- بداية القصة
لكل اعضاء منتدة المسافرون العرب .....تحية شكر كبيرة لكل جهودكم الرائعة والعظيمة.....واللي مهما قلت ما افوفي ولو جزء من معروفكم ....موضوعي الاول هنا دين علي ....
اولا اوجه لجميع اعضاء المنتدى باقة دعوات صادقة من قلبي لكم ...:smile001:
بان ربي يوفقكم ويسعدكم في كل حياتكم وبالدنيا والاخره....وهي دعوة لكل واحد فيكم كتب موضوع هنا فادني وساعدني يرحلتي الى باريس ... رحلة الوعد اللي صار حقيقة ...
بداية القصة
((كان يا مكان قبل كم سنة((مو من زمان لا تفكروني عجوز خ))... ابو العيال((ترا عندي بنت وحده بس:36_1_24) المهم .....
وعدني برحلة الى فرنسا في الصيف ,,,, بس سبحان الله يصير ظرف وما نروح او مايكون عنده اجازة مناسبة ....المهم قبل 4 اشهر....ذكرته بسالفة السفر وقلت خلاص هذي السنة بإذن الله نروح يعيني نروح وتتيسر الأمور ....قال :خير ان شاء الله .....
وانا اقول في نفسي اذا ما رحت هي السنة؟؟؟شكلي خلاص ما راح نروح ابدا...
قبل شهر قالي ابو العيال :يله روحوا صوروا ؟؟؟قلت ليش؟؟ قال ؟؟عشان نسوي فيزا لفرنسا
انا عاد طايرة من الفرح ومستانسة :11ughboun
رحت وصورنا وقدمنا الفيزا ....وقال لنا الرجال اللي زوجي مكلفة بتخليص المعاملات انها في يومين او ثلاثة بالكثير بتخلص الفيزا
قلنا تمام عاد ابو العيال حاجز ثاني اسبوع من شهر 5 نروح لمدة اسبوع وحجزنا الفندق ...وكل شئ
وانا من ذاك الوقت وانا ادور هنا في المنتدى:623: اقلب كل المواضيع.... ونسخت اوراق ...ودرست خرايط المترو ...والاماكن السياحة وما خليت شئ ...جزاكم الله كل خير..ما تتصوروا شو استفدت منكم والله :x1:
وحتى دورت في جوجل الاماكن والمسافات والفتدق وكل شئ تكلمتوا عنه... كنت اشوفه في جوجل ايرث
وحتى كتاب تعلم اللغة الفرنسية اشتؤيته اتعلم بعض المفردات البسيطة ....هذا كله من زود الحماس:102:
قرب وقت السفر والفيزا ما طلعت :36_1_10: والحالة النفسية صارت مرة داون ....
حتى هنا بوقف واكمل لكم بعدين... اذا تسمحولي .... عندنا ناس جايين على العشاء وبروح اطبخ معكرونة بالبشاميل اذا تحبون تفضلوا عندنا :36_13_5:
الحل الاسلم مثل مااصاار معي العام .. تاخير السفر كمن يووم .. وانتهت المشكله ..