبر مساحه مثل شاليهات
اليمامه او الفانتزي لاند .
واغلب هذه الشاليهات لايوجد فيها مبيت يعني الساعه 2 بالليل لابد تسلم الشاليه .والسعر يكون مرتفع
هذا موضوع مصور سبق وكتبته قبل سنتين عن شاليهات الفانتزي لاند بالثمامه
يوم في شاليهات الفانتزي لاند ... الرياض https://artravelers.com/p/re/103425
وموضوع اخر في هالبوابه عن جولاتي في مطاعم الرياض ( متجدد )
(( مطاعم ومقاهي الرياض .. جوله مصوره ومتجدده )) https://artravelers.com/p/re/179308
ومن الشاليهات الجديده بالرياض شاليهات كلوسترز .. حي غرناطه
الموقع :-
اذا جاي من الدائري الشرقي باتجاه الفحص الدوري ... تعمل عوده ( يوتيرن ) من تحت كبري الفحص
باتجاه الغرب ... حتى تكون محطة بنزين الجفن الى يمينك ... ادخل قبلها يمين اول هذا الطريق غير مسفلت
باتجاه الشمال تقريبا 800 متر .. بيكون فيه شارع عرض 30 متر الى اليسار .. تقدم غرب بتكون الشاليهات
بالزاويه الى اليسار .
الاسعار :-
الشاليه ...
وسط الاسبوع 1250 ريال والمبيت 1500 ريال
نهاية الاسبوع 1500 ريال والمبيت 1700 ريال
وقت الدخول والخروج :-
بدون مبيت .. الدخول 3 العصر والخروج 3 بالليل
مبيت .. الدخول 3 العصر والخروج اليوم الثاني 12 الظهر
وصف الشاليهات :-
عباره عن 6 او 7 شاليهات كل شاليه بمساحه 350 او 400 متر تقريبا .. بديكورات واسماء مختلفه
مسبح خاص + غرفة نوم + جلسه داخليه + جلسات خارجيه + ركن للشوي + اوفيس صغير +
ثلاجه + انترنت مجاني + قنوات فضائيه
ايجابيات وسلبيات :-
السعر مرتفع .. خاصه نهاية الاسبوع ... ورغم ذلك الخميس كان فل .
الشاليه الواحد يكفي لعائله واحده فقط .. لا يصلح للتجمعات العائليه لصغرها
المسبح بغير حاجز .. غير مناسب لمن معه اطفال بالذات اقل من سنه
مناسب لزوجين
يوجد تنظيف وخدمه قبل الدخول للشاليه .
اليكم بعض الصور ...
الشاليهات من الخارج ..

من الجهه الثانيه .. كل شاليه طبعا مدخل خاص عالشارع

المسبح .. العمق يبداء من متر الى مترين بدون حواجز

من بعيد المسبح والجلسه مقابلها وغرفة النوم والشور الى اليمين

من زاويه ثانيه ..

جلسه خارجيه ..

من داخل الشاليه ( جلسة تلفزيون لليمين بس ما صورتها + اوفيس ) تكييف مركزي

خيمه صغيره .. تتسع 4 - 5 اشخاص

غرفة النوم

الحمام ..

جلسه خارجيه بين غرفة النوم وجلسة التلفزيون

الشاليهات بنفس المساحه والسعر .. تختلف فقط الديكورات في غرفة الجلوس الداخليه والجلسات الخارجيه .
تحياتي للجميع ,,,
دمتم بخير ,,,