???
يا هل الخير ؟؟
وينكم ؟؟
ما في احد يومين ..!!

ألف ألف مبروك مقدما ياأخي عاشق منو وبالتوفيق شوف انا رحت باريس العام الماضي واحس انها حق شوبنق اكثر من شهر عسل سويسرا افضل بس بما انك حجزت خلاص توكل على الله عندك برج ايفل والحدايق اللي حوله وشارع الشانزليزيه اونس بالليل تقعدون بالكوفي شوب اما عن المطاعم فهي كثير بس اذكر العجمي بس مااعرف الأسعار وروح لمجمع غالوري لافييت يجنن ويعتبر معلم سياحي مو بس تسوق ويوم روحو لدزني لاند تمشو وتغدو هناك وفي متحف اللوفر بس ممل والأحسن خذولكم جوله بالباص المكشوف عشان تشوفون باريس كامله وخلوها وقت العصر افضل من الليل وبعد لاتنسى تروح رحله غداء اوعشاء في نهر السين (رومنسيه) تصلح للعرسان وان شاء الله الأعضاء بفيدونك ومايقصرون معاك وآسفه على الأطاله

هلاا اخوي
الف الف مبرووك ... الله يسعدكم ويهنيكم يارب
الاماكن الجميله فيها هي (هي كلها تجنن بس هذه السياحيه منها):
1- اللوفر : رائع خااصه انه فيه صورة الموناليزا و طبعا تقدر تزور الاقسام اللي تهمك
2- هضبه المونامارت : منظر رائع لباريس
3- نهر السين : زي ما قالت همس المشاعر لا يفوتكم وممكن اذا ما حبيتوا العشى او الغدا ممكن رحله قصيرة بالسفينه
اكثر من رائعه
4- دزني لاند : العابها رائعه والاستديو ولا تفوتكم العروض اللي بالليل (نصيحه : شيك ع الجو قبل لا تروحون عشان الحر )
5- برج ايفل : مررة رائع ( من وجهه نظري احلى وقت قبل الغروب بشوي عشان تشوفون باريس بالليل والنهار )
6- الشانز : طبعا غني عن التعريف
7- شارع سان جيرمان - شارع سان ميشيل : شارعين متقاطعين مررة رائعين المشي فيهم حلو فيهم كافيهات و ومحلات فرنسيه ملابسها مررة رائعه ( لا تفوتكم الشاورما في سان ميشيل )
8- متحف الشمع : مررة حلو
9- منطقه الاوبرا : الكافيهات والتمشيه فيها رائعه
10- المشي على السين حلوة
هذا اللي اتذكرته هلحين ان شاء الله لو اتذكرت اماكن زياده راح ارجع واحطها
ولو دورت شوي بالقسم راح تلقى معلومات اكثر
ان شاء الله اكون افدتك اخوي
تفبل مروري
دانه

همس المشاعر + دانه
يخليكم ربي على المرور والإفاده
وأطمع بعد من اهل الخبره يفيدونني اكثر بالتفاصيل

ممكن تطلعون بلجيكا يوم واحد وترجعون بنفس اليوم كلها ساعه و ثلث بالقطار
واسمككم رحتو بلدين واشترو شوكليت بلجيكي من هناك على كيفكم

