وعليكم السلام .. بحكم قصر الفتره .. اقترح عليك ليتلين في واشنطن وبعدين تسافر لنيويورك وتجلس فيها ليالي و قبل السفر بيوم ترجع لواشنطن.
وان مليت من نيويورك يمديك تروح مثلا اتلانتك سيتي و ترجع بنفس اليوم في باصات تروح وترجع بنفس اليوم.
المجمموع صار ليالي و ثمانيه ايام ..

مرحبا شلون اروح من واشنطن الي نيويورك مابي طيران وكم تبعد ياليت احد يفيدنا

ممكن تروح بالباص عن طريق أحد الشركات السياحيه
المسافه من 4 إلى 5 ساعات حسب الزحمه

الهاجري
اخوي في اكثر من خيار:
السياره ولكن المشكله لمن توصل الى نيويورك السواقه فيها قلق خصوصا منهاتن و المواقف غالية.
الباص وانا افضله باصات مستواها جيد اسعارها معقوله وفي باصات تقدم خدمات اضافيه مثل انترنت و كهرب لو تبي تستخدم الاب توب.
من الشركات المفضلة عندي :
bolt bus
https://www.boltbus.com/
لو تبي تروح بالويك اند انصحك تحجز بدري لانها تمتلي بسرعه.
DC 2 NY
http://www.dc2ny.com
الشركتين الي فوق باصات عاديه مو سياحيه بس يوصلونك ولا تعرفه ولا يعرفونك بعدها ..
القطار سعره اغلى من الباص.
موقعهم على الانترنت..
http://www.amtrak.com
وهذا الموقع فيه رحلات سياحيه من واشنطن ولكن للاسف ما رحلة الى نيويورك ادخله وتصفحه يمكن تلاقي رحله مناسبة ..
http://www.gotobus.com/tours/

أخي الغالي والعزيز : fms
أشكرك على مرورك وعلى ردك واقتراحك ..
بإذن الله تكون الخطة مبدئيا كما ذكرت أنت ( ليلتين في واشنطون ثم 4 ليالي في نيويورك ثم 1 في واشنطن )
طبعا أنا حرصت على التخطيط العام بدريب علشان أحجز الفنادق - أبغى أوديها معي يوم الموعد الأسبوع القادم
بحيث تكون المصاداقية أكثر ويعطوني الفيزا
أول سؤال :
موقع حجز الفنادق اللي تنصحني أستخدمه في الولايات المتحدة
هل booking.com or expedia.com أو غيرها
من ناحية الأسعار الحلوة والمصداقية
ثانيا:
المنطقة والفندق اللي تنصحني في واشنطون وفي نيويورك
وأعرف إن هذا السؤال كبير ويختلف على حسب الأشخاص
لكن حبيت مشورتك مبدئيا خصوصا اللي راح أطبعه وأوديه للسفارة
عند الموعد
بعض الأشياء :
1- يكون في مكان وسط بحيث يكون قريب من الأماكن الجميلة ويمكن زيارتها بسهولة
2- سعره متوسط من فئة 3 نجوم وما جاورها
وشكرا لاهتمامك ووقتك

1. عفوا ..


2. هل booking.com or expedia.com أو غيرها


3. من ناحية الأسعار الحلوة والمصداقية

عفوا ..

وان شاء الله تتسهل امور الفيزه وتراهم ما يدققون على موضوع الفنادق بس لو تبي تسوي حجز انصحك تسويها من نفس الموقع حق الفندق نفسه لان ما راح ياخذون فلوسهم الا لمن تسوي شيك ان وتقدر تكنسله الساعه بنفس اليوم. طبعا كل فندق له سياساته مو كلهم نفس الشي.
أول سؤال :
موقع حجز الفنادق اللي تنصحني أستخدمه في الولايات المتحدة

