الخطه محبوكه صح ..
أكثر ما عجبني أنك عطيتي دزني لاند ( محبوبتي ) أكثر الايام ..
أورلاندو حلوة .. ودزني لاند أحلى وأحلى ..
بالنسبه لفنادق عالم دزني ما قد جربتها ..
لأني دايم أحجز على فندق الشيراتون .. أسعاره مناسبه ..
طبعا تكون عندي سياره مجهزه بنفيقيشن ..
؟ وإذا سكنت في حديقة معينة من حدايق ديزني أقدر أدخل حديقة ثانية والا بس الحديقة اللي فيها فندقنا ؟
كل بارك منفصل عن الثاني .. له تذاكر خاصه فيه ..
بما أنك عطيتي دزني لاند 6 أيام هالمده مناسبه تمرين فيها كل الباركات ...
بالنسبه لي يبي لي شهر وأنا معشعش فيها خاصتا في الالعاب الخطره ..
والتذاكر لكل بارك مختلفه عن الثانية ..
على فكرة ترى عالم دزني تتناسب مع جميع الاعمار ..
ولا تنسين مملكه الحيوان ..
أما مسألت ميامي فهي مدينه تنحب ..
فهي قلب فلوريدا النابض ...

الرصاصي http://artravelers.com/c/142371" target="_blank">
مشكور عالرد يالرصاصي :101: ، انصدمت لما عرفت ان كل بارك له تذكرة خاصة ، عيل شالفايدة ساكنين داخل ديزني وماخذين فنادق بأسعار أعلى ؟ عشان نتم في نفس البارك وبس ؟!! :112:صج ما عندهم سالفة ، أحسن لي اسكن في الداون تاون والإنترناشونال درايف يمكن أرخص وأشتري تذاكر للباركات على 6 أيام !
thank you very much again ''Gray'' .. I'm in the progress to take my decision ..but waiting for the rest to reply

you are welcome
yeah .... that's right .. because if you get a lot of opinion when you can get big deal
go ahead ... and I wish you to get a wonderful vacation
with your a favorite group
everybody there for helpful
all my wishes for you
:)

إختي العبقرية
أنصحج تسكنين بالإنترناشيونال درايف لأنها منطقة حيوية وكل
شي راح يكون قريب من حواليكم وديزني بعد.
خطتج زينة وإن شاء الله راح تنبسطون.

ميامي فيها مطار دولي نرجع منه على بلدنا الغالي وإلا نرجع من مطار أورلاندو
نتمنى احد مجرب يجاوب على سؤال الاخت في الموضوع
وايضا ماهي الخطوط الي توصل لاورلاندو او ميامي

ميامي فيها مطار دولي ..
miami international airport
شلون ما فيها وهي أكبر مدينه في فلوريدا ..
هذي بعض الحجوزات من مطار ميامي الدولي إلى الرياض ..

موفقين خير ..

1. السلام عليكم و رحمو الله و بركاته


2. عزيزتي العبقرية الصراحة راح يسعدني جداً مساعدتج


3. هذا الموقع دخليه و شوفية Im sure you will like it !!


4. http://www.grandelakes.com/jw_marriott/jw_marriott.cfm


5. و هذا موقع فندق الريتز كارلتون .....

