ndosh_sam
20-10-2022 - 05:23 am
السلام عليكم ورحمة الله
بغيت جدول 7 ايام لسويسرا وهل هي كافيه؟؟
وماهي اهم المدن والاماكن التي تستحق الزياره واسما فنادق النظيفه ومواقهعا مميزه
ويتخلل السفره 7 ايام للنمسا
ويومين او ثلاثه ايام لفرنسا
تاريخ السفره يمكن 22 اغسطس
المغادره يمكن من جده لجنيف
نحن شخصين مع وجود طفل سنتين ونص؟؟
هذي اول رحله تكفون افزعولي
حياك الله أخوي .
7 ايام مناسبة لسويسرا لزيارة اهم المناطق .
لكن الاهم الان ..يوم تقول فرنسا ..هل تقصد باريس ؟ الا ريف فرنسا بالقرب من جنيف؟
وما هي المدن اللي في النمسا اللي ودك تزورها ..زيلاميسي سالزبورغ انسبروك ..الخ .
هل تفضل زيارة مدينة الالعاب اليوروب بارك .؟
عدد ايامك ما شاء الله يسمح لك بزيارة ايضا ألمانيا او ايطاليا ...مع ان المسافات متباعدة قليلا .
وايضا يعتمد بشكل اساسي على محطة الوصول والمغادرة .
مثلا ..لو وصلت باريس ..ثم بالقطار الى فرايبورغ الالمانية..وتاخذ سيارة وتزور اليوروب بارك ..ثم تنزل لأنترلكن ..ومنها الى زيلاميسي ..ثم ميونخ والعودة منها .
وممكن تكون الروحة والردة من جنيف ..تزور انترلكن ثم زيلاميسي وميونخ ..ثم اليوروب بارك ث باريس ثم جنيف.
لكن هل راح تطلع على الخطوط السعودية ؟ لأن مافي رحلات دايركت من السعودية الا الى ميلان وجنيف وفرانكفورت وباريس .
بس ياليت لو تكون محدد بالضبط المدن عشان التخطيط يطلع سهل .
وبالتوفيق