1. في هناك اماكن حلوه تصلح للعائلات ومناطق وجزر مناسبه جدا للعائلات

بدون مقدمات هذا موضوعي طرحته وان شاء الله ان الجميع يشارك ويناقش ويطرح وجه نظره ونكون من خلاله كل واحد يوصل فكره ويوصل الي بخاطره بخصوص موضوعنا ((العائلات وتايلند)) !!
ياجماعه الخير كل مادخلت موضوع وفيه حرمه ولا رجل يسؤلون عن بلاد تايلند والاماكن الي فيها الاحظ جمله أكثر من شخص يقولها ويرددها الي هي ((المنطقه الفلانيه لاتصلح للعوائل )) !!!!!!!!!!!!
طيب اتفقنا وعرفنا ان هالمنطقه شبابيه بمعنى فيها بارات +بنات ليل+ أصوات الديسكوات+ سكاره بالشارع الخ
انت يا رب الاسره او ياربه الاسره يالي تبين تايلند ومتلهفه عليها هل يعجبك هذا الوضع بالديره الي ناويه سياحه فيها ؟؟ يعني يرضيكم تتمشون بالشارع وعيالكم المراهقين وبناتكم معاكم فجأه يشوفون هالمناظر وهالامور عينك عينك !!!!!!!!!!!!!!!!!!! ما أعتقد عائله عربيه مسلميه كريمه ترضا بهالشي واجزم على ذلك الى اذا هناك شواذ فالامر يختلف !!!!!!!!!!!!!!!!!!!! اسمحولي انا صريح في كلامي وماعليه يعني كلكم كبار وفاهمين طبعا
عموما انا اقول للعوائل الي يعجبهم جو شرق آسيا ويحبون الجزر وهالسوالف
عندهم ديره تصلح للعوايل أكثر أكثر وهي ماليزيا بلد جوها مثل تايلند ومتطوره وفيها أماكن كثيره جدا للاطفال وللحريم مثل الاسواق وغيره
يعني ماهو لازم يروحون تايلنند على شان والله ارخص واوفر؟؟
مو طيب ارخص اوكي بس مو حلوه ولا عدله انك ترضا تخلي اهلك يشوفون مناظر البارات وبنات اليل في الشوارع ؟؟؟ صح ولا انا غلطان!!!!!!!!!!!!!!!!!:112:
كلامي هذا يعني مو كل تايلند بارت وفساد لا

في هناك اماكن حلوه تصلح للعائلات ومناطق وجزر مناسبه جدا للعائلات

لكن انا تفرجت على كذا موضوع وعلى كذا تعليق لاحد الاخوه الي دائما يروحون تايلند
لاحظت ان الديره تصلح للكبار يعني الي عنده عايله واطفال راح يستانسون اول جم يوم وبعدين بيضل وقت الاطفال كله بحوض السباحه لانهم اشبعو من الاماكن المعروفه للاطفال في تايلند وهي معدوده بالمقارنه مع ماليزيا ومدن ألعابها وغيره
اتمنى ان كلامي هذا يقراه الجميع وكل رب أسره محافظ من الدرجه الأولى
والموضوع للنقاش والي مايدلي بدلوه بنزعل عليه
وشكرا