1. تقرير اليوم الثالث يوم السبت 22/8/2009


2. ذولى فرقة مصدقين نفسهم dffdhd

وذى بعض صور من سحور السوفتيل..
اذن الفجر وجلسنا نصور ممكن الى 8 الصباح شرقت علينا dffdhd
وذى صور المسبح حق الفندق وجنبة مقهى الفندق وجنبة مطعم الكبابجي
طبعا واضح بالصور الجو فية مثل الضباب كانت ليلة رمضان الجو خيال .ماشاء الله تبارك الله
وبكذا خلصت تقرير اليوم الثاني ليوم الجمعة 21/8/2009
qq:drr

تقرير اليوم الثالث يوم السبت 22/8/2009

طلعنا افطرنا بالسرايا مركب او يخت حلو وعلى الشخص تقريبا 150 جنية اتوقع تقريبا حاسبنا بحدود 330 جنية تقريبا ويساوى=225 ريال سعودى بس حلو يستاهل بس مااكلنا مع اننا صايمين وكان الاكل حلو.رجعنا للفندق بلموزين ..
ونادينا السواق عشان نبدا جولة ورحلة فى ارجاء القاهرة .مرينا شارع جامعة الدول العربية والزمالك والمهندسين وبعدين اتجهنا الى مصر الجديدة وشفنا بيت الرئيس حسنى مبارك وفلتة وكانت عليها حرس وكبيرة بس مو حلوة ذاك الزود وقبال بيتة بيت ولدة فلة صغيرة واسم الشارع الى فيهم فللهم بشارع صلاح سالم. وبعد كذا رحنا تسوقنا شغلات من السوق خاصةو اسعارهم كانت حلوة. وبعد كذا اتجهنا تقريبا على 11 الليل الى محل العمدة حلو يجنن بصراحة وطلبنا منة كشري وام على وكان خيال وكنا مع شخص وزوجتة اصحاب لنا من مصر وكان العمدة حلو وفية فرقة وسعرة كمان بالشارج على قولتهم وعلى الشخص تقريبا فقط 35 جنية وبصراحة يستاهل ونظيف والمعاملة حلوة بس يعيبة مرة زحمة زحمة ومكانة بحى وبين بيوت .وكل الى فية اجانب يخوف تقولون بيفجر.بس انصحكم بزيارتة حاسبنا فقط حدود150 جنية =105 ريال سعودى هذا واحنا 4 اشخاص وباقي الفكة من الشارج طلبنا 6 علب ببسي للفندق...
ملاحظة العمدة الى رحت لة مش هوة العمدة الى بشارع جامعة الدول العربية
وذى صورة
وذى مدخل العمدة الى مكتوب فوق الخمسينة ايش معناتها مادري
وذا الطلب

ذولى فرقة مصدقين نفسهم dffdhd

بعد كذا اتجهنا لخان الخليل وللاسف ماكو صور اغلبها شخصية فقط هذى الى عندى وبعدين تقهوينا بقهوة الفيشاوى حلوة بس عيبها الناس الى يشحتون اذونا حتى بنت صغيرة توها تمشيى ماكملت سنة جت عندى وقالت عاوزة جنية واعطيها جنية رفضت تاخذة ولما عطيتها جنية فضة اخذتة وفرحت dffdhd ولا واحد جاء عند زوجى يلمح الجزمة حقتة تكرمون ويوم خلص زوجى قال كم حسابك قال 50 جنية m:7 قال زوجى كم قال 20 جنية jk?gg قال زوجى انت مريض ولا شلون قال جيب الى تبي عطاة زوجى 5 جنية وبغى ينهبل من الفرحة..وجلسنا الى ان اذن الفجر وهذى كمان صور لمسجد الحسين.
وذا الحسين
وذا من الداخل
وبعد كذا رحنا الفندق ونمنا نوم نومة وبكذا
تم انتهاء تقرير اليوم الثالث ليوم السبت 22/8/2009

