حزين الحب
ما قصرت
وفيه مقهى ثاني بيفتح مقابل كوفي تايم وهذا فرع لشركة عالميه
عموما ننتضر إفتتاح هذا المقهى
ونزوره ونعطيك راينا

يعطيك العافيه أخوي حزين الحب على هالموضوع
بصراحه فعلآ شارع التحليه لحاله معلم سياحيي رائع شارع كبير وسيع جميل تلتف حوله المطاعم والمقاهي وجميع الخدمات الراقيه , ومبروك مقدمأ افتتاح هذا المقهى في مدينة الرياض
تحياتي/سلطان الشرقية

جميل جدا هالخبر
وانا مع سلطان الشرقية بأن شارع التحلية من اجمل شوارع الرياض
من ناحية التنظيم الترصيف اتساع الرصيف للمشاه وجود مقاهي على الارصفة
يكفي انه مخصص للشباب

وعليكم السلام
حزين الحب بلغنا اذا فتح لاهنت
مهاجر اي قهوة تقصد؟

قبلة الخلق
قهوه جديده على وشك الإفتتاح
بجوار معرض نوكيا أكسيوم الجديد
وبالضبط بين البنك البريطاني وأكسيوم

طيب ايش اسمها لاهنت؟

السلام عليكم ورحمة الله وبركاته
كيف حالك أخوي مهاجر المقهى اللي تقصده اشوفهم شغالين فيه بس ما اعرفه من قبل ولا ادري هو ماركة عالمية او لا ،بس باين عليه مرتب من ناحية الديكور ، وبالنسبة لكوفي جافا ان شاء الله يعجبك وبالنسبة لي يشدني لاني اذكر ذكريات فيه ، تسلم اخوي على مشاركتك.
هلا فيك أخوي سلطان الشرقية الله يبارك فيك أخوي واذا بتجي الرياض مستقبلا لازم اعزمك عليه بس عطني خبر اذا بتجي ، وبالنسبة لشارع التحلية فعلا التنظيم والترتيب والتشجير صار حافز للمطاعم والمقاهي المميزة انها تتواجد فيها.
هلا فيك "أبن السعودية " صدقني الاجمل هي مشاركتك معنا واتفق معك في كلامك ومثل ما قلت يكفي انه مخصص للعزاب .
هلا فيك قَبلَةالخلق الف شكرا على مشاركتك وان شاء الله اذا فتح اعطيك خبر ..
أخوكم حزين الحب

قبلة الخلق
أسم الكفي الجديد
Bliss House
وسبق وان دخلت في بيروت فرع لهذا الكفي