على فكره انا صرفت بالبحرين بمجمع الدانه قال لي الريال اقل من 12 ربيه اي 11 ربيه وكسور وفي بعض التقارير قريت فيه ناس صرفت الريال 13 ربيه .. والدولار 45 ربيه راحت فلوسك يافجوره .

بالتوفيق ان شاء الله
اعطينا الاخبار بالتفصيل الممل لاننا ان شاء الله مسافرين بعد شهر تقريبا ولا نستغني عن مشاهداتك
رحله موفقه

اهلين الجنتل وام الفارس
اقلعت الطائرة الساعه الثامنه والنصف بتوقيت مكه وطبعا درجه اولى على خطوط طيران الخليج وبصراحه اول مره اسافر على هالشركة لكن الحق يقال الاكل فيها اوكي كأنه طبخ بيت والخدمه ممتازه ..
وقبل ما نوصل كوتشي بساعه صادتنا غيمه مالها حل ومطر غزير وبدأت الطيارة تفقد توازنها وتخيلت اني قاعده اشوف فلم رعب عن جد مت من الخوف وولا كأنك في قطار الموت مال ماليزيا ..
وقبل الهبوط بنصف ساعه وزعوا علينا اوراق فيها رقم الفندق والعنوان والمعلومات العامه وطبعا كتبت المرديان لاني حاجزه فيه وبعدين اعطونا اوراق عن انفلونزا الخنازير وعشان تنجحون خلوا الاجابات كلا NO وحطو صح على كلمة نو بالمربع الصغير على كل الاسئلة بس شكلي طلعت دور ثاني راسبه ههه..
بعد مادخلت المطار وقفنا في طابور طويل عشان قاعدين يحطون جهاز على مقدمة الراس شكله خربان لان كل الطابور عدا من عيادة الدكتور اللي هي اصلا مكتب ومش عارفه شكل الجهاز مالهم عطلان لانه مو معقوله مافيه احد حرارته عاليه ..
المهم اخذت شنطتي وبدلت العمله وصار الصرف الريال 12 ربيه والدولار ب45 وكسور واخذت التاكسي وعلى فندق لي مريديان وكان الجو غائم ونزل مطر خفيف ولما وصلت وما كذبت خبر على طول حطيت راسي على المخده ونوم عميق ..
اليوم الثاني على طول قعدت من النوم وقالوا لي فيه مول او مجمع كبير اسمه Bay poide والله لايوريكم مكروه ياهو خايس بالحيل وبعدين سألت وحده وقالت ماتصلح لنا هالمولات الخايسه روحي لمول اسمه براون وبصراحه عجبني يعني قريب من مستوى مجمعاتنا وانصح فيه عموما بس مافيه سينما لن السينما في مكان ثاني مستقل وهذا اسمه REEDHOR يبدا العرض بالصباح وينتهي اخر عرض الساعه التاسعه مساء ..
راح اكمل لكم مشاهداتي في وقت لاحق الان طالعه شوبنق باي وتشكرات.

تصدقون انا فرحانه كثير دايما اشوف التكتك بالافلام وركبته اول مره ياهو يخوف كل شوي اقول راح اطيح وبعدين كان شكلي غلط وسائق تاكسي الفندق وراي قاعد يضحك علي بس قلت يالله حاجه جديده نجربها وعلى فكره هم يسمونها الركشه بس اعجبتني ذكرتني بالحنطور بمصر ..
يقولون فيه تهديد ارهابي على طائرة الخطوط السعوديه الان في مطار كوتشي والحكومه مسوين شغل عدل بالمطار بس لمن سألت واحد بالهوتيل قال طلع واحد سكران حلمان انه رامبو ومسكت السكره غلط وياه الا يعمل عمليه ارهابيه ههه يالله باي .

تسلمين على التقرير المفصل وكاننا معاك في الرحله
اتمنى مواصلت التقرير وايش تطورات الطائره السعوديه؟

الجنتل
فعلا ماهي تطورات الطائرة السعودية بما انك قرب الحدث
انا بحاجة ان تتقصي لي ارجوك

يا حظظكم
بكوتشي جالسين
مو بس انتم
حتى نحن بنروح لكوتشي بعد شهر
أهم شيء كم التكلفة يوميا ؟؟
كملي رحلتك
ويالهنا والعاافيه ياارب

الله يوفقك ياختي بس ليه تسافري بنفسك الدنيا ماعادت بخير
الله يحفظك ان شاء الله
والله شجاعه مش زي ربعي كنا مخططين للهند هذي السنه لكنهم خافوا من انفلونزا الخنازير
وطبعا كنسلنا السفر هذي السنه لجميع الدول ماعدا دول الخليج
والحمد لله على كل حال
وتقرير مباشر رائع جدا والله يعطيك العافيه