حياك الله و الله ايسر امورك ان شاءالله ... بس أي واشنطن تقصد لأنه فيه 2 .... العاصمه واشنطن دي سي و اكو واشنطن الولايه ...

شوف أخوي لو تقصد واشنطن دي سي طبعا هي مستقطعه من فيرجينيا وكولمبيا وميرلند والأقرب لها فيرجينيا فما راح تحس انك تنتقل بين مكانين كانهم مكان واحد وانا بدلك على أماكن هنا وأماكن هنا
في واشنطن دي سي طبعا فيه الأم ستريت شراع تسوق ومطاعم او تسمى المنطقه جورج تاون وفي أخر المنطقه في الهاربر على البحر فيه جلسات حلوه ورايقه طبعا أفضل شي يوم السبت لكن لو ما عندك وقت بكل وقت حلو وتطلع منه رحلات بحريه لمده ساعتين تفرجك على واشنطن وتوقف في أولد ألكساندريا ممكن تنزل وتتفرج على الأماكن برضو مطاعم وجلسات ع البحر حلوه وبعدها يرجعك
اما في فيرجينيا فيه في منطقه مكلين مجمع تجاري وهو أشهر مجمع تجاري بالمنطقه وهو التايسون فيه سينما ومطاعم ومحلات
برضو تقدر تروح منطقه ريستون فيه مكان فيه زي الجلسات ويوم السبت والأحد تجي فرقه ومطاعم وقهاوي عند فندق الحياه
هذا اللي في بالي الحين لكن لو تبغى تحدد اكثر ممكن نفيدك

https://artravelers.com/p/re/26628
وحصلت هالرابط اخوي ممكن تستفيد منه ما قصرت والله فيه بنت الصقور الله يعطيها ألف عافيه

بنت الصقور و aloleetaa
شكرا جزيلا لكما
واشنطن اللي أسأل عنها هي اللي فيها مطار دوليس ( عاد ما ادري هي العاصمة و لا الولاية )
و مشكورين again

flash1
نعم اخي الكريم ..
المدينة الي تسأل عنها هي Washington DC العاصمة في ولاية فيرجينيا
واسم المطار هو Washington Dulles International Airport
بالتوفيق

شكرا لك عزيزي Impact
بس اليو م موعد الفيزا و الكرت الأصفر
و للحين الموافقة ما وصلت للسفارة
الله كريم و عساه يقسم اللي فيه خير

يا جماعة الخير السالفة صارت صج
و الفيزا Ok

flash1
هالفتره الجو بارد شوي و متقلب ... هل ناوي تأجر سياره ؟

النية إن شاء الله أستأجر سيارة
و الحين فيزتي بجيبي