اشدعوى يا جماعة؟!!!!
خمسة أيام ولا مشرف او خبير يرد علي؟!!!
ما أخبركم جذي يا مشرفي وخبراء بوابة أمريكا!!!
ماكان العشم فيكم جذي!!!
مشكورين

ما احد رد يمكن ما احد مر بهاذي التجربة
لكن انا العام شريت من هناك اي فون من محل ابل ستور ,
و كان سعره ما يفرق واجد عن سعره في الدوحة
اظن ان اسعار كل منتجات شركة ابل سعرها واحد بأي مكان
و ممكن ايضا اتشيكين على اسعارهم بموقعهم على النت
ارجو لكي التوفيق

alderhim
ما قصرت يا خبيرنا
الله يبرد قلبك مثل ما أنت دوم اللي ترد علي وتبرد قلبي
وفقك الله ياولد بلادي

السلام عليكم ورحمة الله وبركاتة ،
الصراحة انا للحين محتار هل اني أخذ ماك بوك ولا فايو سوني
اول شي رحت لمحل جمبو عندنا في مدينة العين وقال لي اني اقدر اشوف الموقع
واختار اللاب توب اللي في خاطري واجيب له الموديل ويطلب لي اياه
ف دخل في خاطري لاب سوني وخذت الموديل ورحت للمحل وقال لي انه خلص من زمان
ف قررت اني اخذ ماك بوك ورحت لمحلهم في مردف ستي سنتر في دبي وفيه اكثر عن نوع وحجم
بعد التحري والاستطلاع اكتشفت ان الماك شوي فيه تعقيدات ويبيله وقت لين اتعلم عليه
ف بصراحة اللي يحب الاستكشاف والحركات والكشخه ياخذ ماك بوك وانا ما بغير رايج فيه
هو لاب توب لا يعلى عليه الصراحة بس تعرفين نحن نحب كل شي جاهز ، ف قررت اني اخذ لاب سوني
توه يديد بالسوق ههه وللحين في انتظار الراتب
بس الافضل انج تشوفين الفرق بين نوعين يعني مثلا ماك بوك و توشيبا على سبيل المثال
وتشوفين المواصفات اللي تناسبج انتي واستخداماتج =)
تقبلي من التحية

السلام عليكم
اختي الأفضل من امريكا .. فمثلا عندنا بالكويت .. وجدت الفارق يصل من 200 الى 350 دينار أغلى من امريكا
هذا للماك بوك برو15 انش .. لو أردتي الجهاز للتصفح و الاوفس فقط فانصح بالماك بوك اير هو اقلهم سعرا و انسبهم للتصفح
..
لا اعرفهم اماكنهم في لوس انجلس تحديدا .. اما بالنسبة للازدحام فلا يوجد طوابير انتظار طويله الا عند طرح الايفون والايباد فقط
واخيرا لا يوحد قفل على الجهاز هو فقط للايفون

UAE_FENDI
حياك الله أخوي الفاضل
شكرا لمداخلتك الكريمة
بالنسبة لرأيك أقدره واحترمه وفعلا الماك بوك فيه تعقيدات وعوار راس ويبي له واحد متفرغ يتعلم عليه فترة وأنا ما حبيته ولكنه مو لي الماك بوك طالبه مني ولدي هدية نجاحه وإلا انا عندي توشيبا لاب توب وعندي فايو سوني (ثقيل دم وما أنصحك فيه ) اختار لك توشيبا أحسن لك..
يعطيك العافية أخوي الكريم وسعيدة بمداخلتك

x_lawyer
يعطيك ألف عافية أخوي الفاضل
إجابتك كافية وشافية وهي اللي كنت أنتظرها وجاوبت فيها على كل تساؤلاتي
ابني يريده للتصفح وبرامج الأوفيس فقط
إذا الماك اير أفضل له
ما قصرت ..الله يجزيك عني خير الجزاء
وسعيدة بمشاركتك الأولى في هذ المنتدى والتي كان لي الشرف الحصول عليها
دمت بود

توكلي على الله واخذي ماك بوك اير ، بس ترا الكيبورد بيكون بالانقلش
وفيه محلات او شركات تبرمج اللاب للغة العربية مع الكيبورد بس ما عندي
فكره بعد البرمجه هل بتواجهون مشكله او لا ، حاولي تستفسرين =)