فيه موضوع نفسك موضوعك المفروض اخذت لك لفه عالمواضيع قبل تكتب شف هذا الموضوع وانا راده فيه https://artravelers.com/p/re/327870

هيفاء
وشف فيك معصبة طيب الله يهديك
اخذت مو فرة فرتين قبل لا اكتب الموضوع والرابط الي حطيتيه كل المطاعم الى ذكروها رحتلها الا اثنين تقريباً الي انت ذكرتيه وواحد ثاني والى انت ذكرتيه اعتقد والله اعلم ما يناسبني للاسباب الي ذكرتها انا كتبة الموضوع المقصد منه اختيار النخبة وصفوة المطاعم في رياضنا الحبيبة
وشكراً لك أختي

حياك الله أخوي
والحمد لله على السلامه
عندك أفوكادو على طريق الملك عبد الله
وماريز
وبالعافيه مقدماً

رح البيت الايطالي .. على طريق الملك فهد .. بعد البراجون ووجهك جنوب .... مطعم مميز
او عندك حدائق التاج .. كبائن خاصة وجو رايق .. قريب من التخصصي من جهة الشمال ...
وتقدر تحجز بحيث تكون الجلسة فيها ورود وبالونات وشموع ... يعني حركات يحبونها
المطاعم كثيرة ان شاء الله اكون افدتك ..

رايح راد
للأسف زرتها جميعاً
وشكرا لك

mu2002an
اذا كنت تقصد البيت الايطالي الي بجانب تولان ومقابل للعروبة بلازا سابقا سمعت ان اسعاره نار تقريبا نار مقارنة بلاكل على ذمة احد الشباب يعني من الاف وطالع العائلة
اما حدائق التاج حبذا لو توصف لي بضبط وكيف المطعم لان قريت عنه هنا في المنتدى انه الله بالخير بالاكل سئ
لكن عجبتني فكرة البالونات والشموع والورد بتمبسط عليه المدام حتى لو قدم اندومي يحبون هل الحركات
شكلي بروح له بس لا يكون الي في بالي فا والله ما اتوقع اروح له بس أن شاء الله ما يكون هو
حفظك الله أخي

افضل مطعم بالنسبه لي من ناحية الاكل والجلسات المريحه مو بس بالرياض الا في السعوديه كلها مطعم الخليج الصيني وطبعا له خمس فروع في الرياض ولكن افضل فرع من ناحية الديكور هو(دايموند)اللي في التحليه روعه ويجي بعده ميراج اللي بالتخصصي طبعا انا اتكلم من ناحية الديكور اما الاكل فهو نفسه في كل الفروع لذيذ لايقاوم ..........وسلامتك ارجو اني افدتك اخي الكريم

عندك مطعم الضواء الخافت
على طريق الملك عبدالله

الأخ : ( عاشق الشهادة )
أوّلاً : الحمد لله على سلامتك بعد عودتك من السفر سالماً . ثانياً : الإخوان ما قصّروا معك .. كفّوا ووفّوا .. الله يعطيهم العافية
ثالثاً : أحبّ أزيد : مطعم ( القرية النجديّة ) .. حي الواحة _ طريق أبي بكر الصديق _ هاتف ( 012250034 )
وموقعه : وأنت على طريق ( الملك عبدالله ) تدخل من عند طريق ( أبي بكر الصديق ) باتجاه الجنوب وبعد أقلّ من ( 100 ) متر تقريباً يجي على يسارك
وله فرع ثاني في شارع ( التخصّصي ) لكن ما أظنّ فيه قسم عوائل
مطعم رائع ومتميّز جدّاً ؛ وهو بالفعل اسم على مسمّى ففيه جميع الأكلات النجديّة ( كبسة _ مرقوق _ مطازيز _ قرصان _ سليق _ جريش _ وغيرها ) وأنت بحاجةٍ إلى هذه الأكلات الشعبيّة بعد هذا الانقطاع عن البلد
ملاحظة : أنا لا أعرف مستوى الخدمة والمحافظة في ( قسم العوائل ) ؛ فأنا لم أذهب إلا ( للقسم الرجالي ) ، لكن لعلّ أحد الأعضاء يفيدنا بذلك .. وفّقك الله وسدّد خطاك ،،،