1. تقرير اليوم الرابع الاحد23/8/2009 من الفيوم

تقرير اليوم الرابع الاحد23/8/2009 من الفيوم

طبعا انتقلنا لفندق النبيلة بشارع جامعة الدول العربية بسعر125 دولار باليوم اى يساوى=470ريال شامل الخدمة والضريبة والسحور والنت.عطونا الدور الرابع..
وبصراحة اسوى فندق شفتة يفشل ومن جد لو ماطلعت منة ممكن كان انتحرت مو نظيف ابدا والحمام وسخ صح اللوبي حلو والمطعم والاثاث لاباس منة بس غرفة ضيقة مرة والتلفزيون مافية قنوات وخربان وصغيرة مرة مرة والنت فاشل لازم انزل اللوبي.والحمد لله على كل شي
المهم صحينا بدرى على وجاء السواق وتوكلنا على الله اتجهنا للفيوم تبعد ساعة ونص تقريبا عن القاهرة.
وقفنا بمحل اتفق السواق معة على تجهيز الفطور والمحل ذا يطل على بحيرة قارون ..سبحان الله يقولون مدفون فيها قصرة.المهم الجو كان بارد جدا لانها مزارع وخضار وجوها حلو.بعد الفطور دخنا القري الى داخل وشفنا مزارع المنجي وشفت مزرعة المنجى حقت ليلى علوى ومزرعة وبيوت الفنانة نجلاء فتحي بحكم انها من الفيوم ولها ارض ومزارع وخاصة منجى. اكلنا الفطير المشلتت وشفنا اهلها وتعاملهم زين وكان السواق بيدخلنا على العمدة حقهم وعندهم باقي شيخ غفر. مثل المسلسلات بالضبط باقي متمسكين بالعادات بقوة.
بعد كذا رحنا لنهر عندهم او بحيرة فيها الساقية على قولتهم السقية فيها عجلات تدور بالماء فقط بدون كهرب وتنقل الماء من جة الى اخري..
وصورنا عندهم وشريت منهم اوانى فخار حلوةواكواب فخار لى وهدايا.اسعارها حلوة طبعا اخترت الى ابي وبالاخر قال الحساب 300 جنية قلت لة ماعندى الا 50 جنية تبية خذها ماتبية كيفك.قالت اى تعالي خلاص خذيها dffdhd
وذى بعض الصور للفندق النبيلة كايروا
ذا مدخل الدور الرابع الى سكنها فية لاحظوا السجاد كيف وسخ
ذا مطعم فندق النبيلة كايروا
والحين صور رحلة الفيووم
7
7
7
7
7
7
7
صور الفيوم
ذى مقابرهم على قولتهم التربة
وذى بحيرة قارون بالفيوم
وذا فطورنا بالفيوم
الفطور عبارة عن فراح بلدى وليس فراخ بيضاء وابشركم الحين عرفت الفرق بين الفراخ البدى والفراخ البيضاء
وشوربة لسان عصفور وتمر وقمر الدين وتمر هندى وايدام بطاطس بالفرن ورز ابيض وسلطة وطحينية.كان لا باس منة بس مااكلت خفت امرض بس ماقصروا c: :4c: :4
بعد كذا رجعنا مصر يمكن على الساعة 10 ونص . كنت مرهقين بس السواق شجعنا قال حرام تضيعون الوقت خلونى احجز لكم فلم بالسنما وفعلا حجزنا فلم محمد هنيدى بسنما جراند حياة بالفندق نفسة بس بالدور السادس او السابع.وكان الفلم تبع هنيدى رمضان ابو العلمين كان فلم يجنن ومضحك بس العيب الوحيد ان السنما صغيرة مرة مرة مو حلوة احنا تعودنا على السنما الكبيرة مرة وكمان التكيف كان خربان وكمان عيبها الموظف يدخل يكلم جوال داخل عادى يعنى فوضي. وغير كذا التذكرة ب35 جنية .. وغير كذا اخذنا بوب كورن واحد كبير مع 2 ببسي الحساب كلة فوق 55 جنية حرامية نصب مرة بس المهم نشوف الفلم وننبسط.
بدا الفلم 11 ونص وطلعنا 1 ونص ورحنا الرسبشن تبع فندق جراند حياة وسالتهم عن المركب متى يمشي بكرة عشان الفطور قالوا لنا سعر الفطور والرحلة 3 ساعات تقريبا 186 جنية واتفقنا وخلاص نجى نفطر بالمركب لكن للاسف جينا فهلا يوم الاثنين .. وكان المركب تعطل وتكنسلت الرحلة
المهم رجعنا بعد ماشفنا الفلم الى فندنا الفاشل النبيلة وكان وقتها رتب زوجى مع واحد فى مكتب سياحي اسمة منير وحجز لنا الهلتون 156 دولار وللة الحمد شامل كل شي.
رحنا نمنا الاحد بفندق النبيلة كايروا ومن الصباح انتقلنا الى الهلتون ....بس حطينا عفشنا بالفندق وسيدة على جراند حياة نلحق على المركب والفطور بس للاسف على تعبنا وسرعتنا طلع المركب عطلان وعلية صيانة خ
تم انتهاء تقرير اليوم الرابع الاحد بتاريخ 23/8/2009