السلام عليكم و رحمو الله و بركاته

عزيزتي العبقرية الصراحة راح يسعدني جداً مساعدتج

إنتوا شخصين بالغين و بالتالي أعتقد راح تكون حركتكم وايد سريعة و سهلة و قعدتكم من النوم مبجر و بالتالي هذا راح يوفر عليكم وقت داخل أي بارك سواءً الديزني أو اليونيفرسال أو السي ورلد ..... وهذي تجربة أنا مريت فيها مع زوجي .... لما كنا بس اثنين كنا خفاف و نخلص بسرعة الامكنة مع إني أحب و أموت على الألعاب و ما خلي شي بخاطري إلا و أجربه حتى ألعاب اليهال الصغار
أنا رأيي إنج تاخذين ديزني 4 أيام .... على شرط تطلعون من الفندق مبجر يعني على الساعة 11 تقريباً ...... و راح يكون الوقت راهي عليكم و تخلصون كل الألعاب و تحضرون العروض إنشاءالله !
بالنسبة للسي ورلد ..... نفس الشي خلوها يوم واحد .... على شرط تطلعون مبجر من الفندق عشان تكسبون وقت و تشوفون العروض .... و هم بعد بمجرد ما تدخلين البارك إخذي الخريطة و شوفي أوقات العروض و و أماكنها و رتبي و سوي جدول و نظمي نفسج ..... حتى تقدرين تخلصين من العروض كلها ..... بس إنتي ما قلتي متى إنشاءالله بتروحون ؟؟ لان بالصيف .... البارك يسكر متأخر حوالي الساعة 11 بالليل و هذا يساعد الزوار إنهم يتمون داخل البارك أطول وقت و يتمتعون بالعروض او الألعاب
اليونيفرسال ... أوكي يومين .... و السبب الطوابير !! إلي تخلي حركتكم بطيئة شوية
طبعاً الحين وفرنا 3 أيام ( يومين من الديزني و يوم من السي ورلد ) حرام تقعدون بس في هذي الاماكن بينما في أماكن وايد ممكن تزورنها في أورلاندو .... يعني يومين سوق حرام !! شويه !!! ممكن تخلين السوق 3 أيام و تخلين يوم تروحون العرض الي ذكرته في تقريري سيرك دو سوليه !! يعني هذا اذا ما رحتي له بتندمين !!! طبعاً عروضه تبتدي من الساعة 5 اذا ما نسيت ... إنتوا ممكن تقضون فترة الصبح بمكان مثل سوق او راحة بالفندق ( راح تحتاجين الراحة أكيدة في جو أورلاندو ) و بالليل او المغرب روحوا عرض دوسوليه و بعدها تمشوا بالديزني داون تاون و تعشوا ( لان المنطقة كلها مطاعم و محلات ملوت ديزني ) طبعاً السيرك داخل الداون التاون . .... تطلعين من بوابة السيرك إلا و جدامج مكان كبير كله محلات و مطاعم هذا يسمونه Down Town Disnsy
بالنسبة للفنادق ..... الفنادق في اورلاندو واي د و معظمهم مستواهم ممتاز ..... انا بالنسبة لي وايد وايد دقيقة باختياري للفنادق و مو أي شي يعجبني .... و بالتالي هذا يأثر على الميزانية بعض الأحيان ..... عموماً إنتوا اثنين و ما راح تأثر وايد بالميزانية كونكم بتاخذون غرفة وحدة بس ..... أعتقد ما راح تأجرون سيارة ؟ عموما ً ....... إنتي شفتي تقريري عن اورلاندو ؟ Grand Lake Marriot فخم فخم و روعة !! ضخم و الأحلى Ritz Resort الي بجانبه ...... ما راح تندمين اذا رحتوا له ..... أنا لحد الحين ودي أزوره

هذا الموقع دخليه و شوفية Im sure you will like it !!

http://www.grandelakes.com/jw_marriott/jw_marriott.cfm

طبعاً ....... الفندق قريب من كل شي تقريباً .... يعني ما في ذاك البعد سواءً للديزني ( 15 دقيقة أو أقل شوي ) أو السي ورلد ( أقرب حسب ما أذكر.... كنت أشوف الكوستر من دريشتنا و الألعاب النارية ) او اليونيفرسال ....و هم بعد كان في سوبر ماركت كبير معروف عندهم Publix supermarket يبعد عن الفندق بالسيارة 4 دقايق ... في حال اذا كنتوا تبون شي ( ما اعتقد كونكم 2 كبار و ما في أطفال يبون بامبرز و عصاير و بفكات و شيبس و هالخرابيط حج الطعات )

و هذا موقع فندق الريتز كارلتون .....

