- اليوم العاشر
بسم الله الرحمن الرحيم
لمتابعة الجزء الأول من الرحلة أضغط هنا
https://artravelers.com/p/re/112415 لمتابعة الجزء الثاني من الرحلة اضغط هنا
https://artravelers.com/p/re/114105 الجزء الثالث
اليوم العاشر
- الأماكن : عين لندن + المعرض البحري Aquarium
- الأحداث في هذا اليوم
طبعا كانت بداية هذا اليوم مرحلة انتقالية من الشقة إلى الفندق وضاع علي تقريبا نصف اليوم في نقل العفش والشيك اوت والشيك ان قررت أني أروح لمكان واحد في هاليوم لآن الوقت مايسمح بمكانين بس في طريقي للندن آي ضيعت شوي ونزلت عند المتححف الوطني أظن اسمه كذا جنبه سفارات ولقيت ناس صنيين أظن مسوين أحتجاجات من جد شكلهم رهيب وهم يحتجون بغيت أصف معهم مع أني ماأدري وش سالفتهم بعدين رحت للندن آي أول ماوصلت حصلت الاشخاص الي يستعرضون في المنطقة من جد شكلهم رهيب ولا تدري هم صدق ولا لا الا إذا تحركوا ابداع بصراحة بعدها كملت للتذاكر وكانت زحمة معقولة يعني نصف ساعة في طابور انتظار التذكرة يوم جيت أشتري التذكرة قالت لي تبي دليل لندن آي طبعا بما أني شريت دليل لمتحف الشمع وانا ماادري بسبة دلاخة في اللغة استفدت هنا وقلت NO daleel المهم قررت أني أتأخر وماأركب للندن أي الا حول وقت الغروب عشان يكون الجو حلو واضطريت عشان انفذ هالهدف الذكي اني انلطع في البرد مايقارب الساعة بس اهم شي نفذته وركبت حول الغروب الا شوي
بعدها دخلت معرض الحياة البحرية من جد كان معرض رائع جدا وشفت فيه شي غريب شفت واحد يهودي أول مرة أشوف يهودي على الطبيعة لا ولابس طاقية بعد لا ومعه عيال صغار بعد لا وقاص تذاكر بعد
