1. 3. للسياحة.


2. ادري انكم مليتوا وودكم بالزبدة لاني طولت عليكم


3. تصدقون الى الآن لم ناكل شيء والفول عامل شغل غير طبيعي


4. انتظروا تكملة القرير والمفاجآت بالطريق

السلام عليكم ورحمة الله وبركاته
نبدا التقرير بدواعي السفر:
1. لعلاج الاسنان.
2. للاستقدام.

3. للسياحة.

واشكر كل من ساعدني بالمعلومات قبل سفري وبدون ذكر معرفات فانتم فعلا تستحقون الشكر من القلب
في البداية كنت مخطط على السفرة لوحدي لاكن الاقدار اتى صديقي مامادو لانه شبه مامادو الي في بيني وبينك امرك زعيمتي... وقلت له انني مسافر وهذي التذكرة قصيتها وخلصت ورايح رايح باذن الله وكنت قاص تذكرة على الخطوط السعودية درجة اولى ومدة الرحلة 18 يوم . قعد مامادو يناظرني ويفكر قلت وش فيك قال ودي اخاويك قلت انا امنيتي انك تخاويني تكفى امش معي لان الطلعة صراحة بتكون انواع الضحك لانة انسان بصراحة يعجز اللسان عن الوصف كومدي لابعد الحدود وبارجع بعدين لمواقفة الطريفة,معي ومع اخونا العاطل ودرويش.
المهم قال ابي اروح معك لاكن بشرط قلت اشرط وآمر تم تم تم قال نبي نقعد شهر قلت له يا خوي واجد قال كانك تبيني اروح معك خل الرحلة شهر قلت تم .
رحت للمكتب وقصينا له تذكرة درجة اولى على الخطوط السعودية بمبلغ 4700 ريال ذهاب اوكي والعودة انتضار وحاولنا ناكدها لاكن اتضح ان الطيارة مافيها درجة اولى واضطرينا نغير الخطوط ونرجع التذاكر وخلينا الرحلة 28 يوم كاملة على طيران الخليج بمبلغ 2760 ريال.
كل يوم وانا اعد كم بقى من يوم وكم ساعة لين جاء موعد الرحلة جاني مامادو ليلة السفرة وهو مشخص بالجنز والحركات الشبابية قلت هذي من اولها وكان الاقلاع الساعة 12 ظهرا وقالي ابي انوم عندك قلت حياك الله تفضل وجت الساعة 7 صباحاً وانا لم اذوق طم النوم وكنت اراسل الشباب في المنتدو واشتكي من عدم النوم اما مامادو ما شاء الله عليه دعسها لين صرت اسمع صوت المكينة
جت الساعة 7 الصباح وقومتة من النوم وصلحتله كوب كفي عشان يصحصح وقالي طلبتك قلت وش تبي قال ودي آكل فول قلت له نعم!! قال ودي اضرب من الفول عشان ما اشتهيه هناك قلت والله الحرمة عند اهلها والخدامة معها وانا ما اعرف اصلح تبي تطبخ ولا اجيب من اي بوفية قال لا انا باصلح قلت يالله المطبخ عندك وقام يحط ويزين ذا الفول الي يكفي 15 نفر قلت خير ناوي تاخذة توزعة بالطيارة رحت انا المخبز وجبت خبز ودقينا دق تصدقون وصلنا للفلبين والفول كانة خلطة اسمنت في بطني ههه
جت الساعة 8.30 قلت للسواق يالله مشينا ورحنا للمطار وصلنا في حدود الساعة 9.30 بعد مامرينا كم مشوار على الطاير

ادري انكم مليتوا وودكم بالزبدة لاني طولت عليكم

المهم اقلعنا الساعة 12.20 ظهرا والوجهة البحرين وجلسنا في مطار البحرين من الساعة 1.30 الى الساعة 6.30 مساءً انواع التمشي في الاسواق لين ملينا ورحنا في المطعم الي في الدور الثاني وقعدنا لين جت الرحلة واقلعنا للوردة وكلي وله وشوق لان اراها مع العلم اني قد زرتها سابقا ولاكن لم اجلس فيها الى 12 ساعة فقط اعذروني مافيه صور من المطار لاني شاحن الكاميرا في العفش
وصلنا للمطار الساعة 11 صباحاً ومامادو يالله يمشي وانا اركض ركض ابي اوصل للجوازات قبل الزحمة ومشتاق لاكتشاف الوردة المهم وصلت وخذت سرى ويوم جى الدور الا ومامادو توه يوصل ختمنا ودخلنا
اخذنا عفشنا ورحنا للصرافات الى عند باب الخروج وصرفنا 1000 دولار ب 46000 بيسو وخرجنا من المطار

ورحنا لتكاسي المطار اخذنا تكسي وقلناله اكسفورد سويت مكاتي بالعداد 230 بيسو

واتصلت على ديبي قالت انا انتظركم في الفندق وصلنا الفندق الا وديبي في الانتظار وعطتنا الغرفة ديلوكس ب3200 بيسو
هذا انا وديبي في الاسقبال بفندف اكسفورد ومامادو قاعد يصور ديبي ههه

وهنا اول يوم نومة عن الف نومة ولاكن لمدة 3 ساعات فقط وقمت شبعان نوم

رحت لغرفة مامادو ما حصلته نزلت تحت واحصلة مطلعين له كرسي وطاولة على الشارع وجالس ابو الشباب يتقهوى شاهي

تصدقون الى الآن لم ناكل شيء والفول عامل شغل غير طبيعي

انتظروا تكملة القرير والمفاجآت بالطريق

لمن يحاربني انا ليس بخبير بالفلبن وهذه اول سفره لي هناك ولاكن اقدم ما استطيع تقديمة من معلومات بحثت عنها سابقا ولم اجدها وان كنت انت خبير في الفلبين لماذا لم تكتب عنها سابقا لتفيد غيرك يا اناني .. لماذا لم تكتب الا عندما بدات نار الغيرة تشتعل في قلبك من ما قدمته انا
انا لن اتوقف وساواصل ولن يصدني 100 من امثالك