GOOORY80
28-11-2022 - 05:22 am
السلام عليكم اعضاء المنتدي الاكثر من رائع...
عندي سؤال ياليت تفيدوني بروح لندن ان شاءالله قريب وبسكن فيه
High Street Kensington, London W8 6BH
حبيت اعرف شو اقرب المحطات للاماكن الساحية لاني اول مرة ازرو لندن وما ادل فيها شي ونحن عائلة وصعبة اخذ تاكسي لغلاءها كما فهمت منكم فا يليت تفيدوني
يزاكم الله خير
بذكر لك بعض المحطات اللي توصلك لأهم معالم لندن
محطة المنطقة اللي ساكن فيها هي نفسها اللي ذكرتها High Street Kensington ، اذا تبي توصل للأكسفورد ستريت والماربل ارش والهايد بارك والريجنت ستريت من هالمحطة
اولا تسخدم هالمحطة باتجاه محطة notting hill gate وبيكون عالخط الأخضر والأصفر ، وتبدل من هالمحطة للخط الأحمر
الخط الأحمر يوديك للكوينز واي واللانكستر قيت والماربل ارشل والبوند ستريت والأكسفور سيركس
الكوينز واي شارع فيه مطاعم ومحلات ومقاهي وفيه مطاعم عربية وحلال
اللانكستر قيت منطقة قريبة من الهايد بارك والكينغزتون
الماربل ارش قريبة من البارك لين والهايد بارك والأكسفورد ستريت
البوند ستريت تكون بوسط الأكسفور ستريت
الأكسفورد سيركس تكون تقاطع الأكسفور ستريت مع الريجنت ستريت
تقدر توصل للبيكادلي سيركس عن طريق محطة أكسفور سيركس وذلك بأنك تغير من الخط الأحمر للخط البني
ومن البيكادلي سيركس اذا استخدمت الخط الأزرق تقدر توصل للستر سكوير ، والاتجاه الثاني يوديك للهارودز والنايتس بريج
ونرجع لنقطة الانطلاق ، لو كنت تبي تروح للبق بن ولندن آي ، تستخدم المحطة اللي عند السكن عالخط الأصفر باتجاه محطة الوستمنستر وهي تحت البق بن بالضبط ، وتقدر من خلالها توصل لحديقة السانت جيمس وقصر الملكة
أي استفسار آخر انا حاضر واتمنى اني وضحت لك الفكرة