- و اقلعنا في الوقت المحدد ووصلنا في تمام الساعة 10,40 دقيقة .
اهلين حبايبي .. ..
بدون مقدمات و بهارات ببدا بالتقرير على طول
.
.
" تقرير رحلة تايلند ( أبو نورة & أبو سلطان ) "
بيانات الرحلة ::السبت الموافق 5 8 1428ه 18 8 2007 م
الساعة 4,30 فجرا الإقلاع من الرياض
الوصول ل أبو ظبي الساعة 7,15 صباحا
الإقلاع من مطار أبو ظبي الساعة 9,15 متجهين لبانكوك
الوصول لمطار بانكوك الجديد في تمام الساعة 6,30 مساء
التوجه لمطار بانكوك القديم و الإقلاع منه الساعة 9.30 لشانق ماي
الوصول لمطار شانق ماي الساعة 10.45 مساء .
" الوصول لتايلند "
وصلنا لمطار بانكوك الجديد بكل أمانة المطار كبير جدا جدا جدا و جميل للغاية
مشينا كثيرا حتى وصلنا ل كوشك صغير ل صرف بات تايلندي و صرفنا , وبعدها توجهنا
إلى الجوازات و كانت زحمة شديدة للغاية !! أجانب و عرب من كل حدب وصوب انتظرنا تقريبا نص ساعة و نحن واقفين بصراحة تعبنا و ملينا , وخلصنا من الجوازات و ذهبنا ل استلام الشنط و لله الحمد وجدناها بسرعة .
طلعنا برى نبحث عن تاكسي المشكلة تأخرنا على المطار القديم و كان عندنا رحلة الساعة 9,30 مساء إلى شانق ماي على الخطوط التايلندية , المهم أخذنا تاكسي ب 1200 بات للآسف مجبورين . :112:
:8888:و أنا واقف مع زميلي بالطابور و كان زحمه مره صار هالحوار البسيط بيننا ::
أبو نورة (أنا) : ليه ماتروح هناك .. ؟!
أبو سلطان : وين هناك .. ؟!
أبو نورة : ياخي هناك آخر طابور .. ؟!
أبو سلطان : ليه طيب .. ( لازال متنح ) ؟!
أبو نورة بعصبية : ياخي عشان الزحمة الله يهديك و هناك الطابور و زحمه و انا بوقف هنا و اللي بيوصل قبل يعلم الثاني .. اوكي ؟؟!!
أبو سلطان : طيب لانتفخ .. يأخذ جوازه و يروح بعيد في آخر طابور .
أنا صرت لحالي و قدامي بنتين مصريات و خلفي 3 كويتيين واحد منهم قعد الله يشفيه يارب وكلهم شباب , المهم أنا قاعد أتفرج على هالعالم و أتسمع و في نفس الوقت مبسوط جدا
اسمع الكويتيين اللي وراي يتكلمون عن الورقة و انه لازم تقدمها لموف الجوازات !!
صرت أقول في نفسي وش ورقته و اختبص و ادور و القى الورقة و اروح لهم و اسألهم هي نفسها قالولي أيه هذي , المشكلة انه ( أبو سلطان ) مامعه الورقة ولو وصل قبلي بيرجعونه
قلت ياهي ورطة و المشكلة الثانية ( مامعي جوال ) وش أسوي الحين المشكلة الثالثة صعب جدا أصوت داخل المطار بأعلى صوتي يا والله الورطة !!
المهم رفعت يدي و معي التذاكر و الأوراق كلها و صرت ( اشر له ) من بعيد لعلى و عسى يلتفت و يشوفني و طبعا الأخ ( مفهي ولاهوب لمي ) و صرت أنا أتحمس أكثر بالتأشير له من بعيد فجأة و بدون سابق إنذار و احلى كوع على رأس البنت المصرية و التفت عليها وهي ماسكه رأسها و تقول آآآآآآآي أنا طبعا انحرجت و أجي أقولها آسف والله مادريت وأنا أصلا ابغى خويي يجي و أنواع الاعتذار هي تقولي لا عادي ( قلت في نفسي الحمد لله مارفعت صوتها وهاوشت كان أنواع الفضايح قدام خلق الله ) و على قولتهم أتنفس الصعداء .
وارجع مره ثانية ( اشر ) ل أبو سلطان و أتحمس من جديد و كوع ثاني مره لنفس البنت
هالمره ناظرتني صار هالحوار : :8888:أبو نورة : والله العظيم و قسم بالله ماكنت ادري !!
البنت : لاياشيخ إلا أنت قاصدها ( بدري عليها تقول ياشيخ بس هذي من عندي خ )
أبو نورة : والله موب قصدي يابنت الحلال
البنت : نظرة استحقار و طنشتني ( تفو عليك يابنت الذين من زين لبسك عاد ) أقولها في نفسي .
المهم ان ابو سلطان قرب دوره و لله الحمد التفت عشان يناديني وهو مبسوط و أنا أشوفه و أقوله تعال بالعيون تنفاهم طبعا :biggrin: يأشر بيده و يقول وشو و أنا اشر بيدي و أقول تعال يابثر .
جاء أبو سلطان و يقول وش السالفة علمته بخصوص الورقة بغى يطقني من القهر !!
وعلمت سالفة البنت و قام يضحك بأعلى صوته والله أحرجني ;) .
توجهنا للمطار القديم و قصينا بطاقات صعود الطائرة و كان المطار هادئ تماما
و اقلعنا في الوقت المحدد ووصلنا في تمام الساعة 10,40 دقيقة .
بحثنا عن تاكسي من جديد و إحنا كنا مرهقين تماما و أتى ألينا شخص يتكلم العربية و عطيته عنوان الفندق وذهب بنا إلى هناك و كان اسم الفندق ( سنترا ) و انتظرنا السواق تحت عند الفندق دخلنا الغرفة و حطينا الشناط وبعدها طلعنا و تعشينا في مطعم ( الله يعز النعمة ) مخيس للآسف والله !! وبعدها رجعنا للفندق واعدناه بكره الصبح يجي الساعة 9 و خلدنا للنوم مباشرة .
هالفندق حجزت من هنا ( الرياض ) بمكتب سياحي الليلة ب 200 ريال لليلة واحده فقط .
.
.
بكمل معكم بوقت ثاني لأن الحين جاني ظرف طارئ ولازم اطلع ..
رديت عليك عشان اصير اول واحد يرد
وبرجع افصفص التقرير