ألف ألف ألف مبروك
بس فيه كم سؤال بسألك اياهن ( قد ابني عليها اقتراحات تفيدك)
وكيف تبي تروح لها ؟؟
بين باريس وجنيف 500 كم وبين جنيف وانترلاكن 250كم

خالد
الله يبارك فيك أخوي خالد...عقبالك كانك مابعد تعرس او لك نية على ثانية..وعقبال غاليك كانك معرس ولالك نية ثانية
مافهمت سؤالك اخوي
با النسبه للقيادة باوروبا انا بين ثلاثة خيارات
الأول ان استاجر السيارة في اخر ليلة لي بباريس واقوم با الانتقال الى انترلاكن ومنها الى النمسا واسلمها بفينا
و الثاني ان استاجر السياره بانترلاكن واقوم بتسليمها بفينا
و الثالث ان استاجر السياره بجنيف (اروح لها صبحيه استلم منها سياره واعود انترلاكن) واسلمها بفينا
لو عندك نصيحة او اقتراح اتمنى تفيدني فيه ترى منك نستفيد طال عمرك وشاكر لم ومقدر مشاركتك ولاحرمك الله من الأجر
دمت ومن تحب بأتم صحه وعافيه

حدّي مصر
انا زواجي بأذن الله بجولاي والله يوفقنا جميع ويبارك لنا ويجمع بيننا وياك بخير وجميع المسلمين
انا اقصد المسافة طويله بين باريس وانترلاكن اتوقع ما لايقل عن اربع خمس ساعات (ما عندي رقم بالضبط) ,,,وبين انترلاكن وزيلامسي 9ساعات بالقطار من غير الوقفات (محطتين)(منب متأكد من المسافة بالكيلومتر) هذي نقطه
النقطه الثانية :
مسألة الاستئجار شروطهم مهب بسيطه ( من ضمنها في بعض الشركات لا يقل العمر عن 30سنة) صارت لواحد من الشباب والافضل الاستئجار من ميونخ بشهادة كثير من الاخوان مع اني شخصيا ما أظن اني راح استأجر , بعتمد بعد الله على السويس باس ,ومسألة الاستئجار ما افتيك فيها لانه ما عندي تجربة فيها
مو هنا مشكلتنا
انا ابغى انك تعرف وش قدامك والخيار لك , يعلم الله اني اتمنى لك الخير وما قلت هالكلام بحطمك حاشاك , لكن مجرد اجتهاد وانت تأكد من الخبراء ( انا خبرتي على قدي)
ولو تبي رأيي تقلل او تكنسل من سالزبورغ وتحطها 2 ليلة في جنيف و2 ليلة في زيورخ
وانا بدور لك رحلة عالطيران الاقتصادي ممكن تختصر لك هالمسافة (تذكرتها تقريبا 300ريال أقل او اكثر)
على فكره انا المخطط اللي ناوي عليه ان شاء الله وتسهلت اموري عكس سيرك
عالقطرية
فيينا
زيلامسي
لوسيرن(60كم عن زيورخ)
انترلاكن
لوزان
جنيف

الرحلة 5 ساعات من باريس الى انترلاكن بالقطار
لذا اقتراحي هو توفير عناء السفر استخدام الطائرة من شاريل ديقول الى جنيف (كل يوم اكثر من 12 رحلة)
هذا كلام ابو عزيز

