1. أبدا هذا التقرير أتمنى أن يحوز على رضاكم


2. أترككم مع الصور..........................

بسم الله الرحمن الرحيم
السلام عليكم ورحمة الله وبركاته
تحية طيبه لجميع أعضاء المنتدى الحلوين. ألف شكر لجميع الأعضاء وخصوصاً من سألوا واتصلوا علينا هاتفيا نقولهم ماقصرتو الله يعطيكم العافية ألف ألف شكر لكم .؟

أبدا هذا التقرير أتمنى أن يحوز على رضاكم

في الحقيقة أنا سافرة إلى إندونيسيا في الصيف الماضي واستغرقت رحلتي حوالي أسبوع فقط . وبعد عودتي إلى ارض الوطن فكرت في السفر إلى بلاد العمة مره ثانيه لأنني بصراحة .كأنني ما شفت أي شي وبغي اقضي أطول وقت ممكن حتى أتعرف على البلد اكثر واكثر لأنني حبيتها من أول نظره صار الموضوع غزل ولكن والله أنى فعلاً ارتحت لهذا البلد الرائع من جميع النواحي بلد والحمد لله آمن أسعاره معقولة أهله طيبين وفعلاًًًً مبتسمين دائماً والطبيعة روعه . علماً أننى زرت عدة دول ولكن ارتحت في هذا البد الجميل ...
المهم فكرت وقررت السفر إلى بلاد العمة للمرة الثانية ولكن دورت على خوي ما حصلت مره كل واحد يقول والله أنا ما سفر إلا في إجازة الصيف وبعد بحث وتمحيص حصلت خوي ونعم الخوي هو أخي العزيز (سومبونق
) ابو سلطان المهم اتفقنا على السفر إلى بلاد العمة سوى مثل مايقولون على الخير والشر وان شاء الله مافية شر مافية الآكل خير المهم حجزنا ولمينا أغراضنا وستعدينا لسفر في شهر فبراير الموافق 20 فبراير وسبقني صديقي أبو سلطان إلى بلاد العمة بحوالي عشرة أيام المهم بعدها لحقته المهم بعد وصولي استقبلني أبو سلطان في مطار سوهارتو جاكرتا وكان مجهز كل شي من أبدع مايو كون . والله ما قصر وصلت إلى بلاد العمة الساعة 1 بعد الظهر وعلى طول رحنا على الشقة وهي في جاكرتا اسمها شقق جواند على ما اعتقد وهي لا باس فيها وسعره تقريباً 400 آلف ربيه في اليوم أخذت لي دش محترم بعد عناء السفر الممل وكلكم عارفين الطفش في طائرة الخطوط السعودية كأنها نقل جماعي ما صدقت أنها توصل . المهم أبو سلطان مجهز ذاك التيس اللي على كيفك وتغدينا وتريحنا وقعدنا نسولف ونفكر وش نسوي بكره وين نروح ونسوي لنا برنامج خفيف للتمشيه . ولكن ابوسلطان خبره ما يحتاج برنامج ولا شي . وثاني يوم الصباح بعد الفطور أخذنا سواق تقريبا 250 الف ربيه ورحنا نتمشى بشوارع جاكرتا ونتفرج على البشر اللي رايح واللي جاي وما رجعنا للشقه الا تقريباً قريب المغرب . إلا وحنا دايخين .
وتريحينا شوي ضبطنا الدله والبراد والقدوع وجلسنا انسولف انا وبوسلطان ونتفرج على الصور اللي صورناها ونخطط على بكره وش نسوي أووين نروح والمهم آخر روقان وانبساط المهم قال أبو سلطان أبى اضبط العشاء قلت له أبى أشوف كيف طبخك تمام المهم هو راح ضبط العشاء وأنا رحت للبلكونه والله على ذاك الجو والمطر نازل الجو اكثر من رائع المهم شوي ابو سلطان قال العشاء جاهز وقالي حتاكل براطمك المهم تعشينا واللي علينا بالخير . ونمنا على شان بكره نصحي ونروح نتمشى . الصباح اخذنا البلد طول وعرض . المهم بعد 4ايام قررنا نروح للجبل وفعلاً توجهنا للجبل طبعاً ابوسلطان معارفه كثير اتصل بالجوال وحجز الفيلا مع الشغالة وصلنا الحمد لله للفيلا وكان الجو غيوم ومطر ما تقدر تنزل من السيارة من شدة المطر المنهمر . المهم نزلنا أغراضنا وعزبتنا وتفرجنا على الفيلا من الداخل والخارج والحمد لله روعه 3 غرف وصاله كبيره من أبدع ما يكون واحسن شي الأجواء ما توصف وسعرها باليوم 400 آلف ربيه مع الشغالة وعندنا الحارس ممتاز معه دباب ونرسله يجيبلنا اللي نبغي من البقاله كلكم عارفينها اللي بالجبل . الله على الجو في الصباح شي ما يوصف أمطار وغيوم والصباح نضبط الفطور بحديقة الفلة أنا و أبو سلطان وبعدين نروح مع السواق ونتمشي ونرجع للفيلا وكل يوم نروح لمحل . المهم الحديث طويل يبغالي يومين وأنا أتكلم ولكن أترككم مع الصور طبعناً راح أبداها من جاكرتا وعلماً أننا خططنا نروح بالي ولكن شفنا الجو روعه وقلنا مالها داعي وجلسنا بالجبل وما جاوره من قرى ومناطق ...
أنا عارف أنى غثيتكم ولكن قلت خلني أتكلم عن أحوالنا هناك بشي من البساطة في الوصف المباشر ...

أترككم مع الصور..........................

هذه الصوره اول ماوصلنا من الى جاكرتا صوره للشقه اللي سكنافيها بجاكرتا . باين فيها المسبح التابع للشققالمهم اعذرونا على التأخير في التقرير ولكن السبب هو انقطاع النت وكذلك فرز الصور على العموم هذه صور على الطاير حتى مايتأخر التقرير اكثر من كذا وللحديث بقيه ..