c a n d l e
29-09-2022 - 05:28 am
للتنويه : هذا الموضوع مخصص فقط لذكر تجربتك مع الفنادق وليس للسؤال عن الفنادق
بسم الله الرحمن الرحيم ..
السلام عليكم ورحمة الله وبركاته ...
تسهيلا علينا وعلى اخوتنا المسافرين الى ماليزيا , النرجو جميع من زار ماليزيا في الفترة الاخيرة خصوصا بعض العائدين حديثنا احبتنا الأعضاء أن يذكر لنا اسم الفندق وتجربته معه من حيث
نوع الغرفة إن أمكن..
النظام المتبع..
السعر ..
الموقع..
النظافة..
التعامل..
خدمات الفندق المقدمة .. على سبيل المثال لا الحصر ..
توفير خدمة الانترنت ..
المأكل والمشرب ..
المسبح ...
خدمات الغرف(room serves) ...
والخدمات المقدمة في الغرفة بشكل عام مثلاً.. توفير مكواة الملابس وهكذا امور..
ايضا ادراج صور للفندق إن أمكن وبهذا الخصوص أسعد بتقديم خدماتي..
وكل ما تراه مناسب لنشره عن الفندق الذي زرته سواء في كوالالمبور او اي منطقة في ماليزيا...
وانوه هنا الى نقطتين الاهم ان يكون الموضوع مخصص للفنادق فقط لا الرحلة .. النقطة الثانية ان تتحدث بما شئت عن الفندق لست ملزم بذكر كل ما سبق من النقاط إنما ما تيسر اليه ..
دمتم سالمين الى بعضكم متحابين ...
اخوكم ابو عمر ..
(( اتمنى ان تكون بعد عون الله ثم مساعدتكم هذه الصفحة مرجع اساسي للعرب المسافرون ))
وعليكم السلام ورحمة الله وبركاته ..
في سفرتي لهذا الصيف نزلت 3 فنادق ..وهي كالأتي :
1 - اسم الفندق : Sunway Lagoon Resort
نوع الغرفة : Deluxe مطلة على الألعاب
السعر : حوالي 700 ريال لليلة الواحدة مع الإفطار
النظافة : أعطيها 5 من 5 .. فندق نظيف وغرفه أيضا نظيفة .. ومهتمين بنظافة المسبح والمنطقة اللي حواليه ..وحتى مكان البوفيه نظيف ومرتب ..
التعامل : أعطيهم 5 من 5 .. وجدت ترحيب حار منهم عند الوصول وحتى عند الدخول الى البوفيه ودائما يسألوننا اذا محتاجين اي شي او ناقصنا اي شي ..
الإنترنت متوفر ولكن حسب نوع الغرفة يكون السعر ..يعني بغرفتنا سعر الإنترنت لمدة 24 ساعة كان 50 رينجت على ما اعتقد ..بس السعر الحقيقي مو بعيد عنه ..
بالنسبة للأكل والشرب .. انا أكلت في بوفيه الفطور وكان ممتاز ومتنوع .. وطلبت كذلك عشاء في الغرفة وكان لذيذ .. ومقدم على طاولة بمفرش أبيض ومرتبة وكان الأكل ساخن ..
خدمات الغرف كانت وسط يعني مو مرة سريعين عند الطلب ..بس كويسين عموما ..وكانت كاوية الملابس ولوح الكوي متوفرة بالغرفة ..
والمسبح كما ذكرت كان نظيف ومهتمين فيه ..والمناشف متوفرة ..وكذلك طلب مشروبات او أكل حول المسبح أيضا متوفر ..
العلامة النهائية للفندق : 4,5 من 5
2 - اسم الفندق : Pelangi Beach Resort ..لنكاوي ..