1. نفس الشي طلعت غرفتنا بالدور العشرين


2. وذا من البلكونة وواضح مركزالهلتون التجاري


3. اخترنا البوفية كان ب 175 جنية تقريبا


4. كان حلو بس عيبة ملل بس تكرار بالقصة.

تقرير اليوم الخامس الاثنين 24/8/2009
بدينا يوم الاثنين من فندق الهلتون لاننا صحينا بدرى وانتقلنا لة وكما قلت لكم اخذناة من مكتب سياحي بسعر حلو تقريبا 156دولار =585 ريال سعودى باليوم
المهم حجزنا 3 ايام لانة رجعتنا للسعودية استقرت على يوم الخميس.
عطيناهم على ال 3 ايام 468دولار =1755 ريال =2580جنية
لاكن طلبوا اضافي للتامين 600 جنية =415 ريال سعودى تقريبا
يعنى اخذوا منا مع التامين 3180 جنية =2170 ريال سعودى
المهم نسكنا الفندق وكان حلو بس عيبة مليان اجانب واذا في خليجيين بس كويتيين والباقي جروبات اجانب.

نفس الشي طلعت غرفتنا بالدور العشرين

والغرفة حلو بس يعيب عليها ماوجدناة بالثلاجة يمة يخرع خمر وانواع مثل حقات التلفزيون وكلمهم زوجى ياخذونة قالوا طيب ورجعت دقيت قالوا طيب ولا جو ياخذونة دقيت قلت ممكن تستلمون العلب تبع الشراب لانة نخاف تنكسر شي قال طيب بس عشان واحد مسؤؤل هو يجى يشيلة (الحمد لله والشكر)
تخيلوا ماجوا ثلاث ايام ولا شفناهم من جد يقهرون بس حطيناهم بالدرج تحت الى اخر يوم طلعناهم..ورجعناهم محلهم مالت عليهم
ذى بعض صور من الرسبشن تبع الهلتون وصور لمدخل الدور ال20 وصور للروم
غرفة الروم
وذا مدخل الغرف الدور ال20
وذا الغرفة
اعتذر عن حوستها بس دائم ماذكر اصور الا متاخر fd?jk

وذا من البلكونة وواضح مركزالهلتون التجاري

المهم نزلنا الفندق وكنا تعبانين مرة كملنا نومة وصحينا على 5 العصر اتجهنا بسرعة الى فندق جراند حياة نحلق على المركب لانة حجزنا افطار لشخصين على المركب حقهم كان يجنن ونفسي نفطر فية وكان على الشخص 186 جنية مصري =130 ريال سعودى
المهم اخذنا لموزين واول ماوصلنا الجراند حياة انصدمنا ان المركب عطلان وعلية صيانة وومكن طول اليوم مايتحرك حتى على السحور قلنا والحل قالو عندنا هنا ثلاث مطاعم فوق المطعم الدوار وهنا بوفية على النيل انترناشنل وعندنا مطعم النوبي تحت بس منيو

