في شركات كثيرة في دبي ترتب رحلات للسفاري، بس المشكلة ان الرحلات هذي تكون مصممة للأجانب، يعني يكون فيها حفلات رقص ومن هالسوالف

أخواني حبيت اسأل عن رحلات السفاري وارقام أفضل المكاتب اللي تنسق لك الرحله اذا ممكن !!
انا اعرف ان الرحلات 95% اجانب ,,, ف كيف الوضع يكون هناك ؟؟؟؟؟؟
وهل هي مناسبه للعوايل ؟؟ (طبعا مافيه اطفال)
في نظري ماتصلح للعوائل..
إذا تحبون التطعيس وركوب الدراجات النارية ... عندكم منطقة البداير
معلومات اكثر فالرابط
https://artravelers.com/p/re/28601
وبرضو طلب صغير !! هل ممكن ارقام حجز رحله بحريه غدا/عشا ل ...
قرية البوم + المرسي
الرحلات البحرية تكون في فترة المساء فقط(عشاء)
قرية البوم:عشاء +جوله في خور دبي فالبوم..مدة الرحلة ساعتين.من 8:30 الى 10:30 سعر الشخص=100 او 120 ماذكر بالظبط
ومن 10:30 الى 12:30 الشخص =75درهم
والاكل يفرق في الرحله الاولى غير عن الرحله الثانيه ..ويفضل الحجز مسبقا من داخل الإمارات
3243000-04 جنب جسر القرهود وقريب من حديقة الوندرلاند..وحديقة الخور..
الأطفال سعرهم أقل ماذكر بالظبط
يمكن قصدج باتو دبي
لأن هو إلي فية رحلة بحرية مع عشاء.
المرسى عبارة عن عدة مطاعم تطل على مرسى لليخوت ، تقدرين اتأجرين يخت بس بدون عشاء.
إذا تقصدين باتو دبي ، شوي سعره غالي
عباره عن سفينة زجاجيه تأخذك بجولة عشاء لمدة ساعتين في خور دبي
4009714 لازم بالحجز ...
الأجواء رومانسيه (سعرها غالي شوي) الشخص =240درهم
الموقع:شارع السيف بالقرب من مركز برجمان
الرابط الإلكتروني
http://www.jebelali-international.com/properties/bateaux_dubai/vessel/overview.html
اخر طلب

حياك الله رهف
وبارك الله في اختنا بنوتة على هذه الملعومات
واضيف على مااضافته مشرفتنا
شارع السيف فيه العشرات من المطاعم العائمة
منها الحديث ومنها ماياخذ الطابع التراثي
وجميعها تتنقل عبر الخور في رحلة بحرية رائعة
عند وصولك هناك ستجدينهم في استقبالك مع السجاد الاحمر
وبامكانك الصعود على سطح المركب واكتشاف مابداخله من تجهيزات بالاضافة لنوعية الاكل
وايضا الاستفسار عن القيمة المادية للرحلة
هذا مااحببت ان اضيفه
جزيل الشكر لك وللاخت بنوته

شكرا لكم جميعا ماقصرتوا ابد
لكن ممكن ارقام لمكاتب رحلات السفاري .؟؟؟؟؟؟؟

هلا اختي رهف
بالنسبه لرحلات السفاري الجو الحين وايد مناسب و احنا نروحها كعوايل وحلاتها يوم اتكون اكثر من عايله (عشان الخصم...ههه) مع الشركات السياحيه وانا اشوف انها مافيها شي اذا انتو حددتوا الاشياء الي تبونها لانهم وايد متعاونين,, طبعا يتم التجمع في موقع تحدده الشركه تكون سيارات الفورويلز موجوده بالاضافه الى الباص الي ينقل الاطفال والحريم الي مايحبون المغامرات الى المخيم...وفي رحلات تبدأ من الساعه 3 الظهر الى 9 المساء وفي من الساعه6 تقريبا الى الساعه 12 صباحا
وانا انصحج اذا حجزتي تسألينهم عن البرنامج الي مسوينه وامكانية العوده في اي وقت انتو تحبونه لانه بعد يوفيه العشاء يبدأون بالاشياء الي مانبيها من رقص وغنا
وفي كذا شركة منها شركة المغامرات العربيه0097143439966 وشركة نت تورز 0097142668661
ومشاريع الخليج التابعه لدناتا 0097144045880 والاخيره منظمه باجر رحله عشان خسوف القمر
بس ماحجزولي للحين
وان شاء الله تكون رحله حلوه

ياليت نعرف اسعارهم بالعلم
إن عددنا خمسة انا وزوجي و3 اطفال