دام اسبوع عسل
لازم تاخذ بالحسبان ان شهر العسل من اروع ايام الحياة الزوجية ويبقى بالذكرى مدى العمر والله يتمم عليكم يارب ويسخركم لبعض
طبعا البنت اكيد انت ماتعرف مزاجها ولا مودها فالبداية ومن اول يوم توصلون كنت تعبان او مو تعبان لازم اسلوب الحوار يكون دائم بينكم اسألها تحسين بتعب ولا ودك ناخذ فرة في باريس
وعلى جوابها تمشي انا ما اقول تمشي رايها عليك بس لازم تحط في بالك ان البنت اول مرة تطلع من بيت اهلها وفي ديرة غربه وتبي احد معاها يداريها ويشوف هي اشتبي والي يريحها يعني الله يعينك دلعها باسلوب حلوة
اذا وافقت على الطلعة ( طبعا اغلب الي يرحون شهر العسل يسكنون بالشانز )
اخذ لك لفة بالباص الاحمر والمسار الي يبدا بالشانز افضل مسار والتذكرة لمدة 3 ايام ب24 يورو=120 ريال للشخص
ويستمر تقريبا ساعتين وربع عشان تاخذون فكرة مبدئية عن المعالم وتقررون اليوم الثاني وين ترحون
Champs-Elysees الشانزليزيه
Arc de Triomphe قوس النصر
Concorde كونكورد
Madeleine مادلين
Opera الأوبرا
Louvre Museum متحف اللوفر
Cite, Saint Louis الاستشهاد ، وسانت لويس
Notre-Dame نوتردام
Seine River نهر السين
Orsay Museum Orsay متحف
Invalides
Eiffel Tower برج ايفل
Trocadero
وارجع من حيث بديت وتعشى في مطعم رايق مثل الفوكيت او حتى العجمي عشا بالعجمي لشخصين عبارة عن حمص وتبولة ومتبل وصحنين مشوي و2 بيبسي ب 110 يورو=550 ريال
الفوكيت الافرج بين 70 الى 100 يورو على حسب عدد الطلبات
بعدها تمشى لحد ساحة الكونكورد وانت راجع مر هاجن داز واخذ لك

بصراحه مادري بكم لان ناخذ اشكال كثيرة بس هذا احلاهم
وخلصنا من اليوم الاول اشرايك اكمل باقي الاسبوع ولا تحس زحمة

مرحبا اختي ام سيف
اشكرك والله لا يهينك علا مساعدتك
وكملي جميلك لا هنتي لباقي الإسبوع

1. نجي لصباح اليوم الثاني راح تفطرون بالفندق ان شاء الله

عاشق منو http://artravelers.com/c/272964" target="_blank">

هلا اخوي راح اكمل يوم بيومه عشان نشوف معا بعض متى ماصار التقرير فيه ضغط على طول نخفف منه ونخليه باليوم الي بعده

نجي لصباح اليوم الثاني راح تفطرون بالفندق ان شاء الله

وراح تكونون حاطين في بالكم مشوار لمعلم من المعالم الي شفتوها او اشرايك تركب الباص الاحمر وتنزل عند ساحة مادلين او عند الغلاري لافيات وتركب الباص الي بعده عشان يوديك عند هضبة مونمارت اسمها بالانجليزي Sacré Cœur
شوفها بالمخطط للباص

وهذا مسار الباص
وتستمر ساعه وربع طبعا فيه نقطة التقاء تقد تبدل الباصات عشان تلف اكبر قدر ممكن في باريس
Department stores المتاجر
(Printemps, Galeries Lafayette) (Printemps ، لافاييت Galeries)
Saint-Lazare Train Station سان لازار محطة قطار
The Moulin Rouge cabaret مولان روج كاباريه
Sacre-Coeur Basilica Sacré - Cœur كاتدرائية
Place du Tertre مكان دو Tertre
Gare du Nord (Train Station) غاري دو نور (محطة القطار)
Gare de l’Est (Train Station) غاري دي l' مؤسسة (محطة القطار)
Republique الجمهورية
Saint-Martin Canal سانت مارتن القناة
Hotel du Nord فندق دو نور
Grevin Museum (wax museum) Grevin متحف (متحف الشمع)
Opera Garnier أوبرا غارنييه
Cafe de la Paix مقهى دي والسلام
Place Vendome مكان Vendome
Place de la Madeleine ساحة مادلين
طيب نسيت اذكر لك ان قطع تذاكر الباص الاحمر من عند السواق نفسه واذا خذتها ل3 ايام لازم تحتفظ بالفاتورة عشان توريها السواق كل مرة تركب فيها الباص
طيب الحين انتو وصلتو لاعلى منطقة في باريس تقدر تشوف باريس منها

طيب كيف الصعود الى اعلى اما تسون رياضة وتركبون هالعشرالاف ادرجة :)
او تاخذون المصعد بالجهة الثانية
وتركبون وتصورون باريس من فوق
وتتفرجون عليها