اخترنا البوفية كان ب 175 جنية تقريبا

وكان حلو ولا باس بة ... بعدها طلبنا شاي وجلسنا بلوبي الفندق..وعلى 7 الليل رجعنا للفندق الهلتون ..بعد صلاة التراويح طلعنا للمركز التجارى تبع الفندق كان عادى جدا مو على الى سمعتة بالمنتديات وانة يجنن بالعكس عادى وقمة النصب كنت باخذ شنطة تقليد ماركة قال ب300 جنية (عشانى خليجية)
بعدين شافنى ماخذتها قال كم تبين فيها قلت لا جدا غالية قال كم تبين قلت ابيها 80 جنية قال طيب خليها 120 جنية
تخيلو من 300 الى 120 جنية المهم قلت غالي قال طيب جيبي 90 جنية واخذتها ب 90 جنية.
لو كنت مصرية ممكن تشتريها ب50 جنية
المهم لفينا فية حول ساعة وبعدين دخلنا السنما فية ب30 جنية وكان فلم 1000 مبروك لاحمد حلمى c: :4

كان حلو بس عيبة ملل بس تكرار بالقصة.

اخر نص ساعة من الفلم طلعنا واتجهنا للفندق وكنا تعبانين ونبي ولكن الصدمة صديق زوجى دق علية وقال انة جاى ومعة زوجنة وكانت صدمة.هم ساكنين بالمهندسين المهم على طول جهزت الغرفة وكلمت خدمة الغرف يرتبون ويجيبون لى قهوة عربية وطلبت قطع كيك.
واستعدينا وكانوا من اصحابنا بالسعودية جلست انا وزوجتة بالغرفة والرجال تحت باللوبي وتقريبا ساعة وعلى وحدة حكم قالوا طلعنا نتسحر برا
قلت لزوجى ليش مانتسحر بالفندق لانة مجانى

1. حسابهم كان12+20+12+8+10 جنية توصيل+62 جنية =42 ريال سعودى

تقرير اليوم السادس ليوم الثلاثاء 25/8/2009
كان يوم الثلاثاء جدا بارد والجو حلو
طلعنا ومن بدرى ممكن على الساعة 11 الظهر لانة نبي المتحف وكان الحمد لله قريب للفندق الهلتون رمسيس..ولازم نجى بدرى لانة يقفل على 4 العصر تقريبا
وذى بعض الصور اول صورة صورة للتذاكر كانت ب4 جنية =2ونص ريال سعودى
اما الاجانب فكانت غالية اتوقع 40 جنية او 60 جنية ولونها غير
وذى صورة المتحف من خارج السور قبل نوصل لة
صورة للمتحف من برا لانة ممنوع الدخول بالكام فقررت اصور من برا وبعدين اسلم الكاميرا واخذ الرقم.
وراح تلاحظون انة الباب الرئسي كان فية تصليحات وتعديلات.
وذى الجهة اليمنى للمبنى ..وشوفوا هنا المرشد السياحى الى علية السهم ذبحنا من شافنا الى يدخل معنا ويرشدنا ويشرح لنا وبكم ب 300 جنية =210 ريال سعودى والله غالى ولا يستاهل ونشب لنا نشبة.
وذى الجهة اليسري للمبنى
وذا المبنى كامل..
وذا البحيرة الى قبال المتحف كثير حلوة
دخلنا المتحف ولفلفنا كثير والمشكلة زحمة زحمة زحمة مووت وخاصة من الاجانب وربي خفت قلت اكيد بيجينا انفلونزا الخنازير لدرجة صار المتحف موت حر.
وزحمة جروبات اوربية ومن روما ومن موسكوا ومن الصين ومن امريكا ومن ايرلندا ومن اليابان ومن كل انحاء العالم والله لايوريكم حريمهم شنو لابسين وربي تقولون بينزلون البحر الله يسترنا بس.طلعنا من المتحف تقريبا الساعة 2 ونص او ثلاث يعنى بس وصلنا الفندق اذن العصر صلينا ونمنا شوى.
وبما اننا رجعنا جدا مرهقين قررنا نفطر بالفندق وقررت انا اطلب من مطعم اوتوا ماركت السياحى الى سبق قلت لكم عنة فى ثاني يوم مريناة ونصيحة لا يفوتكم هالمطعم.
اتصلت فيهم..
637603244
وطلبنا فطور عبارة عن شاندويش فراخ بانية وشاندويش ربيان وشاندويش شيش طاووق
ومكرونة بالبشمل..مع العلم المشروب مش من المطعم من عندنا
وصل لنا في اقل من ساعة وبصراحة قمة في النظافة