نوع الغرفة : Deluxe Lake View
السعر : 956 ريال ..لليلة الواحدة مع الإفطار
النظافة : 4,5 من 5 .. الفندق عامة نظيف ولكن بسبب وجود الأشجار الكثيفة والبحيرة .. لا تخلوا غرفة او اللوبي من حشرة طايرة كده ولا كده ... ويميز الفندق كثرة الخفافيش في الليل وساعات الفجر الأولى ..يعني انتبهوا بالليل تخلوا باب البلكونة مفتوح ..التعامل : 5 من 5 .. ترحيب حار وابتسامات في كل مكان اتواجد فيه في الفندق ومن النزلاء الأجانب كذلك ..
الإنترنت متوفر في اللوبي فقط وهو مجاني ..بس أهم شي يكون معاك اللاب توب .. والجلسة في اللوبي حلوة ..بس حر ورطوبة لانه ما في تكيف باللوبي ..
الأكل والشرب .. البوفيه الخاص بالفطور عادي .. مو متنوع زي فنادق كوالالمبور .. بس مكان الفطور حلو ..اذا قعدت بالخارج حول المسبح ..وممكن تشاركك الطيور الفطور ..بس العاملين لها بالمرصاد ..
أما البوفيه الخاص بالعشا فجربت ..البوفيه البحري .. سعر ه 80 رينجت للشخص البالغ .. اختيارته قليل بس لذيذ ..تختار الأشياء اللي تبغى يشولك هيا من سمك وجمبري واستكوزا ومحار...الخ من الحيوانات البحرية ويوجد أيضا استيكات من لحم البقر والغنم وكذلك الأوصال والريش ..
وأيضا جربت البوفيه الخاص بالطبق العربي ..كويس ومنوع ..
خدمات الغرف من ناحية التنظيف ..فهو بطيء نوعا ما بسبب انه المنتجع كبير جدا ... اما عند الطلب خدمتهم سريعة ..
المسبح كبير ونظيف وفيه نشاطات زي كرة الماء والزحليقة المائية ... والشاطئ عند البحر كبير جدا ومفتوح وشاهدت فيه اجمل منظر غروب في حياتي ..
العلامة النهائية : 4 من 5
3 - اسم اللفندق : Millennium Kuala Lumpur يعرف سابقا ب Regent KL
نوع الغرفة : Executive Club
السعر : حوالي 710 ريال مع الإفطار
النظافة : 5 من 5 .. نظيف الفندق بمعنى الكلمة من جميع النواحي غرف .ممرات . لوبي .. بالرغم انه هناك تصليحات بالفندق لكن ما أثرت على النظافة أبدا ..التعامل : 5 من 5 ولو أقدر اعطيهم اكتر كان اديهم اكتر ... من أروع العاملين اللي وجدتهم في ماليزيا .. ترحاب حار عند الدخول الى الفطور الإهتمام بالأطفال واعطائهم البالونات .. حتى في وحدة عاملة في البوفيه اتعرفت عليها وصارت بيننا صداقة ..
الإنترنت متوفر مجانا في نوع الغرفة اللي نزلت فيها بس الغرف اللي اقل من كده كان سعر اليوم الكامل 60 رينجت تقريبا ..
الأكل والشرب ممتاز بوفيه الفطور متنوع والخدمة فيه سريعة ..بس كان يزعلني الشاهي عندهم مو مغلي ..وبوفيه العشا رائع خصوصا المشاوي وقسم الحلويات .. وجربنا كمان الأكل في الغرفة .. لا يقل روعة ..
عندهم في الفندق خدمة المساج كويسة جدا وجربها زوجي المساج الكامل للجسم ب 200 ريال لمدة 60 دقيقة .. وفي كمان صالون حلق عنده زوجي بس غالي شوية بس كان شغلهم حلو ..
خدمات الغرف : سريعين من ناحية تنظيف الغرف .. ويسألوك متى تحب ننظف الغرفة .. وحتى لما طلبت كاوية الملابس ولوح الكوي .. ما تأخرو أبدا .. ونوع غرفتنا كان يوفرلنا غسيل 3 وكوي 3 قطع يوميا مجانا ..
المسبح كويس وصغير ونظيف ..
العلامة النهائية : 5 من 5
أتمنى تستفيدوا من تجربتي للفنادق .. وشكر خاص لمشرفنا العزيز أبو عمر ..