1. بسم الله الرحمن الرحيم


2. اخوانى خواتى المسافرين او من لهم نية السفر لتايلند

بسم الله الرحمن الرحيم

اخوانى خواتى المسافرين او من لهم نية السفر لتايلند

حبيت احذركم من مشكلة يقع فيها الكثيرين من المسافرين عند العودة وهى الوزن الزائد ، البعض يتسوق او يشترى بضائع بغرض التجارة الله يرزقهم بس مايحسب حساب الوزن بعض شركات الطيران عند المغادرة تمشى الوزن الزائد لأنه يكون قليل ويمكن تخفف منه لأنك فى بلدك بس عند العودة والله يحاسبونك على الكيلو بالذات وانت راد من تايلند يدرون ديرة رخص وتسوق بس مو هنى المشكلة وزن زايد تدفع وتخلص ، المشكلة فى مطار بانكوك وات داخل المطار ومعاك شنط كثيرة يتلقونك ناس بعضهم يتكلم عربى يقولك عندك وزن نمشيك وبسعر رخيص ومضمون ديرو بالكم منهم من تروح الكاونتر وقف ينطرك يدرى بيقولون لك وزن زايد والسعر غالى وبترجع له نصيحة لا ترجع له لو سعر رخيص تراهم نصابين انا لى تجربتين معاهم ، مرة جيت وعندى وزن زائد طلع 38 ألف بات المهم رحت لهم قالى امشك بنص السعر فاصلته مشانى ب 10 آلاف بات دفعت له راح دخلهم على الكاونتر وتقاسم الفلوس مع الموظف الى كان يقدر يمشينى ببلاش،
الثانية نفس القصة بس وزن اكثر من اول عطيته الفلوس والشنط وجابلي وصل فيه اسمى وعدد الشنط والوجهة والناقل وقالى بيوصلون معاك على نفس الرحلة بس تستلمهم من قسم الشحن بالكويت المهم وصلت الكويت وماكو شنط دورت سألت ماكو رحت الخطوط قالو من عطاك هل ورقة هذى ملغية والوصل حق شركةشحن وهمية انا دايما اكتب رقم جوالى على اشى يخصنى بحالت الضياع المهم بعد شهرين جانى اتصال من الخطوط التايلندية فى الكويت انهم لقو شنطى بمطار بانكوك فى قسم الأمانات ومالها سجل عندهم من حاطهم او متى والحمدالله رجعتهم ودفعت مبلغ وقدره
ختاما عندك وزن زايد عليك بمكاتب الشحن اشحن معاك على نفس الطيارة والأسعار جدا رخيصة ومظمونة .
واجازة سعيدة للجميع
بوفهد