حسابهم كان12+20+12+8+10 جنية توصيل+62 جنية =42 ريال سعودى

في الليل نزلنا لمركز الهلتون رمسيس مركز تجارى مقابل لة شرينا اغراض وهدايا وشريت شنطة لابتوب ماركة اجنير وبعدين كنا نبي نشوف فلم بس طلع فى 3 شاشات عرض عطلانة وعليها صيانة وباقي شاشاتين (الحمد لله والشكر)
وبصراحة انا انصح اى شخص يبي سنما مايروح ولا يفكر بمركز الهلتون ولا باسنما حقتهم مرة فاشلة صح كبيرة افضل من جراند حياة بس برضوة فوضة ومش مريحة وغير كذا الصبي الى دخلنا وجلسنا بكرسينا جلس ساعة واقف وكل شوى يقول رمضان كريم وكل رمضان وانتوا بخير قصدة افهموا وهاتوا فلوس . وغير كذا ومن عيوبهم انهم يفتشون شنطتى واخذوا الكاميرا قلت لة ذى كاميرا عادية مش فديوا قال ولو وبعدين اعطيناة واخذنا رقم ويوم دخلنا جانا واحد قال اجيب الكاميرا بس كم تدفعون.زوجى هنا طنقر وزعل وطلعنا كان الفم اسمة (فرح)
طلعنا وكان زوجى جوعان ماشبع من الفطور رحنا الماكدونالز الى بنفس المجمع طلب هو وجبة وانا ايس كريم fd?jk وجنب السنما بالدور السادس .
كانت الساعة 2 اليل رحنا الفندق وعلى 3 الفجر طلبنا السحور بالغرفة وقتها زوجى نام وانا بروحى تسحرت
من احلى مافي مصر انة 24 ساعة اهلها صاحين والمحلات مفتوحة يعنى ساعات اصحى الساعة 6 الفجر وننزل اللوبي زحمة والناس صاحية وساعات نطلع نمشي برا الفندق وكمان زحمة وناس رايحة الدوام وحتى حريم يمشون والى تتنتظر الباص والمحلات كلها فاتحة ماكننا فى رمضان والجو بارد بصراحة يهبل
وانتهى تقرير اليوم السادس الثلاثاء 25/8/2009

