اخي الكريم
المبلغ المسموح ادهاله كاش للولايات المتحدة هو 10.000 $
لاكن انا انصحك انك ناخذ معاك مصروف كاش اقل والباقي تستخدم بطاقة الائتمان لانها اسهل وامن واغلب الفنادق ومحلات تأجير السيارات تطلبها للتأمين !!
بالتوفيق عزيزي

انتبهه لاتنسرق او تطيح منك,حطها على الاقل شيكات سياحية

impact
هلا وغلا أخي أمباكت
وشكراً على مرورك الكريم ...
بصراحة عندي 5000 $ من زمان وقلت دامي مسافر لأمريكا الاولى أني أخذها معي
وعن بطاقات الائتمان مالي غنى عنها حتى بداخل المملكة فمابالك في أمريكا باخذ معي بطاقتين .. عموماً اشكرك كل الشكر على المرور ... وبغيت أعرف مصدر المعلومة اللي يسمح بدخول الولايات المتحدة بمبلغ 10.000 $ لو تكرمت وهل ينطبق على جميع الولايات أو ولاية عن آخرى؟
تقبل تحياتي
أخوك
مسافرلها

back street
مرحبا أخوي وشكرا على مرورك الكريم + اهتمامك
وفكرة الشيكات السياحية راودتني بس قلت انا بطلع من المطار بالتاكسي على الفندق واحط الكاش اللي معي بصندوق الامانات + بطاقات الائتمان وارجع لها متى ما احتجت لها يعني بعون الله ما بشيلها معي بالطلعه والنزله. بطاقة الائتمان بأذن الله توفي بالغرض الكاش بخليه في الفندق متى ما احتجت له بيكون قريب فقط لا غير
شكرا كل الشكر على مرورك الكريم
تقبل تحياتي
أخوك
مسافرلها

طيب ورا ماتفتح حساب في بنك سامبا بالدولار وتودعها فيه .
ويصير عندك في حسابك 5000 دولار

اخوي انا دخلت امريكا في 14 جولاي وكان معي 5800 دولار ولاسألوني عنها معي اني كنت كاتبها في الفورم حق الطيارة فأتوقع عادي بس حاول انك تفرقها في اماكن مختلفه عشان لو صار شي لاسمح الله ماتروح كلها بالتوفيق...

مسافرلها https://help.cbp.gov/cgi-bin/customs.cfg/php/enduser/popup_adp.php?p_sid=uD3XVHDj&p_lva=322&p_li=&p_faqid=447&p_created=1043364939&p_sp=cF9zcmNoPTEmcF9zb3J0X2J5PSZwX2dyaWRzb3J0PSZwX3Jvd19jbnQ9OSw5JnBfcHJvZHM9MCZwX2NhdHM9MCZwX3B2PSZwX2N2PSZwX3NlYXJjaF90eXBlPWFuc3dlcnMuc2VhcmNoX25sJnBfcGFnZT0xJnBfc2VhcmNoX3RleHQ9Z29sZCBidWxsaW9u
بالتوفيق

back street
أولا أشكرك على مرورك القيم
ثانياً منطق سليم جداً اللي تقوله بس أنا طال عمرك بسافر بعد تقريبا 3 أيام ولا عندي وقت أفتح حساب لاني مشغول جداً بالعمل حتى يوم السفر للدرجة أن رحلتي بتكون الساعه 10 بالمساء ومضطر أني أشتغل في نفس اليوم الين سته المساء عشان أخلص بعض الامور المتعلقه والله يسرها واخلصها قبل عشان ارتاح شوي !!
ولا من ناحية فكرتك جدا واقعية لكن الوقت ضيق والمبلغ ماهوب كبير مره عشان يستاهل العنوه وش عندي المطخطخ
شرفني مرورك طال عمرك وشورك
تقبل فايق تحياتي
أخوك
مسافرلها

برهوم
هلا برهوم والف شكر على المرور
وشورك وهداية الله بخذها معي وبفرقها مثل ما قلت فعلا الغبنه لا ضاعت كلها وضربت كف على كف ... عاد محاكيك بعض المرات تنتابه لحظات من الفهاوه اللي فعلا تستوجب معها اتخذ الاحتياطات والاجراءت الامنية اللازمه.
ودامك هلالي بفرقها 4 -4 -2 وياسر اساسي
جداً أسعدتني مشورتك وتجربتك الطيبه وأسمحلي لو ثقلت دمي عليك شوي
لك الود والمحبة في الله
أخوك
مسافرلها