بعدها تنزل وراح يكون حولينك حي الرسامين اذا بخاطركم تتقهون او انكم تركبون باصكم مرة ثانية
وتكمل مشوارك وخله يرجعك لمحطة ماندلين وبدل الباص وارجع على الشانز
او انك تكمل بالباص مال الشانز لين Invalides وتبدل الباص وتركب الباص الثالث الي يفرجك على معالم غير
( طبعا كله هذا بال 120 ريال الي دفعتها امس ) :)

وهذا مسارة
Pantheon البانتيون
Luxembourg Gardens حدائق لوكسمبورج
Sorbonne University جامعة السوربون
Paris Observatory مرصد باريس
Rue Daguerre شارع Daguerre
The Catacombs فإن سراديب الموتى
Fondation Cartier for Contemporary Art مؤسسة كارتييه للفن المعاصر
Montparnasse Tower برج Montparnasse
Invalides
Maillol Museum متحف Maillol
Saint Germain-des-Pres سان جرمان - ديس - عرض
Cluny National Museum Cluny المتحف الوطني
او انك ما تنزل من Invalides وتكمل لين سانت لويس وتبدل على المسار الرابع

Cite, Saint-Louis أذكر ، في سانت لويس
Flower Market سوق الزهور
Hotel de Ville فندق دي فيل
Arab World Institute معهد العالم العربي
Opera Bastille أوبرا الباستيل
Lyon Station محطة ليون
Jardin des Plantes Jardín ديس Plantes
Nature History Museum الطبيعة ومتحف التاريخ
Austerlitz Station محطة Austerlitz
Francois Mitterand National Library فرنسوا ميتران والمكتبة الوطنية
Bercy Parc بارك بيرسي
Bercy Omnisport بيرسي Omnisport
Cour Saint-Emillion محكمة سان Emillion
Le Marais لو ماريه
Picasso Museum متحف بيكاسو
Place des Vosges قصر Vosges
Pompidou Center – Museum of Modern Art مركز بومبيدو -- متحف الفن الحديث
يعني الحين عندك 3 خيارات اما انك بعد المنمارت والرسامين ترجع الى الشانز والفندق وتريح لحد قريب المغرب او انك تكمل مشوارك بالباص الاحمر وتختار احد المسارين
او انك بدل ماتروح الشانز تروح لحد برج ايفل وتركب للطابق الثالث ب12 يورو واذا نزلت تاخذ رحلة بحرية اذا تبيها معا عشا ب95 يورو = 450 تقريبا للشخص او ب11 يورو بس ياخذ فيك لفه وافضل برج ايفل ورحلة بنهر السين تكون على المغربية


او تعكسها رحلة بحرية بعدها برج ايفل
وعلى اساسه اما انك تتعشى بالرحلة البحرية او انك تروح احد مطاعم الشانز مثل المطعم الهندي او مطعم نورا
بشر عسى مو اليوم فيه زحمة :)
على فكرة الناس تختلف في شهر العسل
ناس ماتجلس بالفندق ولا دقيقة كله افرارة وادوارة
وناس تجلس باليومين متشاهدين ما يطلعون وناستهم بجمعتهم معا بعض
وناس نص ونص
وناس ينامون بالنهار ويطلعون بالليل وياكثر مايفوت العرسان هالفطور الي الصبح
والله يوفقك يارب ويكتب لك الي فيه خير وانتبه على نفسك ومرتك تراها امانه برقبتك واكثر من الاذكار واستودعو نفسكم الله
واي شي تبي تحذفه من البرنامج قولي احطة لك اليوم الثالث

ماشاء الله عليك يأم سيف جزاك الله ألف خير
داخله عرض سامحوني
بس عندي سؤال بعد أذن صاحب الموضوع
حسيت أنك سمحتلي شكرا
بما انك طريت يأم سيف هضبة مونمارت فهل الصعود اليها برسوم ؟ واذاكان كذلك بكم ؟
وشكرا