طبعا رحلتنا المفروض من القاهرة الى شرم الشيخ بالطيارة والخطوط السعودية يوم الاثنين بس قرر زوجى وبالاجماع نكنسل هالسفرة لخوفة من الطيارة وقال نظل هنا ونروح الفيوم والقناطر والاسكندرية اذا وسعنا الوقت.ونخلى شرم سفرة لحالها وهذى التذكر معنا بس ندفع الفرق قلت اوكى براسك c: :4 وكنت فعلا ماابي اروح شرم لان مو من عشاق البحر والشاليهات نخليها مع عيالى احسن.. المرة الجاية c: :4
تقرير اليوم السابع الاربعاء 26/8/2009
بهاليوم اتفقنا مع السواق نروح القناطر قال لنا راح تكلفنا تقريبا حول 500 جنية .وزجى قال ابي مركب فية تكيف.وقال السواق ناخذ معنا فطورنا ونطلع بدرى على 2 الظهر..
طبعا انا ماعجبنى كلام السواق وقلت لزوجى قل لة ماعاد نبي نروح ولا يمرنا بكرة.
جاء يوم الاربعاء ومن ظهر على 1 الظهر تقريبا طلعنا من الفندق وفرفرة بالشوارع وتمشية كانت حلوة وتصوير اغلبة شخصي.ويوم وصلنا جهة النيل سالنا عن المراكب واسعارها قال لنا الشائب عن الاسعار وقلنا لة كم تكلف رحلة القناطر وكم ساعة قال تقريبا ساعة ونص رايح وساعة ونص جاى وقل ساعة هنا
قلنا كم التكلفة وطبعا وريناة اليخت الى نبية.ولازم تكيف لانة حر الظهر .قال ممكن تكلفكم مع البرنامح والتمشية وراح اشرح لكم كل شي واوريكم الشلالات وكل شي بتكلف تقريبا 300 جنية .قلنا حلو مشينا من عند النيل جهة هلتون رمسيس وجهز المركب ومشينا ..
وعدينا واخذ نص المشوار تقريبا مرينا النيل والى عندة كلة ولما قربنا تقريبا على قولة السواق باقي ربع ساعة بس رفضت وقلت خلنا نرجع مو مرتاحة خاصة بنجى وبنرجع بلليل وزعل الرجال وقال مابقي شي قلت مانبي رجعنا وبس مو لازم نوصل للجزيرة تبيى تمشية عادية قال براحتكم ورجعنا ماجاء 4ونص الا احنا على الشط ونزلنا وعطيناة بس 100 جنية وزعل قلنا ماوصلنا ولا سويت لنا برنامج عقبها سكت واصلا كثير علية 100 جنية.
ذى بعض الصور بس بصراحة ماانصح بالقناطر وطريقاها مايسوى وكثير هنا بالمنتدي مامدحها لذلك ماكنت ابيها بس عشان زوجى يبي الطبيعة والشلالاتاو مادري عشان اول مرة امشي وقريب للبحر حسيت بدوخة وكنت صايمة.
وذى يوم بعدنا
بعد مانزلنا من المركب و اخذنا نمشي شوى على رجلنا الى ان قررنا نروح ستى ستارز ونفطر فية وقتها مرينا على كم محل وهذى بعض الصور منة
اول شي برج القاهرة بس مادخلنا ولا فكرنا ندخل لانة سبق دخلتة ولانة صار مرة غالى الدخول والمطعم
وذا بيت عجبنى طراز بناة
وذا شكلة كنيسة
وذا مسجد ماشاء الله تبارك الله
واحسن شي في مساجد مصر عن جد متعوب عليها بصراحة روعة وجمال وزخرفة وشكلها خيال
وللمعلومية لاحظت كل مسجد او غالبا اغلب المساجد فيها كنايس خاصة حى العباسية الله المستعان
وذى بانوراما خرب اكتوبر على شارع صلاح سالم ..
وهي مبنى جميل .شكلة أسطواني وعلى الطراز الإسلامي
يقولون تم إنشاؤها بعد حرب أكتوبر مباشرة .ويتم فيها عرض الحرب بطريقة شيقة ومبسطة
بعد كذا توجهنا الى كدينة نصر ولفلنا هناك شوى وبعدين اتجهنا الى مول ستار ستي كان حلو مرة وفخم وعبارة عن 3 ادوار كرجات وتقريبا 7 ادوار للمول وفية فندقين واحد الهوليدى ان والانتركونتنتل وكلهم احلى من بعض.
والحين بعد ماوصلنا ستى ستارز وكنا مع تاكسي عطيناة فقط 25 جنية قيمة المشوار مع انة مسافة بس على العداد لانة ركبنا تاكسي الجديد.وكان فترة المغرب والشوارع هادئة.
المهم على ططول اتجهنا الى الدور السادس ومطعم ابو السيد وطبعا مااعرفة واول مررة اروح لة بس من المنتديات كثير مدحوة ومدحوا مكانة واكلة وانة حيل نظيف واجواءة مرة مصرية.
كان زحمة شوى وانتظرنا يفضون لنا طاولة وطلبنا عصير قصب سكر وببسي وكشري وشوربة عدس وسلطة زبادى بالخيار وفطير مشلتت ..... الخ والحساب مع الخدمة والضريبة حقتهم 171 جنية=117 ريال سعودي
تقيم المطعم 10 على 10
النظافة كمان 10 على 10
المعاملة8 على 10
احسن القرصون كان شوى معصب .صج مالومة من الزحمة بس مو ذنبا
الاسعار 10 من 10
بعض الصور لمطعم ابو السيد
ذى الطاولة وشكلها حلو وكل الطاولات استايلها حلو وجوة مصري
وذا الصندوق كمل الستايل جابوا فيةالفاتورة حركة حلوة
وذى الفاتورة
صح نسيت اقول لكم من الشي الى عجبنى بمطعم ابو السيد دورة المياة تكرمون كانت جدا جدا نظيفة وريحة الديتول والمعقمات فيها وغير كذا ستايلها حلو ويجنن
بعدين طلعنا نتسوق ونتمشي بالمول ستى ستارز وذى بعض الصور مع العلم ممنوع التصوير ليش مادري بس يوم شافنا السيكرتى قال بسرعة صورة وبسرعة.
وذى في طريق عودتنا للفندق عجبنى هالمسجد ماشاء الله تبارك الله
وبكذا انتهي تقرير اليوم السابع الاربعاء26/8/2009
وانتظرونى بتقرير اليوم الثامن

