السلام عليكم ورحمة الله وبركاته .............
الاخوه الاخوات اعضاء بوابة السفر الي قطر وكل الزوار اتمني يكون هالتقرير بقدر ماهو مفيد لكم يكون يعبر ولو بجزء بسيط عن عشقي المتجدد لقطر بالرغم من تقصيري في زيارتها
الرحله بالرغم من بحثي السابق عن اماكن سكن الا انها تقررت فجاءه
وهنا لابد من شكركم جميعا خصوصا من رد علي مواضيعي واستفساراتي ولكي لابخس حق احد
الشكر الخاص للاخت المشرفه ... قطر2007 ... اخوي الرايق ...اخوي حلو ومدلع ... اخوي qatar3333
وايضا احب انوه الي موضوع اخويNaim242 الي قريت موضوعه في اخر يوم بالصدفه ,,وراح اذكر لكم وجه الفائده من موضوعه المتميز صراحه لانه وافق هواي اسلوبه وطريقته وامور راح اتكلم عنها لاحقا في سياق الموضوع
الطريق الي الحدود السعوديه القطريه جيد واحسن من قبل .... لانه قبل في اصلاحات كثيره الحمد لله انتهت وكان مستواه احسن بكثير من قبل كم سنه
المركز السعودي سلوي حدث ولاحرج يجيب الكابه اول ماتوصله يجيك ضيقة خلق مدري كلكم مثلي ولا انا عندي حساسيه
كانت هناك جهتين يعني كابينه يمين والثانيه يسار ومافيه قدامنا في كل جهه الا حوالي يمكن 4-5 سيارات وانتظرنا بس نص ساعه عشان نطلع من مركز سلوي
طبعا بعد ماتوقف عند المطبقه
وتوقف ثانيه عند العسكري الي في الاخير يشيك عليكم بس الحق ينقال الجماعه محترمين واحسن تعامل من قبل اول اعوذ بالله عليهم نفس ماتنطاق
اتجهنا لمركز ابوسمره والي صار جديد وسابقا كان مبني قديم لكن الحين الحمد لله شي يفرح النفس ويشرف السعودي قبل القطري
عجبني انهم حاطين للعوائل مسار خاص ووجود اخوات موظفات كان جميل جدا ومريح وتعاملهم محترم
التفتيش ... الاخوان متعاونين ومافيه اي ازعاج
التامين الزول طلب 69 ريال قطري اعتقد قبل كانت اقل بس كل شي زاد
الطريق الي الدوحه احسن من قبل (ملاتحظون كثير قلتها لاني من سنة نوح مارحت بطريق البر)
لما قربت الدوحه صادفتني شغله مو عالبال واذا وياك اطفال والوقت الظهر عز الشمس راح تتلخبط ويا انك تسكتهم او تنتبه للطريق
شنو هالمشكله البسيطه الي كلش ماحبيتها (كانه بكيفي عاد احبها ولا اكرهها)
وانا ماعندي لاجارمن ولا ماجلان ولا حتي اقمار صناعيه
يتبع في الحلقه القادمه لانه مايصير لازم تشويق
راح اخلي هالرحله مسلسل LOST
وهي فيها شوية لوست :bounce8:
الصور لاحقا لانه ماكو وقت اصور وبعد نسيت الكاميرا في البيت
في الحلقه القادمه تتابعون
وش قصدي بمسلسل لوست ؟؟؟؟؟
كيف وصلت للسكن وكيف حجزته اصلا وليش حجزته !!!!!!
شنو فيلاجيو
ستي سنتر والموقف الي حصل لي في المواقف !!!