مخبز وحلويات Mado
له فرعين على ما أعتقد
اللي رحت طريق المير سلطان
تقرير مختصر جدا 7 صور بس وكلها مكرره
بعرض الصور وبعدين التعليق
جميع الصور صورتها بكاميرة سامسونج جالاكسي
أول الطلبات لازم تكون شاي تركي ، اللي تأخر بتقديمه على أنه جاهز بس يصبه ويقدمه بس ما أدري ليه التأخير
قطايف مبرومة بالفستق مع ايس كريم ، جات قبل الطلب المالح سعرها 35
ما عجبتني صراحة دهنية مرره اكثر شي واضح طعم الدهن والايس كريم طعمه زي لبان مستكه ما حبيته ، اللي تعجبعه البوظة التركية يمكن يحبها
الطبق اللي جيت عشانه برك أو بوريك ، بداية تجربتي له باسطنبول وما ستوعبت طعمه الا اخر مره اكلته في المطار وانا راجعه جده ، المهم كان نفسي فيه وكان لازم أطلبه
محشي بالبطاطس والجبنة
ما كانت بالجودة اللي تخيلتها وحجم القطعتين مرره صغير
الاطباق جاهز مجرد تسخي بالميكرويف ومع ذلك تتأخر في التقديم مع أنه مافي زحمة ، قمية الطبق قليله
المكان ناقصه ريحة الخبز الطازة
ينباع فيه أغلب المنتجات التركية حلويات ومعجنات ومكسرات وبوظة
يوم زيارتي كان المحل مليان ناموس ويقرص من تحت العباية كمان مره شي مزعج وبعد ماتقرصت حنو علي وطلعوا المضرب
الحساب
ما أذكر الاسعار بالضبط بس الطلبات كانت
4 شاي ، 2 برك ، 1 قطايف ب35 وأخذت تك اوي سميت (شريك) صغير ب 5 ريال و4 قطع معجنات 2 بالبطاطس و2 بالسبانخ والطعم الحمد الله بس فيه افضل من كذا
الصراحه نسيت كم الحساب
بس غالي وبنظري مايسوا
أزين شي فيهم الكيس القماش اللي حطو فيه الطلبات
وسلامتكم
اذكر قبل فترة كان في استفسار عن المخبز واتوقع انه عالمي وله فروع كثير
بس كيف مخبر وماعندهم خبز من الفرن ؟؟ . شئ غريب ..
حسبي الله عليه الناموس شكلوآ افترى فيكي ..
عساك على القوة وولكم باك