اشكرك على هذا الموضوع مشرفنا القطري مسوي موضوع شامل عن برامج الايفون ومستشار بوغزيز بعد
شوف هذا الرابط
https://artravelers.com/p/re/434704
متابع معاك

أبوعبدالله
تسلم لي اخوي ابو عبدالله ،، والعفو
دخلت الرابط وشفته .
بس بموضوعنا هذا فقط عن الاشياء لي يستفيد منها المسافر
واي عضو عنده برنامج مفيد لسفر لايبخل علينا حتى تعم الفائده لجميع المسافرين .
وتحياتي لك ..

مدام انت محدد حق بوابة بريطانيا.
اتمنا من جميع الاعضاء والمميزين والخبراء نبي تشجيع من البرامج المفيده للمسافر
متابع بقوه.
بيض الله وجهك
البرستيج كله*

أبوعبدالله
هلا وغلا بو عبدالله .
وجهك يا بو عبدالله .
نزلت اوس 5 ومسح جميع البرامج
اليوم بنكمل البرامج ..

البرستيج كله
السلام عليكم
كيف الحال الغالين
نفس الشي .
توا من اشوي نزلت اوس 5 ومشكلتي ماسويت باك اب .
وراحت علي كل المسجات الي فيها ارقام المراجعات للوزارات
البرامج مش مشكله اقدر انزلها ولكن ارقام المعاملات الله ايعينا ندخل في دوامه معاهم
صباح الخير مشرفنا .
لك وحشه .
بعدكم اتحشون فيني
ههه
مشرفنا بوعبدالله وشيخنا موادع اذا اجتمعوا على الدنيا السلام ^_^

هلا وغلا القطري .
الحمد الله انا الارقام والملاحظات ماراحت بس البرامج والبرامج على قولتك امرها سهل جدا .
شرفتنا بمرورك الطيب
تحياتي ...

مرحبا ،،
برنامج الاستجأر السيارات .
europcar
hertz
sixt
برامج للمطارات وحركت الطيران .
flightboard طبعا هذا البرنامج مفيد جدا وانت في اي مكان تابع الشاشه اي مطار في العالم
عرض كافة المعلومات المتعلقة بالرحلات الجوية في الوقت المباشر
Flightradar24 اتابع رحلات الطيران . مجرد انك تعرف رقم الرحله اتعرف الطياره هي اين الان .
تتبع لاحقا ..

مافي حماس .. ولا حتى فتح
شكل العالم للحين ع البلاك بيري
طيب خلو توت الاسود ينفعكم

السلام عليكم
اليوم بحط لكم برنامج مهم للمسلمين
عسى الله يكتب لي فيه الأجر والقائمين عليه
اسم البرنامج
الذبيحة
zabihah
فقط اكتب في اب ستور الذبيحه بالانجليزي وبيطلع لك البرنامج ومجانا حاليا
من الايقونه والاسم يدل انه برنامج للمسلمين فالشوكة تدل على المطاعم والهلال يدل على المساجد
البرنامج سهل جدا ومفيد المسافرين من حيث المطاعم العربيه والاسلاميه والحلال فيها وايضا المساجد
ندخل في البرنامج
في الصوره
وطبعا هذي في لندن
اول خانه المطاعم والعدد ما شاء الله 150
والكلمة ثانيه السوبر ماركت او البقالة او دكان الحلال فقط في كل شي
والعدد ما شاء الله 140
والكلمة الثلاثة المساجد
والعدد 150 مسجد
والحين نضغط على كلمة المطاعم
وراح تطلع هذي الصوره
7
7
7
طبعا مثل ما في الصوره
أسامي المطاعم الحلال
وبالمسافه مابينك وبين المطاعم
وتقدر تختار المطعم بالاسم مثل ما هو موجود بالصوره او تختار الاقرب من مكانك مثل هالصوره
7
7
7
طبعا مجرد ماتحط صبعك على العلامه الحمر بتطلع لك معلومات عن هذا المطعم
نجرب الحين ونضغط على مطعم مروش
مثل ما هو باين بالصوره اسم المطعم مع المعلومات اسم شارع والعنوان ورقم الهاتف ونوع المنيو قائمة الطعام وطبعا مثل مامكتوب ان المنيو كله حلال
وعلى يسار الصوره ثلاث كلمات
الاتصال في المطعم للحجز او استفسار
والكلمة ثانيه مكان المطعم الخريطه
والكلمة الثلاثه اذا عجبك المطعم وحاب تخبر ربعك او اقاربك عليه
نضغط على الكلمه ثانيه عشان نعرف وشلون نوصل المكانه
طبعا يعطيني ثلاث طرق مقترحه وانا اختار انسب واقرب واحد لي
ولو تلاحضون فوق في صورة سياره وباص ومشي ..
انت تختار لي تبيه ويحدد لك المده الزمنيه
واذا اخترت باص راح يعطيك اقرب محطة عندك ومتى الباص بغادر المحطه
مثل هالصوره
موقعي في الصوره
العلامة ألخضره وأنا في وستمن ستر
والعلامة الحمرة المطعم وموقعه في شارع أجور روود
السوبرماركت او الجمعيات او البقالات
نفس طريقه بس بشرح لكم المساجد
بعد ماخترنا قائمة المساجد بيطلع لنا اسامي المساجد
مثل لي في الصوره
نختار على مسجد الماي فير
مثل ما هو واضح بالصوره معلومات عن المسجد وان هذا المسجد مسجد سني
واذا نبي انروح له نفس الطريقه لي قلت لكم عنها فوق نضغط على الكلمه get directionc
وبيطلع لنا موقعه
7
7
هذا هو موقع المسجد خلف الهلتون بارك لين والانتر
والقائمين على المسجد السفارة القطرية
أتمنى إني وفقت في هذا الشرح ..وان تستفيدوا.. لا تنسوننا بالدعاء
أخوكم ,,
البرستيج كله