:smile002:
مساء الخير للجميع
من يومين أو أكثر لاحظت أن جو الرياض كأنه بدأ يتعدل شوي وراح عنه الغبار
علشان كذا اتفقت أنا والمدام نطلع نغير جو بأحد المطاعم
بس كان الشرط الأساسي يكون هذا المطعم رايق وهادي يعني ما أبي صراخ بزارين ولا شي
فكرنا بمطعم جديد ما سبق لنا زيارته من قبل
فوقع الاختيار على مطعم الفيروز جاردين

أول ما تدخل المطعم يكون على يمينك مصعد للدلوعين :biggrin: وقدامك درج للغزلان والرشيقين :tongue:

إذا طلعت للدور العلوي (المخصص للعوائل والأرضي للأفراد)
يكون المنظر بهذا الشكل

طبعاً المطعم مقسم لثلاث أقسام
الأول غرف مع براتشن

ومقابلها طاولات مفتوحه بدون حواجز

وإذا تقدمت شوي راح تشوف قبه كبيرة وتحتها جلسات مكشوفه

وهذي صورة أقرب للقبه

هذي صورة لأحد الجلسات ألي تحت القبه

وعندهم جلسات مجهزة للعوائل الكبيرة يعني تقدر تعزم جماعتك كلهم وبتكفيهم الطاوله وأكثر

وهذي طاوله مع TV خاص للطاولة

والصورة هذي أظنها أكبر طاوله عندهم مخصصه للحفلات والشغلات الكبيرة

القسم الثالث من المطعم هي طاولات خارجيه مع رذاذ وكم شجره حولك بصراحه طالع الجو جنان

^
^
^
هذي طاولتنا :8888:
نجي للأكل
طلبنا كان
1 حمص ( لذيذ جداً)
2 ورق عنب(أنا ما أعجبني كثير بس المدام أعجبها مره)
3 فتوش (ألخص طعمه بهذا >> :yuk: )
4 كباب تركي(طعمه لذيذ مره)
5 المشروبات المدام طلبت كوكتيل طعمه حلو وانا طلبت شمبانيا مب الي بالي بالكم لا هذا سعودي يعني بدون شي
6 وآخر شي هضمنا بشاهي مغربي قمة الروقان مع الرذاذ والجو الحلو
والفاتورة كانت 250 شاملة الخدمة بس
للأسف ما لحقت أصور الأكل تدرون الجوع كافر ونسيت التصوير يوم شفت الأكل :36_1_51:
نوصل لتقييم المطعم
الديكور