جربت الثنتين ... القطرية افضل من الاماراتيه بمراحل وعلى جميع الاصعدة ... لاحظ كلامنا على الاماراتيه وليس الاتحاد

بصراحه من أجمل الخطوط الى الفلبيين راحه وفخامه بس عيبها الاستوب اوفر لمدة 15 ساعه . بس لاتنسى تأخذ الكوبون الخاص بالفندق (فري) .
وعلى العموم ان رحلتي يوم 04/03/2009 على الاماراتية اليوم الى بعدك جدة - مانيلا - جدة

السلام عليكم ورحمة الله وبركاتة
ذا نت شكرا لك ع الرد والمتابعه ومبين من كلامك ان الاتحاد طيران ممتاز ولكن يعيبه ترانزيته الطويل
جوردعن شكرا لك ع الرد والمتابعه شنو الكوبون الخاص بالفندق ونا اطب مانيلا ساعتين واطير طيران داخلي الي سيبو
بالنسبه لطيران القطريه صراحه انا ما حيبته لاني في عودتي من سيبو الي الدوحه عشر ساعات بدون تلفزيون ولا خدمات وضيقه الطياره بعكس الذهاب الي سيبو
وقلت بجرب الاماراتيه
وتقبلو تحيتي

ممكن اسال ياشباب
عن الفرق بين الخطوط الاماراتيه والاتحاد
1 -- من ناحية الخدمه والراحه
2 -- ومن ناحية قيمة التذكره
من الرياض الى الفلبين ؟؟

الاتحاد طيران جديد وخدماته ممتازة وخاصه خط مانيلا وانا حاصل على البطاقة العضويه الذهبيه فيه
واذا تبي شور التجربه في خط مانيلا بعد الاتحاد القطريه هذا اذا سياحيه فا كيف درجة رجال الاعمال خياليه جداً وخاصة الاتحاد طبعاً الترنزييت من الرياض قليل اعتقد لكن الاماراتيه من الدمام او البحرين ممكن فوق 9 ساعات

السلام عليكم ,,
اخوي تيامو حجزت الطيران الداخلي من الكويت اهني ولا لما تروح هناك تحجز انا نفسك حجزت على التايلنديه لكن تنزلني بمانيلا وانا اول مره اروح دورت اهني بالكويت قالوا مانحجز لك الداخلي من مانيلا الى سيبو .. لما انزل بمانيلا احصل طيران يطير بوقت قصير ولا راح اطول بمانيلا وبجم تحجزها من المطار التذكره الى سيبو ؟

الكوبون الخاص بالفندق يعني اذا نزلت stopover في دبي تنزل على طول في الفندق الخاص بخطوط الامارات ....وقدر تستخدمه في المطعم الخاص فيهم :8888:يعني ببلاش:bounce8:

انا حاجز عالاماراتية لمانيلا ب174 دينار لاني جربت القطرية ورحت فيها لسيبو وعقبها حرمت! لاسباب عدة
1-مطار الدوحة لازم تنزل باص للمطار لان المطار مؤقت وقاعدين يسوون مطار جديد
2-الطيارة اللي كانت رايحة لسيبو قديمة ومافيها تلفزيون ترفيهي واغلب الطيارات اللي رايحة شرق اسيا ايرباص 300 القديمة اللي كأنها وانيت ددسن
3-سعرها المكلف جدا حتى مع نزول اسعار النفط ورخص البنزين يعني الاماراتية والاتحاد واغلب شركات الطيران خفضوا اسعار التذاكر ماعدا القطرية اللي تغرد خارج السرب
انا اخترت الاماراتية لاني سافرت لبانكوك عن طريقها واستمتعت بالخدمة والله كأني قاعد في فندق 5 نجوم مع اني حاجز درجة سياحية
يكفي انها طيارة بوينج 777-300ER الحديثة واللي فيها جميع انواع الراحة والترفيه + اني رايح مانيلا عشان اصدق اوراقي بالسفارة والخارجية مرة وحده
الترانزيت ساعتين فقط في مطار دبي
الطيران الداخلي لسيبو عبر cebu pacific لا يتعدى 15 دينار للوجهة الواحدة

السلام عليكم ورحمة الله وبركاتة
شكرا لكم ع الرد والمتابعه
طلال انا حجزت عن طريق سفريات رمسيس الي بالفروانيه بجانب المطافي حجزت ع الاماراتيه 180 دينار ومن مانيلا الي سيبو طيران داخي احجزو لي ب 50 دينار واهي هناك تقريبا 30 فاحجز من اهني احسن
وتقبلو تحيني