نايف
21-08-2022 - 10:29 pm
مرحبا ياحلوين
قبل رمضان باسبوع رحت ودخلته ولقيت فيه سعوديين استقبلوني برحابة صدر قالولي للأسف اخوي الفندق لسه مافتح لكن بإمكانك تتفرج عليه ... قلت : اوكي
الفندق يتكون من ثلاث طوابق بالاضافه للدور الارضي
رحت وشفت سويت بالدور الارضي خيالي ... والله تحس كأنك داخل سفينه حقيقيه .. مدري وشلون .. احساس يجيك انك داخل سفينه سبحان الله ... المهم قلتله متى يفتح ان شاء الله ..
قالي : بعد رمضان مباشرة بإذن الله
قلت كيف الاسعار؟
قال : عاديه تترواح مابين 600 الى 7000 على حسب عدد الغرف الداخليه ...
ويقول برضه فيه قسم للعزاب فقط .. اعتقد انه بالدور الثالث ..
لكن الغرف خياليه ...
حسافه كان ودي اصوره بس انه رفض ....
لكن لايفوتكم الفندق على شكل سفينة التايتانك ... رهيب جدا وملفت للنظر ...
هذا اللي قدرت آخذه من معلومات
الفندق يقع بجوار مركز غرناطه للتسوق ( الجهه الشماليه) ... اللي بمخرج تسعه
جمبه بالضبط
تحياتي
الصراحه ابداع وتصميم جديد غير تقليدي