بالمفضلة , نبي نقراه بعد ما يكتمل : )
سجل معك واحد يقدر الدوجة D:

سجل عندك واحد يحب الدجه
حياك الله اخوي الغالي
بانتظار تفاصيل ماستكتبه ..
لان الكثير متعطشين لمثل هالمواضيع بالذات
شد حيلك واحنا معك متابعين

1. وأخوكم من أول السفرة لأخرها مبادلهم نفس الشعور وما أخذته


2. ملاحظات

munich
مطار ميونخ ............الوصول 29/7/2007 الساعة 7 صباحا
Franz Josef airport
درجة الحرارة خارج المطار c15 ___________قارن___________بالكويت50c____لاوبالظل بعد
على طول التاكسي لمنطقة_____MUNICH GIESING ________70 يورو التوصيلة
اخترت هالمنطقة لأنها أطرف فرع ليوروب كار عن زحمة ميونخ ____لأني أول مرة أسوق بأوروبا
ملاحظة:أرخص وأنسب تأجير سيارة في أوروبا من ميونخ.......وأرقى تعامل مع شركة يوروب كار.......وأكثر أفرع لأستلام السيارة وتسليمها في أوروبا اليوروب كار بدون منازع.....
العنوان
MUNICH GIESING
TEGERNSEER LANDSTR. 185b
9MUENCHEN
Phone number : (089) 6208080
Fax number : (089) 62080866
السيارة AUDI TT ROADSTER 2007 350. دك لمدة 14 يوم
مكان استلام وتسليم السيارة في مطار ميونيخ(للي بيستأجرون من المطار)
المطار من الخارج ..
نفس السيارة اللي أستأجرتها من اليوروب كار
الغريب اني سمعت انهم راح يحجزون على الفيزا مبلغ 900 يورو عند الوصول
تتوقعون كم حجزوا ________296 يورو فقط لاغير
لا والمعاملة معانا___(يادهينة لاتنكبين)
بس اللي لاحظته باليوروب كار أنهم بايعينها ومخلصين ______عطوني سيارة بدون (أسبير تاير)
وبماأنهم بهالطريقه بادرتهم بنفس الشعور وخذيتها وتوكلت على الله
وقالولي أي فرع لليوروب كار في أي مكان تحصل عنده (تاير=كفر) خذه

وأخوكم من أول السفرة لأخرها مبادلهم نفس الشعور وما أخذته

السيارة فيهاGPS لألمانيا بالتفصيل__((door to door وباقي أوروبا شوارع عامه وفنادق...الخ
السيارة _بنزين واذا وصل العداد للربع حطيت فيها60 الى 65 يورو... عالخطوط السريعه أغلى والعكس صحيح _______والتاكس بألمانيا من ضمن سعر التأجير_______النمسا تقريبا7 يورو عشرة أيام____وسويسرا40 فرنك سنه كاملة_______ولشتنشتاين طاف لاتاكس ولاحدود (دربك خضر)
وفرنسا 25 يورو للخط السريع وأنت طالع من ستراسبوغ _______هولندا وبلجيكا ماصدفنا أي حدود أو تاكس_______والدنمارك من غير تاكس

ملاحظات

• التأجير من المطار أحسن من المدينة ولو أن في زيادة 16% على السعر......بس أنه راح يجنبك شيل الشنط عند المكتب في المدينه .......والسيارات اللي في المطار متنوعة وأكثر
• أنصح كل مسافر لأوروبا أن يستأجر سيارة سواء شباب أو عائلة حتى لايقتل متعة التنقل بحرية واكتشاف مالم يكتشفه غيرك(راعين التكاسي والقطارات)
• قبول مكتب التأجير أي فيزا لأي شخص مرافق بغض النظر عن المستأجر
• اذا مريت بتقاطعات على اشارات مرور على درب قطار على كاميرات تصوير...كلهم على بعض .....خلك ريلاكس ودور لك سيارة وراها على طول ...ان وقف أوقف وان مشى حرك لاتخليه لين تطلع من المتاهة
• حزام الامان من قبل لاتشغل السيارة ألبسه ..أنت واللي جنبك ....المخالفة مثل السلام عليكم(لأنهم أهل الجباية)
• حاول أنك لاتسوق السيارة أكثر من ساعتين متواصله(ريح الكافيهات ...عد وخربط)
• لاتعطي وجه لأي عربي هناك ...طنشهم ماوراهم الا الشحذه والمشاكل (يعني لاقالك ..الأخ من الخليج قوله وبكل ثكل دم ..لاوالله من هندستان)
• التسليم للسيارة بأي مدينه المانيا بدون أجور اضافية شرط الأستئجار من ألمانيا
• تقدر تسلم سيارتك في المطار قبل رحلتك بساعتين (وماراح يعطلونك ...سلم المفتاح وتوكل على الله....واذا في شي على السيارة يخصم من الفيزا)
• مكان استلام السيارة في مطار ميونخ سهل وله باب من داخل المطار (ماله داعي تطلع بره المطار ويقل عن 100 متر تقريبا (السرداب) والعكس صحيح

والمهم جدا...أنك لاتخلي أي مدينه تمر فيها ألا تنزل شوي تريح فيها وتكتشفها وتاخذ لك كم صوره فيها (متعه مابعدا متعه) حتى لو ساهة...طبعا اللي أقصده القرى والأرياف..ألخ

• حاول تعطي أنطباع طيب عن شخصك ودينك وبلدك (كن سفيرا لبلدك)

الصور اللي صورتها برحلتي لها أول مالها أخر ...بس أصبروا علي لأني راح أرتبها حسب تسلسل الرحلة......بالعربي مسلسل مدبلج ماتنتهي حلقاته لين تقولون بس فكنا***
أخلصكم ..من كثر تصويرنا اللي يشوفونا يقولون لبعض الظاهر أنهم من وزارة الاشغال العامه وتخطيط الطرق....
وللحديث بقية

santos
معاك علي طوول خط الدوجه واتفق معاك بكل اللي قلته
واكرر اللي ماجرب القياده في اوروبا لا يقول سافرت اوروبا
ناطرينك انا واخواني اعضاء رابطة الدوجه الموقرين

سجلني من المتابعين

وانا بعد سجلني من المتابعين وننتظر البقية .

متابعين معاك وننتظر المزيد

انا متحمس جدا لتقريرك لكن لا تنسى الدبلجة
سلامي لك