- صباح/مساء الخير
- قال: اركب اركب بس
- قلت: طيب شيل الشنطة !
- الموظف: طيب كلامك صحيح بس الرحلة هذي تروح على استراليا قبل نيوزلندا
بسم الله الرحمن الرحيم
السلام عليكم ورحمة الله وبركاتة
صباح/مساء الخير
أولاً اشكر كل من دعالي في هذه الرحلة وجعلها الله في ميزان حسناتكم وبصراحة سارت احداث في هذه الرحلة الغريبة واود ان اشرح لكم الرحلة من الألف إلى الياء:
اولاً خط السير (الدمام-البحرين-دبي-أوكلاند) الرحلة من الدمام الساعة الحادية عشر مساءً ليوم السبت إلى البحرين - ومن البحرين الساعة الثالثة وخمسون دقيقة صباحاُ ليوم الأحد إلى دبي - ومن دبي الساعة العاشرة صباحاً ليوم الأحد إلى أوكلاند
طبعا انا أعمل في منطقة الدمام وقلت لمكتب الحجز أبي اروح عن طريق البحرين!(ويعطوني بطاقة مواقف السيارات المجانية) يعني كلم الخطوط وعلمهم إني بسافر من البحرين (لأني لو حجزت من البحرين على أوكلاند التذكرة تكون أغلى)فسبحان الله أزيد خط سير وتتخفظ سعر التذكرة!!! المهم
الساعة الثانية عشرة صباحا من يوم الأحد إتصلت على الوالدة المتواجدة في منطقة مكة المكرمة أدامها الله للإسلام والمسلمين وودعتها والدعوات تتلو بعض والوصايا بالصلاة فقط وعدم إهمالها, واتصلت على الاشقاء اخواني واحدأً تلو الآخر ولكن كلهم مقفلين إتصالاتهم! شكلهم محزنين عليه ولا يبوني اروح ! وكان الاصدقاء عندي في المنزل ودعتهم وبعد ماخلصت منهم كل شوي واحد يتصل فيني ويقول شوف لي الوضع يمكن الحقك ههه المهم..
ركبت سيارتي الموقره متجهاً إلى البحرين وتوقعت إني متأخر! ومسرع أبي الحق الرحلة! وصلت (جسر المحبة) وفتشوني تفتيش ما قد حصل غريبة والله مع العلم دائماً اسافر عن طريق البحرين ولا آخذ في التفتيش عشر دقايق!! بس المرة هذي حتى سألوني عن ماركة سيارتي الموقرة وهي قدامهم!! المهم..
انهيت إجراءات التفتيش ودخلت مملكة البحرين وأول مرة اطالع البحرين بنص عين ماهي مالية عيني(أبروح أوكلاند!!)ههه
والإشارات أوقف عندها يوم تنور بالأصفر والعادة تلقاني مسرع واقطعها احيانا وهي حمراء (برستيج اليوم!!)... المهم
رحت المطار ووقفت السيارة في المواقف وأقول لهم انتبهو للسيارة من الشمس!! مع العلم المواقف كلها بدون مظلات!!
وانتظرت الباص ويوم وصل قلت للسائق الهندي: ليش تتأخر؟********مسوي مسؤول ههه
قال: اركب اركب بس
قلت: طيب شيل الشنطة !
ركبت الباص ورحت المطار الدولي بالبحرين الساعة في ذلك الوقت كانت تشير إلى الثالثة صباحاً ! يعني باقي على الرحلة 50 دقيقة!! بصراحة كنت متخوف قلت الرحلة راحت عليه ودخلت الصالة وأنا مسرع وأسحب حقائبي الثلاثة خلفي ولا أنظر لأحد ويقابلوني الموظفين وانا مسرع قالوا امسكوة هذا شكلة يبي يفجر المطار أفا !!! الحين انا ابي اسافر وإلا افجر؟
ويمسكوني ويفتشوني تفتيش! تفتيش! ما حصل!
ماخلصو مني إلا وباقي على الرحلة 30 دقيقة وإللي خوفهم زيادة انهم شايفيني ابغى الرحلة هذي لا محالة وكل ماقالو وين بتروح أقول ابغى طيران الإمارات ********(قبل شوي مسؤول والحين بيترجاهم) ههه المهم...
انهيت إجراءات التفتيش ورحت لموظف المطار علشان انتهي من كل شي وأسافر (إذا كان هذا أولة ينعاف تالية) وصلت للموظف وجرى الحوار التالي:
الموظف: على وين ياخوي
البرستيج: نيوزلندا
الموظف: ممكن التذكرة والجواز
البرستيج: اكيد .. تفضل
الموظف: ايواه طيب وين الجواز القديم
البرستيج: ليه؟
الموظف: بس
البرستيج: انتهى وأتلف وهذا الجديد وش فيه؟
الموظف: يعني أول مرة تسافر على هذا الجواز؟
البرستيج: بإستغراب ايوه ايوه اول مرة اسافر به ليش؟
الموظف: بس حبيت اتأكد من المعلومات
البرستيج: اوكي
الموظف: وين الفيزا
البرستيج: حالة صمت!!!!!!!!!!!!!!
الموظف: الفيزا الفيزا وينها
البرستيج بيسير حزين: مافي فيزا !!!
الموظف: ليش لازم يكون معاك فيزا
البرستيج سار حزين: ياخوي الرحلة ما باقي عليها إلا 20دقيقة وانت تقول الفيزا؟ أوكي أوكي حبيبي اللي أعرفه إن السعودي المسافر على نيوزلندا لمدة شهرين أو ثلاثة مايحتاج فيزا!!
الموظف: طيب كلامك صحيح بس الرحلة هذي تروح على استراليا قبل نيوزلندا
الحزين: اها يعني صاحب المكتب على قول البدو (يحوق في مزرعة مافيها علف) مايدري عن شي وانا ادفع الظريبه هذي؟ حبيبي انا حاجر ترانزيت من دبي على أوكلاند وسألت المكتب قبل كل شي إذا مافيها فيزا احجز لي وإذا عليها فيزا لاتحجز وشوف لي طيران غيره وتأكد لي المكتب وقال مسجل عندنا إن الرحلة من دبي _ أوكلاند (مباشر يعني)
الموظف: حالة ذهول وإستغراب وشكله توقع إني اعرف عن مستجدات لم يسمع بها!! وراح ونادى السوبر فايزر وجاء اخونا في الله الهندي المكشخ البرستيج وقام يرطن عليه بكلام ما أدري والله وش يقول (أجل انا ليش رايح نيوزلندا؟)بس فهمت من قصده عن الرحلة إنها تروح استراليا قبل أوكلاند ولازم فيزا وانا اسويي فاهم وفي الاخير قلت للموظف وش يقول؟ عرف السوبر فايزر إني ما اعرف انجليزي وقام يتحدث مع الموظف والثاني يترجم لي >>>لزقة ههه
وباقي على الرحلة 15 دقيقة !!!
وأكمل القصة الغريبة قريبا إنشاء الله.......
اهم شى لا تنسى دينك وصلاتك وعداتك وتقاليدك واهم شى انبسط قد ما تقدر وحط في بالك انها حتكون احلى شى عملته في حياتك....