معقوله ياملوك مافي احد يرد علي !!!

حياك اخوي ..
راح ارد عليك باذن الله انت والاخوان الباقين الليلة .. لكن اعجبني تخطيطك وترتيبك عشان كذا رديت عليك الحين .. وابشرك انك راح تستمتع باحلى رحلة في حياتك باذن الله..
وياليت كل الاعضاء يسوون مثلك .. يرتبون ويجهزون وبعدين يشاورون .. ماشاءالله عليك

الله يجزاك الف خير اخوي الغالي بيمو
وانا حاولت اول شي اقراء المواضيع الي في المنتدى لمده اسبوعين ,, وطبقت اشياء كثيره
والحمد وصلت الي هالمرحله ........والان حسيت اني لازم تشاركوني في هالوقت
ومابغيت ان يكون موضوعي مكرر لان اكثر الموضيع قريتها وفهمت وش المطلوب وطبقتها
وانا بنتظارك ياملك

محد رد علي وبيمو حبيب قلبي تاخر علي من الساعه 8 وانا انتظر
مالومك يابعد قلبي اكيد مشغول بس عسى الصبح القاك
وانا تاخرت بنام مابقى الا ساعه على الفجر والدوام قرب
تصبحون على خير
انتظرته وقلبي احساسه يقول ........................صوتي خلي اليوم ماظن اسمه

اسعد الله صباحكم
وينكم ياشباب مافي احد يساعدنا في خطتنا .......... علشان نبداء نتفرغ للفنادق

انتظرته وقلبي احساسه يقول ........................صوتي خلي اليوم ماظن اسمه
ههه .. العذر والسموحة يالغالي .. لكن مثلك عارف في ناس من زمان ينتظرون وانا احاول ارد على الاول فالاول ..
المهم .. بالنسبة للتاشيرة ممكن تروح بها للنمسا مايضر اي دولة تدخل منها واي دولة تطلع منها .. اهم انهم من ضمن دول الشنقن ..
وبالنسبة للسيارة اذا ماتفرق معك خذها من فيينا في نفس يوم السفر الى سالزبورق اريح لك من انك تروح لقرية Freilassing .. او اذا بتروح لها انصحك تنزل الاهل بالفندق وتروح انت تنهي اجراءاتها ..
وبما انك اخذت السيارة خلاص من الافضل تسلمها في ميونخ اول نماتوصل .. لانها ماتفرق يوم واحد .. ومتعة السفر في قيادة السيارة بين الارياف .. ولو انك ماشريت القارمن ومتحمس .. كان قلت لك انسى موضوع السيارة هالمرة بما انها اول سفرة وتفرغ لاكتشاف المناطق .. لكن مهما يكن فالسيارة متعة خيالية ..
امورك الباقية كيفها خلصت كل شي ولا توك ؟؟

السلام عليكم
الله يعطيك الف عافيه واسف جدا على الازعاج وانا والله داري ومستشعر بالجهد الذي قاعد تقدمه مشاء الله عليك للجميع وماتقصر
بس انا قاعد ارد لان شفت موضوعي كل ماله وينزل تحت فقلت شكله مارح يشوفه
عالعموم : اولا / بنسبه لاقتراحك اني اخذ السياره من فينا ودي بس حسبت المسافه الي سالزبورق بعيده جدا وتعرف انا عريس وماودي امسك خطوط مع هالبنت وضايع وحوسه.
فقلت خلك على المضمون خذ قطار واستاجر السياره من هناك ومافي اشكال استخدم السياره داخل زيلامسي واتمشى في هالديره لمده 7 ايام وسلمها في زيلامسي
هذه فكرتي لان بصراحه خايف من مسكت الخطوط الطويله خاصه العوده الي ميونخ تعرف المسافه من زيلامسي الي ميونخ تقريبا 3 ساعات فاحسيت شوي صعبه
لو لحالي كان جزمت ماعندي مشكله بس اخاف سبحان الله اضيع ولا اكون بموقف واتوهق ومعي هالبنت هذه مشكلتي
لكن عالعموم محتار انا وهذه وجهت نظري .. وبنتظار مشورتك يابعدي
بنسبه لاموري الثانيه : الي باقي علي هو الفنادق.
طبعا انا اخترت اكثر من فندق بس محتار وراح اطرحه لك تشوفه
بس يابعدي مارديت علي من ناحيه عدد الايام الي انا موضحه في السابق هل هي مناسبه ولا لا .؟

