الف مبروك والله يوفق بينكم
الكل بيخدكم وآمل عدم تحديد بشخص بعينه وعدلت العنوان للمعذره
2يوم من باريس الي زيلامسي ومن ثم الي ميلان يا ترى تدري ان زيلامسي ما فيها مطار حسب علمي والي ميلان ما ادري فيه قطار او صعب
سويسرا تكفي عن النمسا
يعني 4 ايام باريس
4 ايام انترلاكن ومن ثم ترجعون جنيف وبالطيران الاقتصادي علي ميلان
بس هل حددتوا الذهاب والعوده مع اني افضل الغاء ميلان او سويسرا
4 ايام باريس 5 ايام انترلاكن 3 ايام جنيف ( من جنيف تنطلقون الي انسي وشاموني وديفون )
يعني الذهاب من ارض الوطن لباريس والعوده من جنيف
او
4 ايام باريس 4 ايام نيس وكان وموناكو والبقيه في ميلانو ومن نيس الي ميلانو بالقطار والعوده لارض الوطن الي ميلانو
مع اني أؤيد المسار الاول لأنه احلى للعرسان ميلانو بتصير حر عليكم
اللغه مش عائق باذن الله لابد من بعض الامور وان شاءالله اذا مشيت علي شيء مرتب هنا بالمنتدي في بوايه فرنسا وسويسرا ومشاورات الاخوان والخوات بتطلع بشي طيب يفيدك ان شاءالله
المبالغ معك الي 10 الاف يورو مسموح بس ليش تشيل مبالغ كبيره
الفنادق ادفعهم وانت من هنا اذا محدد موعد وصولك وكل شيء باذن الله وكذلك القطار
الباقي بين الفيزا والصراف الالي وخذ معك مصروف الباقي لليوم خله 200 يورو
الفيزا ظروريه وقدم من الحين يا غالي وفيه موضوع مثبت بالبوابه الفرنسيه فيه كل متطلبات الفيزا

الحمد الله تم الحجز للسفر بالخطوط القطريه
من 21 مايو إلى 5 جون
والرحله راح تكون 6 ايام باريس و 4 ايام زيلامسي و4 ايام فيينا
ياليت تفيدوني بجدول للاماكن اللي يفضل زياراتها بباريس وخاصة بيوم الاحد يوم الاجازه
وهل 6 ايام كافيه اكون فيها فقط بباريس واذاترشحون لي مناطق ودول ازورها واختصر ايام من باريس بحيث تكون 4 ايام بدل 6 ايام واطلع لل انتر لاكن او اي مكان اخر
وياليت ترشحون لي افضل الفنادق بباريس الاربع نجوم قريبه من الشانز
الاجواء والمطاعم والتسوق بالفتره اللي راح اكون متواجده فيها
كيفية التنقلات واسهلها
ياليت الكل يرد ويساعدني لانو اول رحله وانتو ماتقصرون

شوف يا غالي
النمسا لا تجمعها مع باريس يعني حرام يومين في انترلاكن تستحق أكثر ولكن ما دام مختار باريس والنمسا خلك عليهم
من باريس فيه هالرابط اقرأه اذا عندك نيه تقلل الايام وبعدين الجدول يتضبط
https://artravelers.com/p/re/525694

راح اكتفي اول الامر بباريس لمدة 6 ايام ياليت جدول مفصل عن :-
الاماكن اللي يفضل زياراتها وجدول مقترح ليوم الاحد يوم الاجازه
وافضل الفنادق بباريس اربع نجوم قريبه من الشانز
الاجواء بالفتره المذكورة كيف راح تكون
والمطاعم
واماكن التسوق
كيفية التنقل واسهلها
الاستفسارات انتر لا كن كم يفضل البقاء فيها من يوم لو حبيت اروح لها بعد باريس وكذلك زيلامسي علما بان مدة سفري 14 يوم وميزانيتي 45 الف ريال وخط رجعتي مثل ماهو مذكور عن طريق الخطوط القطريه ياليت جدول من اعدادكم

انترلاكن 3 ايام كفايه
لكن زيلامسي بتحب انترلاكن اكثر منها
لكن الله يوفقكم زور بوابة كل من المدينتين لتنال برامج سياحيه
===============
باريس 6 ايام
الاماكن السياحيه عديده اختارو الجدول بنفس اليوم والنشاط
يعني لما تصحون شوفو شو اللي يناسبكم كل يوم قربنا المعالم من بعضها
// اللوفر - الحي اللاتيني - برج ايفل
// ديزني لاند
// اللاديفانس+قوس النصر + الشانز
//قصر فرساي
//جالاري لافاييت+الاوبرا+هضبة المونمارتر
// حديقة وملاهي استريكس
==========================

ارشحلك فندق شاتو 4 نجوم وموقعه مميز
بالنسبه للجدول واماكن التسوق ياليت تاخذ جوله في تقارير البوابه عشان توضح الصوره اكثر
بس مبدئيا الاماكن اللي لازم تمر عليها قوس النصر - برج ايفل- متحف اللوفر - مونمارت - الحي اللاتيني - قصر فرساي
اللادفانس او باريس الحديثه - جوله في نهر السين - منطقة الاوبرا - ديزني لاند - وطبعا الشانزليزيه
يوم الاحد تقدر تروح قصر فرساي وعرض النوافير اللي فيه
بالنسبه للتنقلات حلو تجربون المترو واول يومين خذو جوله بالباص السياحي ومن المطار التاكسي خيار جيد
هذا بخصوص باريس
اما انترلاكن وزيلامسي يمكن الخبراء يفيدونك اكثر ونصيحه كنسل ميلان ترا من جد ماتسوى ابدا
واي سؤال او استفسار حاضرين ولاتنسى تمر على تقريري يمكن يفيدك .. بالتوفيق

*؛؛شموخ ؛؛*
مشكوره اختي على الرد بس ياليت توضحين لي اكثر كيفية الوصول إلى الاماكن المذكوره بالجدول عن طريق المترو وكيفية الحصول على التذاكر
وحابه اعرف اماكن التسوق اللي تنصحيني فيها

روزماري
مشكوره على الرد فندق شاتو وين موقعه وياليت اذا تعرفين سعره تفيديني

عندي مشكله باللغه ومو حاب انها تكون عائق بالسفره اذا يوجد حل بتوفر مترجم او اي حل تنصحووني فيه