1. بدا العد التنازلين وبدا تقرير


2. اليوم الثامن الخميس 27/8/2009 سادس ايام رمضان


3. وشوى القي زوجى عند هذا يمسح جزمتة (تكرمون) عطيناة 5 جنية ومشينا

بدا العد التنازلين وبدا تقرير

اليوم الثامن الخميس 27/8/2009 سادس ايام رمضان

المهم بدا هاليوم من بدرى الصباح صحينا او بمعنى ثانى ماجانا نوم ليش مادرى ممكن فراق ممكن حزن لوداع ام الدنيا..المهم تقدرون تقولون 6 الصباح وانا وزوجى باللوبي مثل الخبلان نتمشي ولا في الا عمال النظافة وموظفين الرشبشن وتقدرون تقولون بعض النزلاء الجدد المهم لفلفنا شوى بالوبي وكنا فاطرين ماصمنا فاتجهنا الى بوفية الافطار وللاسف شكلنا يفشل مع هالاجانب واليابانين والاوربين والامريكان بس احنا العرب الى نفطر معاهم .. عاد ودى اقول لهم ترى ورانا سفر وطريق ويجوز بس ماعلينا منها صعدنا المطعم الدور R من فندق الهلتون رمسيس وكان بوفية حلو بصراحة وفية اطباق واصناف كثير بس ماكنت جوعانة وزوجى كمان بس لازم ناكل لانة احنا اثنين نخاف من الطيارة kk"qqkk"qq والله يستر هذا غير هم وداع ام الدنيا والنيل بس وش نسوى قدر الله وماشاء فعل وعندنا مبزرة هناك قاطينهم نبي نروح نلملمهم من بيوت خلق الله..
المهم ..بعد الفطور مريت وجلست اناظر جلسات الفندق من فوق واخذت كم صورة للذكر هذى احداها
وعقب قال زوجى نطلع برا نلفلف قلت نطلع .. وطلعنا من الباب الخلفي للفندق المقابل للنيل..وقطعنا الشارع ومرينا تحت الكوبر وفجاة لقينا بسطة المجلات والجرائد شريت جريدة الاهرام وبعض الكتب الى كنت ادور عليها ومش متوفر بالسعودية او بمعنى اصح ممنوعة.

وشوى القي زوجى عند هذا يمسح جزمتة (تكرمون) عطيناة 5 جنية ومشينا

بعد كذا رحنا نمشي جنب النيل وطلبت ابو رغدة نركب المركب اخر رحلة لنا .. kk"qq وافق قال براسك وكان الجو حلو حتى ركبنا مركب عادى مافية تكيف والجو براد يجنن fd?jk اخذنا ساعة الا ربع تمشية كانت اكثر من رائعة وبسعر يابلاش قال ب100 جنية بس رفض زوجى وعطاة بس 50 جنية ويوم رجعنا عطينا السواق 20 جنية لانة ولد صغير وصحاة ابوة من النوم وكان صايم ويحزنو لانة فعلا ماقصر معانا وقربنا من محلات طلبناها منة.
وكان وقتها الساعة 7 ونص الصباح تقريبا
بعدها توجهنا لشارع طلعت حرب بالتاكسي ونزلنا باولة وكان الساعة ممكن 9 الصباح تو المحلات فاتحة وبعضها باقي تفتح ومشينا وهكذاا
واخذنا هالصور لبعض محلات الفواكهجي ومحلات البضائع ومحلات الملابس قضينا بعض الشغلات بس بصراحة انا مو كثير عجبنى السوق احسة عادى بس زوجى طاح بالجزم تكرمون والاجزمة والقمصان ..
ذى صورة محل adidas ادادااس الى بشارع طلعت حرب اكيد
وذى صورة محل nike نايك
وكان كلهم عليهم خصومات .. ماكانت ذاك الزود وبضاعتهم رائحة يعنى منتهية مخلصة.
السوق تحت واعجبنى المبانى والعماير شكلها حلو
وذى سنما مترو ........ صار لى فيها موقف شخصي طريف
وذى سنما ميامى بنفس الشارع ..
هذا دورا طلعت حرب فية التمثال حقة على كلام زوجى qq:drr
وذى بعض المبانى المطلة على الدوار احس تصميمها يجنن مع انة قديم
وذى من قرب

