السلام عليكم ورحمة الله وبركاته
أنا عضوه يديده .. اطل عليكم من دار بو خليفه الله يرحمه
ارجوا ان اكون خفيفه الظل على قلوبكم
واحب اشكر القائمين على هذا المنتدى الروعه
واتمنى القى المساعده من خواتي واخواني
ان شاالله انا مسافره مع 3 من اخواني شهر 8 ورحلتنا بتكون
الامارات >> المانيا (9 ليالي) >> فرنسا (ليلتين لان رايحينها من قبل) >> لندن (9 ليالي) >> الامارات
من فتره وانا ارتب هالسفره وعندي اسئله ياريت القى اجوبتها عندكم .. اذا ماعليكم امر
في المانيا بعدنا مانعرف وين بنسكن .. بعدنا اندور حجز .. وحابين نتنقل بالقطار.
الأسئله هي:
(1) شو هو الافضل نحجز في ميونخ واذا زرنا مناطق ثانيه ناخذ اغراض لمدة الحجز في هذيك المنطقه ونرجع ميونخ؟؟ او نلغي الحجز في ميونخ وننتقل للمناطق اللي نبغا انروحها؟
(2) خبروني كيف اقضي ال 9 ليالي هناك .. يعني مثلا كم يوم اقعد في ميونخ .. وشو المناطق الثانيه اللي تستحق اني اروحها؟؟
(3) بعد المانيا بنروح باريس كيف تنصحوني اروحها .. بالطياره/بالقطار/بالسياره؟؟ واذا ممكن اتقولولي المده بكل طريقه ومن اي مدينه نطلعلها؟
في فرنسا انشاالله بنسكن في Balzac Hotel وانا رايحه فرنسا قبل بس قعدنا في باريس ورحنا دزني .. وبما انه رايحين ليلتين..
(4) اي منطقه حلوه نقدر انروحا في نفس اليوم ونرجع؟
(5) حابين ناخذ القطار اللي يمر تحت البحر يطلع من فرنسا الى لندن .. حد يعرف عنه اي معلومات؟؟ من وين احجزله؟ وبكم؟
ومشكورين وايد على ردودكم مقدماً
تقبلوا تحياتي
اختكم
أموسه