انا مب اماراتية بس بجاوبك على معرفتي ببعض الاشياء
1.بالنسبة للجو يعتبر حلو يعني مو بارد حيل بس لازم تلبس شي يدفي
:11ld:
2.شرائح الجوال موجودة في المطار وللأسف ماعندي فكرة عن الاسعار
3.الصراف راح تحصلها في كل مكان خاصة المجمعات
4.دبي كلها سياحة يعني عندك المجمعات ,الحدائق, القرية العالمية,شارع السيف,منطقة جميرا......
5.عندك موضوع الاخ اهل السنة كله مطاعم واختار الي تبي
6.التكسي في كل الاماكن وحسب منطقة سكنك
7.الاسواق كثيرة ماشاء الله مول الامارات,ستي سنتر,برجمان,الغرير,ابن بطوطه.......
اما الاسواق الي فيها مكاسر اسواق نايف هذا الي اعرفة
8.بالنسبة للجدول ان شاء الله الخبراء واهل الامارات ماراح يقصرون معك
اتمنى اني فدتك رحلة موفقة
اختك s.a.m

السلام عليكم
أحد الاخوان ذكر فندق نظيف بحدود 375درهم فندق سراي
https://artravelers.com/p/re/160876
ولو يأجرون سيارة من المطار بحدود 100درهم لليوم
أفضل وأوفر من التاكسي"، ودبي كلها لافتات ماتضيع.
1. الجو ( شنو طبيعة اللبس عندكم )
الجو يميل للبرودة ... وبالذات فالليل يبرد أكثر
2. وين يحصلون شريحة جوال ( مكان قريب من سكنهم ، وهل في بالمطار ، وكم الاسعار )
شريحة الجوال... إلي هي استخدامها لمدة سنة فقط تسمى بطاقة (واصل) موجودة فالمطار
وفي أغلب محلات بيع الهواتف.
سعرها ماذكر بالظبط بحدود 120درهم.
وأيضاً السوبرماركت مش الكل البعض.
وعند إنتهاء الرصيد يقدرون يعبونها من اي سوبرماركت أو بقالة ومحطات البترول
3. صراف للنقود (مكينه آلي + محل صرافه ) ( قريب من سكنهم )
الصراف الآلي في كل المراكز التجارية... وأيضاً في منهم في شارع الرقة ، شارع زايد ..... الخ
4. مكان سياحي او مكانين

• سوق جميرا... جلسات المطاعم عالنهر الصناعي ولمكان رائع
• مطاعم المرسى(المارينا) قريبة من سوق جميرا
• القرية العالمية ماتتفوت
• الإمارات مول ......... الاماكن كثيرة

(وكلهم لازم بالتاكسي لأنهم في جميرا مسافة 15-20دقيقة عن سكنهم)
5. مطعم ترشحونه لهم او مطعمين ( هل الذهاب اليه يحتاج الى تكسي وبجم )
المطاعم كثيرة... ومتنوعة في أغلب السناتر
وشارع الرقة أيضاً فيه مطاعم ، شارع زايد،شارع المرقبات
وإذا يبون مطاعم وجلسات حلوه:سوق جميرا + مطاعم المرسى(المارينا) + مطاعم الفستفال-ووتر فرونت سنتر.
معلومات أكثر فالرابط
7. السوق وياليت تذكرون لي كل سوق بشنو متخصص ، وذكروا لي اي الاسواق اللي تتكاسر وايها اسعارها ثابته ( هل الذهاب اليه يحتاج الى تكسي وبجم )
سوق نايف(شعبي) تقدر تتكاسر وياهم
سوق مرشد(بالجملة والمفرق) تقدر تتكاسر وياهم.
ولي أسعارهم ثابته المراكز التجارية... اموضحين فالرابط بالصور.
8. لو تسون لي جدول لقضاء اليومين يكون تمام
اليوم الأول:-الصباح ابن بطوطة مول ديكوراته حلوه(سينما+مطاعم+تسوق)

• الظهر الغداء يكون في الإمارات مول (وكلهم على نفس الشارع قريبين من بعض) يستاهل الزيارة

(سينما+المدينة الثلجية+تسوق+مطاعم وكوفيات+ألعاب)
ولمطاعم منها الفاست فود ، ومنها المطاعم العالمية

• العصر الذهاب للقرية العالمية وتفتح من 4 العصر لغاية 12منتصف الليل

وخل ينتبهون يوم الأثنين للعائلات فقط.
(تقريباً المسافات متقاربة امبينهم)
اليوم الثاني:

• الصباح الستي سنتر... بيكون قريب من شارع الرقة(سكنهم)(سينما+تسوق+العاب+مطاعم)

أو الفستفال ووتر فرونت سنتر عندهم جلسات خارجية

• الغداء يكون في مطاعم سوق جميرا (أسعارهم وسط)

وياخذون جولة بالعبرة المكان راائع.

• وإذا في مجال يروحون يتمشون فالمارينا (المرسى)
• وفالليل قرية التراث والغوص

كل الأماكن المذكورة فالرابط وشوفو إلي يناسبكم
https://artravelers.com/p/re/162751
جدول فعاليات المهرجان اليومي
https://artravelers.com/p/re/164308
وعطونا نبذه عن مهرجانكم وين مكانه وقته وين الزحمه

• المهرجان فالقرية العالمية
• شارع المرقبات ... قريب من سكنهم
• شارع السيف
• المراكز التجارية

بس دام أنهم ماعندهم وقت القرية العالمية تسد وماتتفوت
وأي سؤال ثاني نحن حاظرين

s.a.m
الله يعطيج العافيه اختي ، يكفي ردك على استفساراتنا وعساج القوه

بنوتة الامارات
الله يعطيكم العافيه وجزاكم الله خير

مشكورين جميعا
اسمحولنا بعد جم سؤال
1. اوقات فتح واغلاق المجمعات والاسواق والمطاعم ، هل بوقت الظهر مفتوحين
2. الاماكن السياحيه بغينا اكثر من اللي ذكر هل فيه ؟ ونتمنى بأن يكون المكان السياحي غير سوق او مول يعني مكان هادي ، طبيعه ، شاطئ
ومروا على
وشكرا

اكشخ يازين
بالانتظار ومشكورين