حياك يالغالي ..
تدري توني انتبهت انك بتجلس في زيلامسي 9 ايام !! على كذا انا اييدك .. وبالعكس من الافضل انك ترتاح من الخطوط .. مع انها سعة صدر ووناسة .. وبالنسبة للا ستجار السيارة موجود في زيلامسي مكتب يورب كار .. اذا كان ودك تستأجر منه وتسلمها في نفس المكتب .. او من سالزبورق وتسلمها في زيلامسي .. وبعدين المسافة من زيلامسي الى ميونخ ساعه و10 دقايق بالسيارة او بالقطار ..
شوف يالغالي .. تسليم السيارة في زيلامسي تفكير جيد .. خصوصا انو محطة القطارات في ميونخ في السنتر وبجنب الفنادق منها ترتاح من الروحة لمكتب التأجير وتسليمها هناك .. نقطة جيد منك !!
بالنسبة لتوزيع الايام ممتاز .. أهنئك على تخطيطك الرائع .. وارجع واقول ليت كل الاعضاء مثلك .. بالتوفيق ..

1. وهذا الرابط تبع الفندق اذا تبي تزوره وتقولي رايك فيه


2. http://www.roomz-vienna.com

السلام عليكم اشكرك من الاعماق على سرعة تجاوبك معي لاهنت
طيب المشكله الاولى ( السياره)
1: انا رحت قبل شوي موقع يورب كار وحجزت من زيلامسي بتاريخ 2009/8/1 الي 2009/8/9 طلع فيه مشكلتين :
الاولى / مشكله في الذهاب مافي سياره صغيرها كلها كبار .
الثانيه / ان تسليم السياره في تاريخ 9 او 8 المكتب مقفل لانه يوافق اجازه عنده .
الحل الاخر:
2/ حجزت من المدينه الالمانيه السابقهfreilassing طلعت فيه مشكله وحده .
الاولى / الحجز في الذهاب اوكيه سياره صغيره
الثانيه / تسليم السياره في تاريخ 9 او 8 مقفل ايضا المكتب في زيلامسي
الاقتراح/ اني اختار الحل الثاني و اسلم السياره في تاريخ 7 لانه في امكانيه يوافق الجمعه واقعد يومين بدون سياره .. وش رايكمشكلة عدد ايام (الاقامه)
حسب كلامك السابق بان ترتيبي للايام ممتاز
4 ايام فينا 3 ايام سالزبورغ 8 ايام زيلامسي 3 ايام ميونخ
اذا انتهينا من مشكله الايام وتم اعتمدرايك يابطلمشكلة الفنادق
عملت جوله تقريبا 50% من اطلاعي على معظم الفنادق ولكن في حيره من امري
اولا : فينا ( فندق اسمه Roomz) ( الهدف من اختياري له هو بسبب انه عندي اول يومين في فينا مؤتمر وموقع المؤتمر 6 دقائق مشيا الي الفندق ) وش رايك

وهذا الرابط تبع الفندق اذا تبي تزوره وتقولي رايك فيه

http://www.roomz-vienna.com

مع اني بصراحه توني بادي في قراءة موضوعك تبع رحله العام حق فينا وبيني وبينك نفسي اسكن بنفس الفندق الي سكنت فيه الي هو المرديان مره حلو بس خايف من مشكله وحده اني اخلي المدام في الفندق واروح للمؤتمر وموقعه بعيد عن الفندق وش رايكثانيا : زيلامسي واه يازيلامسي مدري عنها بس اقول مثلك اه يازلامسي عسها بس تعجبني
طبعا / اتمنى ان تركز معي في هالنقطه بذات
انا في زلامسي راح يكون معي سياره اوكية
ومابي اسكن في فندق كل العالم فيها ويصير زحمه وقروشه وازعاج ولجه,يعني ابي يكون المكان حلو انبسط فيه واروق والمدام تاخذ راحته من ناحية النقاب وغيره .
فا طحت في قريه بصدفه وانا قاعد اتتبع الخريطه اسمها ( leogang) تبعد عن زيلامسي ربع ساعه تقريبا
وشرايك بالمغامره هذه ( قلت اسكن هناك ولا صار الظهر او العصر رحنا بسياره الي زيلامسي تمشينا فيها ورجعنا. مع العلم اني دورت في ديره اسمها كابرون بس مالقيت شي زين او اني ماعرفت ادور.واخيرا: بنسبه سالزبورغ وميونخ ماعرفه عنها شي لافنادق ولاديره.
بيني وبينك كل وقتي راح الفتره الماضيه على فينا وزيلامسي
واسف جدا جدا على الاطاله وكثره الكلام ... واتمنى ان تقبلني بصدر الرحب وان يكون كلامي جدا واضح لك
لاني حاولت انسق الموضوع باللوان وارتبه علشان يظهر بوضوح واتمنى اني اصبت
تحياتي لك ياملك