1. خالد

خالد

الله يوفقنا جميع ويبارك لنا اللهم امين منك المال ومنها العيال يا بووليد
أتفق معك في طول المسافة من باريس الى انترلاكن (500 كيلو تقريبا) بس وانا اخوك خمسمية كيلو عندهم مهيب زي عندنا و السارة فيها خصوصيه كبيره ومافيها تقييد باوقات طلعه وروحه وجيه...يعني متى ماجهزت انت واهلك دق سلف وقل للجارمن ودن ولاتهون ويوديك...أنا سألت كثير من اخوياي وابناء عمومتى كلهم اتفقو ان السياره اريح واوفر وفيها خصوصيه وتفكك من شيل عفش وتفكك من مطامر من قطار لقطار وبوابة تصك بسرعه وبوابة تصك متاخره وانت عربي يعني عندك شنطتين اقل شي وزنها 60 كيلو الشنطتين يعنى يبى لك تتمرن شهرين كتف قبل السفر ويادوب
خالد اللى يبي شي لازم يضحى بشى انا بشهر عسل اتفق معك وماودك تغامر او تالف ومعك بنت الناس واول مره تسافر مع غير اهلها بس تبى متعه وتبى خصوصيه وتبي حريه وتبي راحة بال استاجر سيارة وخل الجارمن يدور بك وامورك طيبه

• * با النسبة لشروط الاستاجار اهم شى اكبر من 23 سنه وعندك رخصة دوليه وفيزا سارية المفعول والحمدلله كل شي متوفر
• * با النسبة لسالزبورج اختلف معك كثير فسالزبورج يوجد حواليها قرى وريف كثير يتمثل بسانت جيان وسنات وولف قانق وهى احلى واروع من سالزبرج حسب مرات عينى من رحلات اقرباء لي ومن رحلات بعض الاعضاء...سالزبرج قد تكون تكفيها يومين تروح المدينه القديمه و الجديده و الكهف الجليدي بس الارياف اللي حولها ؟؟
• * على فكره جنيف انا رحتها قبل مافيها الا البحيره وتشوف ذا المرضى الله يشفيهم ولا يبتلينا يغازلون وترقيم وقلة حياء يعني نفس شغل مصر ولبنان....المناطق اللي حول جنيف صح بس جنيف نو

شاكر لك ومقدر لك اخوي خالد على نصائحك وان كنا لانتفق في كل شي ولكن تجمعنا الالفه و الحبه في الله ولله الحمد...دمت اخا طيبا معافا
اخوك حدّي مصر

حدّي مصر
ايه يبي لك تتمرن الصدر والباي والكتف مع التراي ===> معلق
أتمنى لك التوفيق من قلبي ورحلة مميزة ان شاء الله

مرحبا اخوي حدي مصر .... بس اسمك روعه ...
ليش حدك مصر ....؟؟؟؟؟
انت بتروح الحين لأجمل دول العالم ... وبتنسى مصر وبتنقهر على الايام الي راحت في مصر

البرنسيسه
مرحبتين أختى البرنسيسه من ذوقك يا غاليه....أشكرك على مرورك ومشاركتك

• * من و انا صغير ما أروح الا لديرتين بحياتى كلها مصر وسوريا (وماجاورها) ويوم كبرت تعلق قلبي بمصر وصارت سفريات الشباب كلها لمصر رغم ان السنتين الماضيه صارت مصر اغلى من اوروبا بمراحل خصوصا اذا تبي تسكن ب 5 ستارز.....ودايم الشباب يقولون لي انت حدك مصر يا القروي منتب متطور
• * ترجعين با السلامه ان شاءالله
• * با النسبه للسواقه بباريس انا رحتها لما كنت صغير الشانز كان القياده فيه جنونيه وصعبه خصوصا لشخص اول مره يسوق بباريس و القياده بباريس بشكل خاص اصعب من باقى دول اوروبا بكثير (حسب ماسمعت من ناس اخبر منى)

تسلمين ياذوق وشاكر لك مرورك ومشاركتك وتعليقك الرائع...ووفقنى الله واياكم لما يحب ويرضى
دمتى طيبه معافاه
أخوك حدّي مصر

هلا بوو وليد
تسلم لي حبيب قلبي....أتمنى لك رحله سعيده موفقه و اتمنى لك التوفيق ورزقكم الله با الذرية الصالحة واطال الله في اعماركم على طاعته
شاكر لك ومقدر لك توجيهاتك ونصائحك القيمه