هل booking.com or expedia.com أو غيرها

من ناحية الأسعار الحلوة والمصداقية

بالنسبة لي ما احب اني اكون اسير موقع واحد .. انا اول شي اشوف الفندق الي سعره تقريبا مناسب و موقعه حليوو. و بعدها اسوي بحث على اكثر من موقع و الي يقدم لي سعر الافضل احجز منه. انا احب موقع كياك لانه يسوي لي مقارنه بالسعر مع اكثر من موقع و بنفس الوقت لو حطيت صح على اكسبيديا راح يفتح لك موقع اكسبديا و تشوف الفنادق الموجوده فية وتقارن.
http://www.kayak.com
وانا كتبت عن هالموقع العام لو تسوي بحث في المنتدى بتلاقي الموضوع وفيه طريقة استخدامه لو ما تعرف له.
ثانيا:
المنطقة والفندق اللي تنصحني في واشنطون وفي نيويورك
وأعرف إن هذا السؤال كبير ويختلف على حسب الأشخاص
لكن حبيت مشورتك مبدئيا خصوصا اللي راح أطبعه وأوديه للسفارة
عند الموعد
بعض الأشياء :
1- يكون في مكان وسط بحيث يكون قريب من الأماكن الجميلة ويمكن زيارتها بسهولة
2- سعره متوسط من فئة 3 نجوم وما جاورها
بالنسبة في نيويورك انا انصحك بالسكن في uptown هي افضل شي وقريبه من اشياء كثيرة.
بالنسبة لفندق سعره حلو و موقع حليوو بس يبي لك مشي شوي .. ولكن انت تقدر تحجز حجز مؤقت من موقعهم
Doubletree Metropolitan Hotel New York City
http://doubletree1.hilton.com/en_US/dt/hotel/NYCDTDT-Doubletree-Metropolitan-Hotel-New-York-City-New-York/index.do
صورة الغرفه مصورها احد السكان في الفندق ..
سو حجز من موقعهم لا تحجز من اي موقع ثاني. و لمن انت تحدد الايام و نوع الغرف سرير او سريرين بعدها بتطلع لك قائمة الاسعار
انتبه تختار الدفع مسبق .. لانها ما ترجع الفلوس ..
ولمن تحط معلوماتك والكريديت كارد .. تاكد مره ثانية من سياسه الغاء الحجز ..
ملاحظة العاده السعر ارخص من الي مكتوب في الصورة بس لاني اخترت حجز الاسبوع الجاي و علشان كذا كان مرتفع شوي. ان شاء الله انت تحجز من بدري و يطلع لك سعر مناسب او لو تقول الوقت الي تفكر تجي فيه و انا وانت والاعضاء نشوف فندق زين وسعره زين. تعرف تخلف بين يوم وثاني الاسعار.
اما في واشنطن المدينه بصفه عامه بالليل تكون هادية .. ولكن يمكن يكون في حركه في M st فدور فندق يكون قريب منه ..
بس علشان السفاره احجز هذا هيلتون .. ما ادري وين موقعه زين او شين
Hilton Washington Embassy Row
http://www1.hilton.com/en_US/hi/hotel/DCAERHF-Hilton-Washington-Embassy-Row-District-of-Columbia/index.do
ما راح يسحبون شي من الكريدت كارد حقك وبعدين تحدد الاوقات و ندور على رواقه. بس نفس الشي انتبه لا تختار الدفع المقدم.

Hilton Washington Embassy Row
الفندق في حي السفارات .. جدا ممل السكن في واشنطن حتى في M ستريت خصوصا اذا مش ويكند .. اجلس في فرجينيا تقدر تتمشى و نفس الوقت قريب من المطار ... مثلا Tysons Corner area

بنت الصقور
اختي بنت الصقور وين أفضل شئ الواحد يسكن في واشنطن مع الأهل إذا عنده شغل والأهل يأخذون راحتهم في التسوق ( يعني يكون مكان التسوق قريب وممكن التوجه له عن طريق المشي وليس بإستخدام السياره ) .
وشكرا

الذكرى الجميلة .. وش صار على فيزتك و المقابله في السفارة ؟؟
بنت الصقور .. بالنبسة للفندق الي ذكرته كان مجرد اسم فندق يقدر يحجز منه لانه تبع شركه هيلتون وسهل انه يحجز و يلغي حجزه بعدين لان الرجال يبين قدام السفاره انه مستعد وحاجز فنادق. ولا رايك و اقتراحك اكيد افضل .. اصلا واشنطن وفيرجينيا بدون سياره متعبه.