انا طنت اذني وما ادري وش اللي خلاه تطن اثرك جايبن طاريي انا احسب فيه نصراويين بالساحات يحشونبي عقب هزيمة الهلال قبل امس:112: مداعبة
انت بس عطني المدن اللي اكيد راح تمر فيها وراح احسب لك المسافات و تكلفة البنزين انت بس آآآآآآآآآمر حبيب قلبي والله يوفقك .. بس لا تنسى تجيب واسطة من القصمنجي ابو نورة او تكون انت من حملة الجنسية القصمنجية الله يقطع بليسك ..
ولاتنسى تحط نوع سياراتك و حجم خزان الوقود وكم المسافة اللي يقطعها اذا عبيت فول (full) مهوب فول
الا ورا ما تروح لاوزنجول اسمك دفعت قيمة الفيز + تأمين السيارة لمدة 3 شهور + دفتر العبور (التربتك)وعنيت للتركيا و المناطق الجنوبية حارة شوي ... راح شمال شرق ازين لك وترا المسافة دبل بس

هلا فيك اخي
من تجربه سابقه جنوب تركيا حاره وما تستاهل كل هالعنوه خاصه مرسين جوها حار ورطوبه كنك بالدمام لو تقعد بشمال سوريا كسب وصلفنه مناطق بارده وخضراء وبحيرات نفس جو أبها وابرد بعد واحلى طبيعه

اختي..
عندك حبوب للغثيان ...؟
الله لايهينك حنا خاشين جو غير

أستاذ الرياضيات العزيز
المبتسمون
أولاً نوع السيارة
لاندكروزر
والتانكي 160 لتر حسب علمي
ويمشي بحدود 750 إلى 800كم
وثانياً بخصوص لاوزنجول
ماعندي مشكلة الإجازة حدود 3 أسابيع
عطنا إقتراحك وبتوسطلك عندي عشان أقبله
( لا تشيل هم بأقنع روحي إني أوافق )
الأستاذه درة
للأسف أكبر عائق أمام هذه الرحلة أنها سوف تكون بالمرور على الأراضي الشامية
وهذا بحد ذاته مشكلة بالنسبة لي ( لله في الله ما أحب ذيك الديار )
صاحب النمر الأبيض أبو نورة

والله إني حاس أنك بترد على طول بس تصدق مافهمت شي
أحس أني داخل بالسالفة عرض
طلع براس طلح

1. عموما احنا فيها دحينه..!! سوري بجده

هواوي النفود
بعد قلبي ياهل المجمعة
اسمعني خيو ..
انا عطيتك الوصفة اياها على اساس انك بتروح الجنوب التركي
وانا ما اعرف كم المدة ولا كم انتم ولا نوع الموتر ويمكنك قايلي وانا ناسي تعرف الكبر شين

عموما احنا فيها دحينه..!! سوري بجده

بص
اخترنا المبيت في النبك لسبب وهو البعد عن حر وازدحام دمشق بالاضافة الى الابتعاد عن الاستغلاليين وان كان استغلالهم مايضر ولكن نبتعد بقدر الامكان دائما عن الابتزاز وخاصة في بداية الرحلة لكي لا يعكر اجواء بقية الرحلة
كما تم الاتفاق على اختيار حلب على اساس استخراج الفيزة من الحدود
على الرغم من ان كسب اقرب الى انطاكيا اوكيشن..
انطاكيا حوها ما تعرفله يوم بارد وجميل ( هبوب ونسانيس ) اضافة الى انها كتسوق هي ارخص مناطق تركيا على الاطلاق ووجود الشلالات يضفي لها طابع سياحي كذلك
ثم اتجهنا الى ادنا وهي رابع اكبر مناطق تركيا بعد اسطنبول وانقره وازمير
طبيعة رائعة نهر كبير وجميل تقدم معماري وحضاري تسوق بجميع انواعه ابراج مشيدة
والخروج منها الى مرسين الميناء التجاري على الجنوب التركي
كورنيش طويل وممرات ومشايات ومسطحات خضراء على طوله
اسواق راقية شواطيئ للسباحة , زيارة ما يسمى
باصحاب الكهف والشلالات على الطريق في طرسوس ومن ثم زيارة جنه وجهنم لديهم
ان احببت المواصلة فلك ان تزور انطاليا وكيمر
والا فارجع الى ادنا ومنها الى كسب السورية المدينة الضبابية الباردة والتي لايتجاوز سعر السكن في شققها الجديدة 1200 الى 1600 ليره سوريه والتمركز فيها وزالانطلاق منها بشكل يومي من الصباح الباكر الى
صلنفة يوم
راس البسيط وام الطيور يوم
غابات الفرلق يوم
الاذقية يوم
وهلما جرى
دمت بود هواوي

ماشاءالله تبارك الرحمن
وأنت إتحراني( شفرة سدير )
ما أمداني ألف على موضوع وأرجع إلا وألقاك راد علي
يا حبيلك بس وجدولك هو الأنسب حتى هالدقيقة
وبإنتظار حصة الرياضيات
قصدي السادة المبتسمون

ولو أن المسافة دبل إلى أوزنجول بس تستاهل
ولو لقيت برنامج حلو يكون دعسه وحده إلى أوزنجول ما عندي مانع

ماشاء الله عليك أخوي
قلبك أخضر
لكن رأيي الشخصي لا تحرص على السفر بالسيارة في هالظروف
التوتر كل ماله يزيد
وسارتك ماشاء الله تبارك الله يسيل لها لعاب من لا يخاف الله
والطريق طويل جدا
أقترح تأجل السفر بالسيارة حتى تهدا الامور شوي
والرأي لك

شف اخوي هاوي نفود دامنك من المجمعة ما عليك خلاف ما تحتاج واسطة لانك بطريق القصيم اما بخصوص تكلفة البنزين فابحسب لك المسافات اول من الرياض الى القريات على الطريق الجديد حائل الجوف وبعدين الاردن + سوريا ثم جنوب تركيا كحد اقصى انطاليا وان غيرت رأيك راح تتغير المعدلة بكل بساطة ...
بس تبي الصراحة تأكد من تانكي البنزين عندك انت مركب تانكي ثاني او شد بلد ... ان كان شد بلد فموترك اللاندكروزر الله يجعله عليك بالبركة ويحفظه من كل مكروه فيه تانكيين الاول اساسي يأخذ بالضبط 96 لتر + اضافي 45 لتر ليكن المجموع الكلي = 141 لتر بالتمام
بس صراحة مااعتقد انه يمشي 750 الى 800 كيلو كأنه كثيرة شوي تدري وش لون ابنقز اشوف منتدى صديق (مكشات ) وأتأكد لك من الاخوان هناك كم يمشي بالضبط و ان شاء الله تجد الاجابة بالتمام قريباً جداً ...
تحياتي وتقديري لك اخوك هاوي نفود