1. رقمة/**************


2. ممنوع وضع أى أرقام هواتف سائقين وهذا من قوانين المنتدى

هذى بعض النصايح الى قررت انا وابو رغدة بجولتنا الجاية ان الله كتب نتبعها:
اولا لازم نتفق مع سواق ويكون ثقة وممتاز وكان سواقنا اسمة سيد جدا رائع وممتاز واحسن مافية جدا دقيق وحريص وامين يعنى لو اوصف منا الى بكرة ماتصدقون..
طبعا بتقولين رقمة هنا مسجل بالمنتدى مادرى بس بسجلة انا ان شاء الله وترى مو شايب هو في متوسط العمر وسيارتة انسر موديل 2009 حلوة مرة
وياخذ باليوم 200 جنية حلو مرة وترى والله راح يعجبكم وبتعطونة اكثر مثلنا عطيناة باليوم 250 جنية
غير الى منا والى منا
اسمة /************

رقمة/**************

ممنوع وضع أى أرقام هواتف سائقين وهذا من قوانين المنتدى

وانصحكم اذا مطولين بمصر اتفقوا مع سواق باجر اليوميى اذا مشاويركم من الصباح وبتكون للهرم لدريم بارك وهالاماكن لانها بعيدة وينتظركم ويوم كامل اما الاماكن الى قريبة وطلعات عادى قولوا لة لا تجى ولا تحسب اليوم واخذو تاكسي رايح وتاكسي جاى احسن لكم مايكلفكم 60 جنية لو لفتيوا 3 محلات ( مجرد راى وانتوا احرار
)
ثانيا لازم اذا اتفقتوا مع السواق تعطونة كل يوم بيومة مو مثلنا جمعناها علينا افضل نتفق ونقول بنعطيك كذا وبعدين كل يوم بيومة.لانة يحتاج اقل شي بنزين..ولعيالة كلا وظروفة.
ثالثا لازم نتفق نلغي شي اسمة بقشيش من جد شي يقهر .واذا جاك طفل او بنت او حرمة اوكى نعطيها ونتصدق بس رجال كبر ابوى واعطية وهو اصلا مليونير والله انة كثير مصرين عرفتهم وقابلتهم يقولون الشحاتين اغنى منا وعندهم بيوت وقصور وسيارات بس شغلة وفي دمهم تعودوا عليها.
طيب بس مو على حسابنا وعلى حساب نفسيتنا
رابعالازم السكن من مكتب سياحى وذى اول غلطاتنا وترى مو لازم لا نت ولا اى شي اول ماتوصلون كلموا اى مكتب سياحى وبراحة وبفضل اخوى عطانا مكتب شخص يتعامل معة والله يسعدة عطانا الهلتون بسعر ممتاز جدا
ولو كلمنا على السوفتيل من قبل كان عطانا سعر حلو ولا غشونا بس الحمد اللمهم انبسطنا وطقاق بالفلوس
الشخص مصري بس تعاملة ممتاز واخلاقة عالية
الاسم /*****
الرقم/ ******************
ممنوع وضع أى أرقام هواتف سائقين وهذا من قوانين المنتدى
خامسا السنما لا تروحون الا سنما ستى ستارز والباقي ماانصحكم فيها ماتسوى بصراحة.صح يمدحون حقتى جالكسي بس مارحت لها.

خلصت تقريرى والنصايح هالله هالله بالردود الحلوة

الله الله الله الله عليك يا ام رغده قمه في الروعه والابداع ما شاء الله عليك خمسه وخميسه
بصراحه استمتعت بكل حرف وخاصه النصائح الله يجزاك خير
وكنت حاب ارد عليك بس قلت حرام اخش في نص التقرير
بس مجهود متعوب عليه تقرير في يوم واحد وبدون ردود بعد الله يعطيك العافيه وكل عام وانتم بخير
دمتي بود