http://www.ritzcarlton.com/en/Properties/Orlando/Default.htm?mktcmp=w-swdr_grandelakessite_navlink_x
أنا عملت الحجز مباشرة مع الفندق لغرفتين مفتوحين على بعض شامل الإفطار ( الريوج روعة هناك و راهي و ما في شي تشتهينة إلا و موجود ) ..... إضافة إلى آيس كريم بدون حد ..... Hagen Das Ice cream بالليل و النهار اليهال كل ساعة رايحين حج راعي البرد ..... يتروالي حفظونا من كثر ما نروح لهم ...
إنتي قولي لي متى و تاريخ روحتكم عشان أقولج الأسعار تقريباً حج الريتز أو جراند ماريوت
وهم كلام الإخوان و الأخوات صحيح منطقة الإنترنشيونال درايف منطقة حيوية و كل شي فيها .... و فيها فنادق وايد .... بس اهم شي لا تروحين حج فندق مستهلك و متآكل و على قولتهم بوطقه .... يعني مو كل ماريوت ماريوت !! و مو كل شيراتون شيراتون !! بعض الأحيان يكون الفندق مستهلك من قلب و ما يفتح النفس للقعدة فيه !
أنا قلتلج عن فندقنا الي كنا فيه بحكم إني مجربته و داخلته و قاعدة فيه إسبوعين !
اذا في أي فندق في بالج ....قولي لي اسمه و أنا أخبرج اذا اوكي او لا من ناحية الموقع و الجدة
أنا رأيي ما تتقيدين و تسكنين في فنادق ديزني ….. خاصةً إنج مو بس قاعدة بديزني و مو طالعة منها ! يعني بتروحون أماكن بعيدة و خارج نطاق ديزني …. رأيي لا تقيدين نفسج خاصةً إن الفنادق في أورلاندو وايد و كل واحد ينافس الثاني سواء من ناحية الاسعار او المستوى .... و الإختيارات وايدة
سألتي ولاية ثانية ؟ ..... اذا أول مرة تزورين أمريكا أنا أشوف تروحين أورلاندو .... راح تستانسون عدل !!! إنشاءالله و تصير رحلة لا تنسى !! صدقيني ..... حج سفرتكم الثانية اذا الله عطانا عمر ممكن تجربين كاليفورنيا
بالنسبة لتذاكر الديزني .... طبعاً حسب الفندق الي إنتي فيه ... إحنا فندقنا كان يبيع التذاكر أرخص شوي من البوابة عند ديزني بارك .... و طبيعي كل ما اخترتي التذكرة الي فيها عدد أيام أكثر صار سعرها موفر اكثر ( شوفي الجدول الي حطاته بتقريري و الإختلاف بالأسعار ) .... و طبعاً لازم تاخذين تذكرة شاملة لجميع الباراكات ( الماجيك كينجدم – مملكة الحيوان – الأم جي ام _ الإبكوت ) هذيلا 4 حدايق تابعين لديزني و كل وحدة لها تذكرتها و مكانها و بوابتها و كل وحدة تروحين لها بالباص أو القطار مال ديزني .... يعني مو مشي ... كل وحدة مدينة لحالها !
إنتوا تشترون التذكرة الشاملة للأربع حدايق لمدة 4 او 5 أيام ..... و لا تنسين ضروري تقولين لهم أبي ميزة Park Hopper !! و طبعاً هذي لها سعر إضافي للتذكرة بسيط .... بس الميزة هذي مفيدة و هي إنكم في أي وقت تبون ممكن تروحون من بارك إلى بارك ثاني بنفس اليوم..... يعني مثلاً نفترض خلصتوا من مملكة الحيوان العصر او المغرب .... تقدرون تكملون و تروحون الحديقة الثانية الي هي ماجيك كينجدم و ما يروح عليكم اليوم و تستفيدون منه ! .. أنا أقولج ضيفي هذي الميزة ... لأن التذكرة العادية مافيها هالميزة .... يعني اذا خلصتوا من حديقة و ودكم تروحون حديقة ثانية بنفس اليوم !!! ما راح يدخلونكم لأن تذكرتكم مو Park Hopper
ميامي ….. ما رحت لها بس كنت حاطتها في بالي و ماكان عندنا وقت للأسف …. أنا لو مكانج أروح لها 3 أيام …. و أظن كلامج صحيح 100 % .. نوع من التغيير و هم بعد اسم زرتوا مدينة ثانية غير أورلاندو بفلوريدا … و ممكن تروحين لها بالسيارة .. أعتقد تبعد عن اورلاندو بالسيارة 3 ساعات و نص ( ما أدري عنكم اذا راح تأجرون سيارة ؟ أو لا ؟ ) يعني طبعاً ما راح تاخون تاكسي !! لأن راح ياخذ عليكم وايد … و الشغلة كلش مو عمليه ….. ممكن تسالون الفندق و يرتب لكم الروحة مع وحدة من شركات النقل الجماعي ؟ و إنتوا اثنين فراح تصير سهالة عليكم إنشاءالله ….. أو تروحون بالطيارة ( بالضبط ساعة ) من اورلاندو إلى ميامي …. شوفي الي يناسبكم ؟
إختي العبقرية … أنا ما أدري اذا نقطة الإنطلاق من الرياض أو الكويت أو قطر ؟
قولي لي عشان أقولج الروت مال الطيران
و أنا حاضرة لأي شي

بسم الله الرحمن الرحيم
مشكورين عالمرور و عالرد الطيب يا أم يوسف ، الرصاصي للمرة الثانية ، وللمساعَدَة يا الأستاذة درة ،
و ط بع اً المتألقة والمشكورة luxury traveller ..
راجعتلج يا لكجري في الرد اللي جاي عشان أجاوبج وحدة وحدة وأستفيد منج زيادة
by the way أبغي انتهز الفرصة وأشكرج على تقريرج اللي عن أورلاندو بصراحة أكث ر من رائع ، أسلوب ولا أحلى

بسم الله الرحمن الرحيم
مشكورين عالمرور و عالرد الطيب يا أم يوسف ، الرصاصي للمرة الثانية ، وللمساعَدَة يا الأستاذة درة ،
و ط بع اً المتألقة والمشكورة luxury traveller ..
راجعتلج يا لكجري في الرد اللي جاي عشان أجاوبج وحدة وحدة وأستفيد منج زيادة
by the way أبغي انتهز الفرصة وأشكرج على تقريرج اللي عن أورلاندو بصراحة أكث ر من رائع ، أسلوب ولا أحلى