السلام عليكم جميعا
انا عضوة جديده و هذي اول مشاركه
ما ابغا اقص قصة حياتي بس مره محتاجة لمساعدتكم لان ما عندي اي فكره عن تركيا
و سألت عنها اللي حولي محد افادني
و السفره هذي مهمة لنا لان لنا سنين ما سافرنا و كل سنه يحصل ظرف
و بعد عناء يالله يالله اتفقنا انا و زوجي اننا نسافر سفره توديعيه و اخترنا تركيا عشان
بعدها بنجمع ان شاء الله عشان نشتري بيت يعني ما فيه سفر لعقود من الزمان
يعني من قلوبنا نتمنى ننبسط فيها
و حاولت ابحث بالنت بس عندي مشكلة فيه و ما يشبك و صرت ادخل من عند الجيران و لا احد
من الاهل
يعني مقدر اطول و مدري عن ظروفهم ..
لذلك :
الله يسعدكم .. تكفون ساعدوني لان الحجز مدفوع من زمان
و هو عباره عن رحلة من الرياض -اسطنبول - الرياض من 8 يوليو الى 19 يوليو
و طلبت من زوجي ينظم لنا السفره (لان اخر مره رحنا ماليزيا وعطى حق مكتب
السياحه و قال له صلح كل شي)
و طبعا صار فيه اشياء تقهر مره حسبي الله عليهم
فطلبت منه اننا حنا نرتب السفر و الحين قال لي ردي لي باسرع وقت !
اللي احتاجه منكم الله يسعدكم هو الاجابه ع الاسئلة التاليه و سامحوني كثرت
بس محتاجه افاده و الله و انتم ما شاء الله ما تقصرون الله يسعدكم والله كلمه يقولها
الواحد تفك ازمة الله يجعل بكل حرف تكتبونه قصر في الجنه يا حي يا قيوم:
1- وش رايكم بهذا الجدول (جابه زوجي من مكتب سياحه):
8 +9 >> فندق كونراد اسطنبول
0+ 11 + 12 >> فندق شيراتون انطاليا
3+ 14 + 15 >> فندق الميرا بورصه
6+ 17 >> فندق اليقانت يالوفا
8>> فندق كونراد اسطنبول2- انا سمعت عن بورصه و يلوا بس ما لقيتها بالخريطه - اقصد يلوا -
و فجأه قلت لا يكون يلوا هي يالوفا ؟؟ لان مره قريت احد يمدح فندق اليقانس بيلوا
فقلت يمكن ان اسم الفندق اللي قال زوجي اسمه اليقانس مب اليقانت و ان اسم المدينه
يالوفا بالعربي يلوا صح او خطا؟؟3- وشلون نتنقل بين هذي المدن ؟؟ ساعدوني
بالخريطه شفت ان اسطنبول - يالوفا - بورصه >> قريبات من بعض صح او لا؟؟
كيف اتنقل بينهم ؟؟
و انطاليا شفتها بعيده بالخريطه كيف اروح لها ؟؟
يقول زوجي المكتب قال انه تحجزون رحله داخليه بس تكلف الفين ريال
و قال احجزوا من هناك ارخص لكم بس انا مره خايفه نتوهق و ما احب نكون رايحين
بدون ما نجهز انفسنا من بدري وش رايكم ؟؟؟4- وش الاماكن اللي اروح لها ؟؟ ترا والله ما عندي سالفه انرحم
يعني بس عددوها لي الله يخليكم و علموني بس كيف اروح لها
بتاكسي ولا قارب ولا جمل :36_6_5:
انا سمعت انه فيه مسجد حلو مدري وش اسمه - شي اسمه جزيرة الاميرات - كنيسة اياصوفيا
بس مدري وينهم فيه؟؟؟5- كيف الوضع بالنسبه للعبايه؟ لاني بروح بعبايتي السوداء و غطاي هل بيكون فيه مضايقات؟
و هل فيه اماكن طبيعة تكون فاضيه يعني نتمشى فيها انا وزوجي و ممكن ناخذ راحتنا
(اقصد اكشف غطاي و ناكل براحتنا)6- وش العمله اللي ناخذ معنا ؟؟ يورو - و لا دولارات - و لا الليرة التركيه ؟؟7- كم ممكن يكفينا مصروف جيب- اكل- تنقلات ؟؟
سامحوني اطلت و ثقلت بس شرحت لكم ظروفي و مشكلتي مع النت
لدرجة الحين اضطريت شريت شريحة موبايلي امشي حالي فيها للنت
الله يجزاكم خير ساعدوني و الله لادعي من قلبي للي بيساعدني:
الله يوفقك و يجعلك بالفردوس الاعلى
ربي ينعم عليك و يفتح لك ابواب الرزق و الرحمه بالدنيا و الاخره
الله يسهل لك امورك كلها و يسخر لك عباده
الله يكفيك شر من فيه شر و لا يوريك مكروه باي انسان غالي عليك..
الله يجعل مساعدتك في ميزان حسناتك و تكون صدقه جاريه لك و سبب بدفع البلاء عنك و من تحب
انتظركم .. لا تتاخرون الله يعافيكم